२ सामुएल 6:14 - Sunuwar Bible

¹⁴ दाऊदम सुती के ऊरीम नु थुम्‍मीम कुरतीके पांइशा, परमप्रभु यावे आ ङोंइती आ जोंब बोक्‍शा सिल पवा बाक्‍त। प्रस्‍थान २८:६; १सामुएल २:१८; १सामुएल २२:१८

२ सामुएल 6:14 ပူးပေါင်းရင်းမြစ်များ

२ सामुएल 6:15

मिनु दाऊद नु इस्राएल आ खिं ङा मुर नेल्‍ल रेयके पना पन तुराही ताम्‍ना ताम्‍न परमप्रभु यावे आ सन्‍दोस चाक्‍गमे बाक्‍त।

२ सामुएल 6:20

मिनु दाऊद आ खिं ङा मुर आन कली आसीक गेथ लेम्‍मेनु, सावल आ तमी मिकाल मेको कली ग्रुम्‍थ लाङगा ग्रूशा पिमाक्‍त। मिनु मेकोम “मुलाक्‍ती इस्राएल ङा पिप थम ठेयब मिम्‍सीशो बाक्‍त। मेको मुलाक्‍त आ गेय पाइब वाइलीम आन ङोंइती शिश्रा दुम्‍शा, मुने मपाइश्‍शो आइक्‍च मुर खोदेंशो दुम्‍त” देंमाक्‍त।

१ इतिहास 15:27

मिनु दाऊद नु सन्‍दोस कुरब लेवी, कुम्‍सो पाइब नु केनानीयाह ताप्‍ब नु कुम्‍सो पाइब आन कली चलेब नेल्‍ल रिम्‍शो सुती के वा फेक्‍शो बाक्‍मा बाक्‍त। दाऊदम रिम्‍शो सुती वा के कुचु तार फेक्‍तीके यो फेक्‍शो बाक्‍माक्‍त। प्रस्‍थान २५:७

भजन संग्रह 149:3

मेकोपुकीमी सिल पना पन मेको आ नें ठेयब सेल्‍मेक्‍ल। खैजडी नु बीना ताप्‍शा, मेको कली कुम्‍सो पामेक्‍ल।

भजन संग्रह 150:4

खैजडी ताप्‍शा, सिल पा मेको कली ठेयब सेलीन। तार पाइश्‍शो ताप्‍तीक नु बांसुरी ताप्‍शा, मेको कली ठेयब सेलीन।

भजन संग्रह 30:11

गो रोंका पाइब मुर, सिल पाइब दुम्‍ती। आं रोंका पतीक अरन्‍डी प्रुइश्‍शा, ग्‍येरतीक किप्‍शुर खोदेंशो पा किप्‍ताक्‍यीनी।

भजन संग्रह 87:7

कुम्‍सो पाइब नु सिल पाइबपुकीमी “आंइ आसीक नेल्‍ल सियोनम बाक्‍ब” दे कुम्‍सो पाइनीम। भजन संग्रह ३६:१०

प्रस्‍थान 15:20

हारून आ समी मिरयाम परमप्रभु आ लोव़ पाइब यो बाक्‍त। मेकोमी खैजडी ताप्‍शा, कुम्‍सो पथ लमेनु, अरु मीश मुरपुकी यो खैजडी ताप्‍शा, सिल पना पन मेको आ नोले खोइक्‍तेक्‍म। भजन संग्रह ६८:२६

प्रस्‍थान 15:21

मिरयामम मेको आन कली कुम्‍सो पा लोव़ लेश्‍शा “परमप्रभु यावे कली कुम्‍सो पने। मारदे हना मेकोम ठेयब लडाइ पा ग्रात। शारा नु शारा ङोइक्‍ब आन कली समुन्‍द्रम ताइक्‍ताक्‍व” दे कुम्‍सो पाप्‍तु।

प्रस्‍थान 19:6

गे आं कली चढ़ेब आन राज्‍य नु आं योव़शो जात ङा मुर दुम्‍चा माल्‍नीनी’ दे मेको लोव़ इस्राएली आन कली देंचा माल्‍नेवे” दे माइक्‍तु। यसैया ६१:६; १ पत्रुस २:९; प्रकाश १:६; लेवी १९:२

उपदेसक 9:10

इ ङोंइती मार गेय बाक्‍मे, मेको इ सक्ति नेल्‍लेमी पावो। मारदे हना बेक्‍शो मुर आन बाक्‍तीकेम मारेइ मिम्‍तीके, जोक्‍तीके नु तुइक्‍तीके मबाक्‍ब।

इजीकीएल 46:10

मेकोपुकी ओव़मानु, सासन पाइब मेको नु ओव़चा माल्‍ब। मिनु मेकोपुकी लाङगा ग्रूमानु, मेको यो ग्रूचा माल्‍ब।

लूका 15:25

मेकोपुकी ग्‍येरसीशा बाक्‍मानु, जेठा तौ रूमी गेय पथ लशो बाक्‍माक्‍त। मिनु लेश्‍शा खिं आ नेक्‍था जाक्‍मेनु, शुश मुर खुम्‍सीशा सिल पा, जशा तूशा ग्‍येरसीशा बाक्‍शो तवा बाक्‍त।

ब्‍यवस्‍था 6:5

मिनु गेपुकी परमप्रभु यावे, इन परमप्रभु कली इन थुं नेल्‍लेमी, इन सोक्‍त नेल्‍लेमी नु इन बोल नेल्‍लेमी दाक्‍चा माल्‍नीनी। ब्‍यवस्‍था १०:१२; २राजा २२:२५; मत्ती २२:३७

कलस्‍सी 3:23

इन गेय मार बाक्‍त हना यो, इन थुं नेल्‍लेमी मुर आन कली ममाइ, प्रभु कली गेय पने।

न्‍यायाधीस 11:34

मिनु येफ्‍ता आ खिं मिस्‍पामी लेम्‍माक्‍त। मिनु आ तमी खैजडी ताप्‍शा, सिल पना पन मेको कली ग्रुम्‍थ जाक्‍माक्‍त। मेको आ तमी का ला बाक्‍माक्‍त। अरु आल मबाक्‍मा बाक्‍त।

न्‍यायाधीस 21:21

मिनु शिलो ङा मीश आलपुकी सिल पथ जाक्‍मानु, अङगुर रू रे फो फु ग्रूशा, आंम मीश सेल्‍चा कली का का पा मीश आल कीङीन। मिनु बेन्‍यामीन आ थर ङा रागी लन। प्रस्‍थान २१:१६; ब्‍यवस्‍था २४:७

१ सामुएल 2:18

मिनु सामुएल परमप्रभु यावे आ ङोंइती गेय पाइक्‍बाक्‍माक्‍त। मेको वोंइश आल सुती वा के कुचु तार चढ़ेब आ फेक्‍तीके फेक्‍शा, गेय पाइबाक्‍माक्‍त। १सामुएल २२:१८; प्रस्‍थान २८:४-६ हिब्रू लोव़मी एफोद देंशो कुचु आ फेक्‍तीक बाक्‍त।

१ सामुएल 2:28

गो इस्राएल ङा थर नेल्‍ल रे मेको कली आं कली चढ़ेब दुम्‍पाइक्‍चा कली योव़ता। आं कली चढ़ेतीकेम चढ़ेचा, आं कली धूप चोचा, नु आं ङोंइती निसाफ पतीक ऊरीम नु थुम्‍मीम बाक्‍शो झोला फेक्‍चा कली योव़ता। इस्राएल ङा मीम चढ़ेशो नेल्‍ल इ आफ आ खिं ङा मुर आन कली गेता। ब्‍यवस्‍था १८:१; गन्‍ती १८:८-२०

१ सामुएल 22:18

मोपतीके पिपम एदोम ङा दोएग कली “ए दोएग लशा चढ़ेब आन कली सतो” देंमाक्‍त। मिनु दोएग लशा, चढ़ेब आन कली सदा बाक्‍त। मिनु मेकोमी मेको नाक्‍ती ८५ जना निसाफ पतीक ऊरीम नु थुम्‍मीम बाक्‍शो झोला फेक्‍शो मुर आन कली साइक्‍मी बाक्‍त।