२ सामुएल 5:21 - Sunuwar Bible

²¹ पलिस्‍तीपुकीम आन मूर्ति मेक उइ प्रोन्‍मे बाक्‍त। मिनु दाऊद नु आ मुरपुकीमी मेको लदमे बाक्‍त।

२ सामुएल 5:21 ပူးပေါင်းရင်းမြစ်များ

यसैया 37:19

मेको आन देवी देवता मीम हुम्‍ताक्‍म। मारदे हना मेकोपुकी मुर आन गुइमी सेल्‍शो, शी नु फुल्‍लु के बाक्‍नीम। मेकोपुकी इन खोदेंशो मनम। मोपतीके खतम सेल्‍चा पुंइसाक्‍म।

येरमीया 43:12

मेकोमी इजीप्‍त ङा मूर्ति आन खिंम मी सुइक्‍ब। मेकोमी मेको आन खिं आन कली क्रोइक्‍ब। मिनु मेको देवी देवता आन कली लाइक्‍ब। मिनु गोठलापुकीम दोपा आन वा रे नेक्‍स गुप्‍नीमी, मोपा मेकोमी इजीप्‍त रागी ङा मूर्ति आन कली गुप्‍शा ताइब। मिनु मारेइ मदुम्‍थु आ रागी लेप्‍ब। येरमीया ४६:२५

येरमीया 48:7

गेपुकीम इन गेय नु इन शोंपोम थमा सुइक्‍तीनी। गेपुकी यो ग्‍याइश्‍शा लाइक्‍चा पुंइसीनीनी। केमोश देवता आ चढ़ेब नु आ नोले खोइक्‍ब मुरपुकी नु ग्‍याइश्‍शा लाइक्‍चा पुंइसीब। गन्‍ती २१:२९; न्‍यायाधीस ११:२४; १राजा ११:७

दानीएल 11:8

मेकोमी मेको आन देवी देवता आन मूर्तिपुकी नु सुन चांदी के बोसपुकी रोइश्‍शा, इजीप्‍त रागीमी लाइक्‍ब। मिनु मे नोले उत्तर ङा पिप नु बर्स का निक्‍शी सम्‍म लडाइ मपाइब।

ब्‍यवस्‍था 7:25

गेपुकीमी मेको आन शी मुशा सेल्‍शो मूर्तिपुकी मीम हुम्‍चा माल्‍नीनी। मूर्तिम बाक्‍शो सुन चांदी बाक्‍त हना, वाल्‍शा आंम कली मवोंइसीन। मारदे हना मोदेंशो पाइतीनी हना, इन कली मरिम्‍शो दुम्‍ब। मेको परमप्रभु यावे, इन परमप्रभु कली ग्रांग्रा बाक्‍ब।

ब्‍यवस्‍था 7:5

मेको आन कली मार पचा माल्‍नीनी देंशा हना, मेको आन चढ़ेतीक प्रेत्‍चा माल्‍नीनी। मेको आन लाइश्‍शो मूर्ति जिक्‍चा माल्‍नीनी। मेको आन अशेराह देवी आ मूर्ति ख्रोइक्‍चा माल्‍नीनी। मेको आन शी मुशा सेल्‍शो मूर्तिपुकी मीम हुम्‍चा माल्‍नीनी। ब्‍यवस्‍था १२:२-३