२ सामुएल 6:16 - Sunuwar Bible

¹⁶ मिनु परमप्रभु यावे आ सन्‍दोस दाऊद आ सहरमी चाक्‍गमेनु, सावल आ तमी मिकालमी झेल रे कोव़ङा बाक्‍त। मिनु पिप दाऊद कली परमप्रभु यावे आ ङोंइती प्रेक्‍ना प्रेक्‍न, सिल पशो तशा, आ थुंमी ग्रांग्रा दिमाक्‍त।

२ सामुएल 6:16 ပူးပေါင်းရင်းမြစ်များ

२ सामुएल 3:14

मिनु दाऊदमी सावल आ तौ इश-‍बोशेथ कली यो “आं मीश मिकाल गेयी। गो मेको आ पर्बम सहे का जना पलिस्‍ती आन ख्रोइक्‍तीक चिनु ख्रोइश्‍शो कुशुल थाप्‍ताक्‍ङ” देंपाइक्‍थ मुर सोइक्‍ता बाक्‍त। १सामुएल १८:२५-२७

२ सामुएल 5:7

मो हना यो दाऊदमी गारो हिरशो सियोन ग्रामाक्‍त। मिनु मेको दाऊद आ सहर दुम्‍माक्‍त।

२ सामुएल 6:15

मिनु दाऊद नु इस्राएल आ खिं ङा मुर नेल्‍ल रेयके पना पन तुराही ताम्‍ना ताम्‍न परमप्रभु यावे आ सन्‍दोस चाक्‍गमे बाक्‍त।

२ सामुएल 6:20

मिनु दाऊद आ खिं ङा मुर आन कली आसीक गेथ लेम्‍मेनु, सावल आ तमी मिकाल मेको कली ग्रुम्‍थ लाङगा ग्रूशा पिमाक्‍त। मिनु मेकोम “मुलाक्‍ती इस्राएल ङा पिप थम ठेयब मिम्‍सीशो बाक्‍त। मेको मुलाक्‍त आ गेय पाइब वाइलीम आन ङोंइती शिश्रा दुम्‍शा, मुने मपाइश्‍शो आइक्‍च मुर खोदेंशो दुम्‍त” देंमाक्‍त।

१ इतिहास 15:29

मिनु परमप्रभु यावे आ कबल पशो सन्‍दोस दाऊद आ सहरम ओंइदमेनु, सावल आ तमी, दाऊद आ मीश मिकालमी झेल रे कोव़ङा बाक्‍त। मिनु पिप दाऊद कली ग्‍येरशा सिल पशो तशा, आ थुंमी पिप कली आइक्‍च मिम्‍ता बाक्‍त।

भजन संग्रह 123:3

परमप्रभु यावे, आंइ कली शिशी पने। आंइ कली शिशी पने। मारदे हना गो शुश दिप्‍चा पुंइसीशो बाक्‍नीकी।

भजन संग्रह 69:7

गो इन पर्बम शुक्‍शी पाइक्‍चा पुंइसीनुङ। मिनु मुनेमी आं कुल सुम्‍सीशो बाक्‍नुङ। भजन संग्रह ४४:२३

यसैया 53:3

मिनु अरुमी मेको कली ग्रांग्रा दिशा प्रोंइतेक्‍म। मेको श्‍येत जाइब नु रोइ पाइक्‍ब बाक्‍त। मेको कली तशा, मुरुम आन कुल ख्रुइक्‍ताक्‍म। मेको ग्रांग्रा दित्‍चा पुंइसेनु, सुइम महिक्‍गेम। भजन संग्रह २२:७-८; मर्कूस ९:१२

प्रेरित 2:13

का निक्‍शीमी चहिं ‘शांबु दुक्‍शो बाक्‍तेक्‍म’ ” दे शुक्‍शी पामे बाक्‍त।

१ कोरिन्‍थी 2:14

परमप्रभु यावे कली थमा मसुइक्‍ब मुरुम परमप्रभु यावे आ सोक्‍त ङा गेय मताइनीम। मेको नेल्‍ल मेको आन कली मूर्ख गेय खोदेंशो पा रुप्‍ने मचाप्‍नीम। मारदे हना मेको सोक्‍त ङा लोव़ बाक्‍ब। यूहन्‍ना ८:४७; १कोरिन्‍थी १:२३

१ सामुएल 18:17

मिनु सावलम दाऊद कली “गो आं ठेयब तमी मेराब इ कली गेशा ग्‍युं‍बे पपाइक्‍नुङ। तन्‍न गे मेको आ पर्बम बोल्‍यो पा आं गेय पचा माल्‍नेवे। मिनु परमप्रभु यावे आ पर्बम लडाइ पावो” दे मदा बाक्‍त। मारदे हना सावलम दाऊद कली आंम आ गुइम ममाइ पलिस्‍ती आन गुइ रे साइक्‍पाइक्‍चा माल्‍शो बाक्‍माक्‍त।

१ सामुएल 18:20

तन्‍न सावल आ अर्को तमी मिकाल दाऊद नु दाक्‍मुसा बाक्‍त। मेको लोव़ सावलम नेनानु “आं मिम्‍शो गाप्‍ब दुम्‍त” दे मिम्‍ता बाक्‍त।