२ सामुएल 4:8 - Sunuwar Bible

⁸ मिनु मेको निक्‍शीमी मेको पिया दाऊद आ बाक्‍तीक हेब्रोनमी चाक्‍गसे बाक्‍त। मिनु पिप कली “सावल आ तौ इश-बोशेथ आ पिया एको बाक्‍ब। इन कली साइक्‍चा माल्‍ब इन सत्रु बाक्‍त। मुलाक्‍ती परमप्रभु यावेमी सावल नु आ चच युइ आन कली क्‍येक्‍क लेत्‍ताक्‍व” देंसा बाक्‍त।

२ सामुएल 4:8 ပူးပေါင်းရင်းမြစ်များ

२ सामुएल 18:19

मिनु सादोक आ तौ अहीमाजम “परमप्रभु यावेम क्‍येक्‍क लेत्‍ताक्‍व। मिनु पिप कली आ जोरी सत्रु आन गुइ रे प्रोंइतु, देंचा कली आं कली दोरपा सोइक्‍तीनी” देंमाक्‍त। २सामुएल १५:३६; २सामुएल १७:१७

२ सामुएल 18:31

मिनु मेको कूश आ मुर जाक्‍शा मेकोमी “आं प्रभु, आ पिप, इन कली नेल्‍ल रिम्‍शो बाक्‍ब। मारदे हना मुलाक्‍ती परमप्रभु यावेमी इन कली मरिम्‍शो पाइब आन गुइ रे प्रोंइशो बाक्‍ब” देंमाक्‍त।

२ सामुएल 2:8

मेना सावल आ लडाइ पाइब मुर आन ठेयब मुर नेर आ तौ आब्‍नेरमी सावल आ तौ इश-‍बोशेथ कली यर्दन ओंथ हांबु महा-नाइमम चाक्‍गा बाक्‍त। १सामुएल १४:५०; उत्‍पत्ती ३२:२-३

२ सामुएल 22:48

परमप्रभुम आं पर्बम क्‍येक्‍क लेत्‍ताक्‍व। मिनु मुर आन कली आं सासनम वोइक्‍तीमी।

भजन संग्रह 71:24

गो इन ठीक पतीके आ पर्बम नाक्‍त रे लोव़ पाइनुङ। मारदे हना आं कली खती पचा माल्‍बपुकी मुने दोक्‍शा, मार पचा ना मार पचा दुम्‍तेक्‍म।

मत्ती 2:20

“मोबु आस कली लाइश्‍शा, इस्राएल लेश्‍शा लावो। आल कली साइक्‍चा माल्‍बपुकी बेक्‍तेक्‍म” देंमाक्‍त। प्रस्‍थान ४:१९

प्रकाश 18:20

मिनु स्‍वर्गमी बाक्‍ब नेल्‍ले ग्‍येरसीने। परमप्रभु यावे आ योव़शोपुकी, ख्रीस्‍त आ सोइश्‍शोपुकी नु परमप्रभु यावे आ लोव़ पाइबपुकी ग्‍येरसीने। मारदे हना, परमप्रभु यावेमी इन कली गेशो श्‍येत आ पर्बम मेको कली सजाइ गेप्‍तु” देंशो नेंता। येरमीया ५१:४८

प्रकाश 6:10

मिनु मेकोपुकीमी ठेयब सेंदामी “परमप्रभु, गे का ला परमप्रभु नु थमा पा नेल्‍ल आन कली सासन पाइब बाक्‍नीनी। गेना आंइ कली साइक्‍ब आन कली निसाफ पाइनीनी? गेना रागीम बाक्‍ब आन कली क्‍येक्‍क लेत्‍नीनी?” देंतेक्‍म।

१ सामुएल 18:11

मेकोम “गो दाऊद कली गारोम क्‍येप्‍नुङ” दे मिम्‍शा, आ तूतीक आबा बाक्‍त। तन्‍न दाऊद निक्‍शी खेयप दिल्‍शा मख्रपांइसे बाक्‍त। १सामुएल १९:१०; १सामुएल २०:३३

१ सामुएल 19:1

सावलमी दाऊद कली साइक्चा, दे आ तौ योनाथन नु आ गेय पाइब नेल्‍ल आन कली लोव़ पवा बाक्‍त। तन्‍न सावल आ तौ योनाथन दाऊद आ वारच बाक्‍माक्‍त। १सामुएल १८:३

१ सामुएल 19:15

मिनु सावलमी मेको आन कली “गे आमा दाऊद कली कोव़ङीन” दे सोइक्‍तीमी बाक्‍त। मेकोमी “मेको कली आ खाट सुन्‍दा क्‍युक्‍शा एक चाक्‍कीन। मिनु गो साइक्‍नुङ” दे सोइक्‍तीमी बाक्‍त।

१ सामुएल 20:1

मिनु दाऊद रामाह ङा नायोथ रे प्रोक्‍शा, योनाथन आ बाक्‍तीक जाक्‍दीम्‍माक्‍त। मिनु मेकोमी योनाथन कली “गो मार पङा? आं दोस मार बाक्‍बा? मारदे इन आफोम आं कली साइक्‍चा माल्‍बा?” दे हिल्‍लो पवा बाक्‍त।

१ सामुएल 23:15

दाऊद जीफ ङा गोरशो रागी ङा होरेशम बाक्‍मेनु, सावलम थमा पा आ कली साइक्‍चा कली ग्रूशा पिशो बाक्‍ब, दे तुइक्‍ता बाक्‍त।

१ सामुएल 24:4

मिनु दाऊद आ मुरपुकीम “परमप्रभु यावेम देंशो खोदेंशो पा इन जोरी सत्रु कली इन गुइमी गेतीक नाक्‍त मुलाक्‍त बाक्‍ब। एको कली मार पचा दाक्‍नीनी मेको पने चाप्‍नीनी” देंमा बाक्‍त। मिनु दाऊद सिक्‍सी पा लशा, सावल आ वा आ सुर का रिक्‍गा बाक्‍त। भजन संग्रह १४२:१

१ सामुएल 25:29

सुइ मुरुम इन कली खेदा पा साइक्‍चा माल्‍तु हना, परमप्रभु यावे, इन परमप्रभुमी इन कली कोव़ब। तन्‍न इन जोरी सत्रु आन कली चहिं हुरदम वोइश्‍शा ताइश्‍शो फुल्‍लु खोदेंशो पा ताइक्‍ब। भजन संग्रह ६९:२९