२ सामुएल 5:2 - Sunuwar Bible

² ङोंइती सावल आंइ पिप बाक्‍मेनु, गे लडाइ पाइब आन कली लाइक्‍तीक नु चाक्‍तीक पशो ननी। परमप्रभु यावेमी इन कली ‘गे आं मुर इस्राएली आन गोठला दुम्‍चा माल्‍नेवे। गे इस्राएली आन पिप दुम्‍नेवे’ देंशो बाक्‍ब” देंमा बाक्‍त। १सामुएल १८:१३,१६; १सामुएल १३:१४; १सामुएल २५:३०

२ सामुएल 5:2 ပူးပေါင်းရင်းမြစ်များ

उत्पत्ती 49:24

तन्‍न आ लिब्रा बोल्‍यो बाक्‍ब, आ गुइ बोल्‍यो बाक्‍नीम। सक्ति पाइश्‍शो याकूब आ परमप्रभु, इस्राएल आ गोठला नु सेरथे फुल्‍लुम, मेको कली वारच पाप्‍तु। ब्‍यवस्‍था ३२:१८

२ सामुएल 6:21

मिनु दाऊदम मिकाल कली “इ आफ नु आ खिं ङा मुर आन पा ङा आं कली इस्राएल ङा आ मुर आन पिप सेल्‍ब परमप्रभु यावे आ ङोंइती मो पाता। गो परमप्रभु यावे आ ङोंइती ग्‍येरशा सिल पाइनुङ। २सामुएल ५:२

२ सामुएल 7:7

गो इस्राएल ङा आं मुरपुकी नु ते ते गाक्‍ङा, मेक मेक मार आं मुर इस्राएली आन कली कोव़ब, आन थर ङा ठेयब मुर आन कली आं कली लेबानोन ङा लाइश्‍शो रवा आ शी के खिं मारदे मसेल्‍नी’ देंङा ङा?

२ सामुएल 7:8

मोपतीके गे आं गेय पाइब दाऊद कली मुर नेल्‍ल आन परमप्रभु यावेमी मार देंत देंशा हना ‘इ कली, आं मुर इस्राएली आन कली कोव़ब दुम्‍पाइक्‍चा कली भेडा योव़तीक रे चाक्‍तन। १सामुएल १६:११-१३; २सामुएल ५:२

२ राजा 20:5

मार लोव़ पवा बाक्‍त देंशा हना “लेश्‍शा लशा, परमप्रभु यावे इ किकी दाऊद आ परमप्रभुमी ‘आं मुर आन कली सासन पाइब हिज्‍कीयाह कली “गो इ पुंइशो लोव़ नेंता। मिनु इ प्रेक्‍कु ताता। गो इ कली सापाइक्‍नुङ। मिनु नाक्‍त सां नोले गे परमप्रभु यावे आ खिं लाइनेवे।

१ इतिहास 11:2

ङोंइती सावल पिप बाक्‍मेनु, गे इस्राएल ङा लडाइ पाइब आन ठेयब कप्‍तान बाक्‍तीनी। मिनु परमप्रभु यावे, इन परमप्रभुमी इन कली ‘गे आं मुर, इस्राएली आन गोठला नु आन पिप दुम्‍नेवे’ देंशो बाक्‍त” देंमा बाक्‍त।

२ इतिहास 1:10

आं कली एको मुर आन कली सासन पाइब सेल्‍तीनी। मोपतीके आं कली रुप्‍तीक नु तुइक्‍तीक थुं गेयीनी। मिनु आं कली एको मुर नु रिम्‍शो पा बाक्‍चा गेयीनी। मारदे हना एको इश्‍का इन मुर आन कली सुम सासन पने चाप्‍बा ङा?” देंमाक्‍त।

यसैया 40:11

आ बगाल कली गोठलाम खोदेंशो पा योव़ब। मेकोमी आ पाठा पाठी आन कली मुप्‍शा कुरब। दूध तुंइब आन कली आन चाप्‍चा ङा पा गाक्‍पाइश्‍शा खुल्‍ब। यूहन्‍ना १०:११

यसैया 55:4

नेनीन, गो मेको कली जात जात ङा मुर आन कली सांकछी सेल्‍ता। जात जात ङा मुर आन कली ठेयब मुर नु हुकुम पाइब सेल्‍ता।

इजीकीएल 34:23

गो मेको आन कली गोठला का वोइक्‍नुङ। आं गेय पाइब दाऊद कली वोइक्‍नुङ। मिनु मेकोम मेको आन कली कोव़ब। मेको आन कली योव़शा मेको आन गोठला दुम्‍ब। इजीकीएल ३७:२४; येरमीया ३०:९; होसे ३:५; यूहन्‍ना १०:१४-१६

मीका 5:4

मिनु मेकोमी परमप्रभु यावे आ सक्तिमी आ बगाल आन कली योव़ब। मिनु मेकोमी आ परमप्रभु यावे आ ठेयब नेंमी आ गेय पाइब। मिनु मेकोपुकी रिम्‍शो पा बाक्‍नीम। मारदे हना मेको रागी ङा सुर सम्‍म नेल्‍ल क्‍येङा ठेयब दुम्‍ब। यसैया ९:५; एफिसी २:१४

गन्‍ती 27:17

मिनु मेको मुर आन ङोंइती गाक्‍ल। मिनु मेको आन कली लतीक नु जाक्‍तीक लां कोंइदल। मोपा परमप्रभु यावे आ मुर गोठला मबाक्‍शो भेडा खोदेंशो मदुम्‍मल” देंत। मीका ५:३; मत्ती ९:३६

मत्ती 2:6

‘ए यहूदीया ङा बेथलेहेम सहर, यहूदीया ङा सहर नेल्‍ल क्‍येङा आइक्‍च महिक्‍सीशो सहर मनवे। मारदे हना इं इस्राएली आन कली सासन पाइब बेथलेहेममी जरमेसीब’ दे ब्रेक्‍शो बाक्‍ब” दे शेंदमे बाक्‍त। मीका ५:२

यूहन्‍ना 10:11

मिनु येसुमी “गो रिम्‍शो गोठला नङ। रिम्‍शो गोठला भेडा आन पा ङा साइक्‍चा पुंइसीब। भजन संग्रह २३:-; यसैया ४०:११; इजीकीएल ३४:११-२३; यूहन्‍ना १५:१३; हिब्रू १३:२०

हिब्रू 2:10

नेल्‍ल सेल्‍ब नु नेल्‍ल आन कली ब्रोंइतीक सोक्‍त गेबमी शुश मुर आन कली आन पाप रे प्रोंइतु। मेको प्रोंइब कली शुश श्‍येत जपाइश्‍शा, पाको सेल्‍तु। हिब्रू १२:२

१ सामुएल 13:14

तन्‍न मुल इ राज्‍य मली। परमप्रभु यावेम आ दाक्‍शो मुर का योव़तु। परमप्रभु यावेमी मेको कली आ मुर आन पिप सेल्‍ब। मारदे हना, गे परमप्रभु यावे आ लोव़ मटिवी” देंमाक्‍त। १सामुएल १६:१; प्रेरित १३:२२

१ सामुएल 16:1

परमप्रभु यावेमी सामुएल कली “गे सावल आ पर्बम गेना सम्‍म सुर्ता पा बाक्‍नेवे? गो मेको कली पिप दुम्‍तीक रे ग्रुंइताक्‍ङ। मुल गे नु बाक्‍शो ग्रोव़मी तेल कुर पा लतो। गो इ कली बेथलेहेम ङा येस्‍से आ बाक्‍तीक सोइक्‍नन। मारदे हना, गो मेको आ तौ का कली पिप सेल्‍चा कली योव़ता” देंमाक्‍त। १सामुएल १५:२३,३५

१ सामुएल 18:13

मोपतीके सावलम दाऊद कली आ दरवार रे ग्रुंइशा, हजार का मुर आन कप्‍तान सेला बाक्‍त। मिनु दाऊदमी आ मुर आन कली लडाइम लाइक्‍मी बाक्‍त।

१ सामुएल 18:16

इस्राएल नु यहूदा ङा मुर नेल्‍लेमी दाऊद कली दाक्‍तमे बाक्‍त। मारदे हना मेको लडाइ पतीकेम लां कोंइशा ङोंइती गाक्‍बाक्‍माक्‍त।

१ सामुएल 18:5

दाऊदम सावल आ पथ सोइश्‍शो हिंचा ङा गेय यो रिम्‍शो पा पवा बाक्‍त। मिनु सावलमी दाऊद कली नेल्‍ल क्‍येङा सक्ति पाइश्‍शो कप्‍तान सेला बाक्‍त। मोपा मेको कली मान बारपाइश्‍शोमी सावल नु आ ठेयब मुरपुकी यो ग्‍येरसमा बाक्‍त।

१ सामुएल 25:28

इन गेय पाइब आ मरिम्‍शो पशो ङा आं कली माफ गेयीनी। परमप्रभु यावेमी आं प्रभु, इन खिं ङा मुर आन कली गेना हना यो रिम्‍शो पवल। मारदे हना गे परमप्रभु यावे आ पर्बम लडाइ पशो बाक्‍नीनी। गे बाक्‍नी सम्‍म इन कली मारेइ मरिम्‍शो मदुम्‍ब। २सामुएल ७:१६

१ सामुएल 25:30

परमप्रभु यावेम आं प्रभु, इन कली, आ देंशो खोदेंशो पा रिम्‍शो पाप्‍तु हना नु इन कली इस्राएल ङा सासन पाइब सेल्‍तु हना, २सामुएल ५:२

१ सामुएल 9:16

मेकोमी “दीसा गो बेन्‍यामीन रागी ङा मुर का इ कली ग्रुम्‍थ सोइक्‍नुङ। मिनु गे मेको कली आं मुर, इस्राएली, आन पिप सेल्‍शा, तेल लुक्‍तो। मेकोमी आं मुर आन कली पलिस्‍ती आन गुइ रे प्रोंइब। मारदे हना गो आं मुर आन श्‍येत ताता। मेको आन पुंइशो नेंता” देंमाक्‍त।