२ सामुएल 4:4 - Sunuwar Bible

⁴ मिनु सावल आ तौ योनाथन के यो तौ का बाक्‍माक्‍त। मेको खोइल निम्‍फा मदुक्‍ब बाक्‍माक्‍त। मेको ५ बर्स दुम्‍मेनु, सावल नु योनाथन बेक्‍ताक्‍स देंशो लोव़ येज्रेल रे नेंसे बाक्‍त। मेको लोव़ नेंशा आ खाल पाइ‍ब मीश मुरुमी मेको कली कुरशा प्रोक्‍मेनु, थिश्‍शा मेको आल आ खोइल मदुक्‍ब दुम्‍शो बाक्‍माक्‍त। मेको आ नें मेफी-बोशेथ बाक्‍माक्‍त।मेफी-बोशेथ आ नें मेरीब-बाल नु इश-बोशेथ देंनीम। २सामुएल ९:३; १इतिहास ८:३४; १इतिहास ९:४०

२ सामुएल 4:4 ပူးပေါင်းရင်းမြစ်များ

२ सामुएल 21:7

तन्‍न पिपमी परमप्रभु यावे आ नेंम नु सावल आ तौ योनाथन नु कसम जतीके सावल आ चच योनाथन आ तौ मेफी-बोशेथ कली प्रोंइशा वोदा बाक्‍त। १सामुएल २०:१५-१७;

२ सामुएल 9:13

तन्‍न मेफी-बोशेथ यरूसलेमम बाक्‍माक्‍त। मारदे हना मेकोमी गेना हना यो पिप नु जवा बाक्‍त। मेको आ खोइल निम्‍फा मदुक्‍ब बाक्‍माक्‍त। २सामुएल ९:३

२ सामुएल 9:3

मिनु पिपमी “सावल आ खिं ङा सुइ ब्रोंइशा लीशो बाक्‍नीमी? गो मेको कली परमप्रभु आ दाक्‍तीक कोंइचा दाक्‍नुङ?” देंमाक्‍त। मिनु सीबाम पिप कली “योनाथन आ तौ का ब्रोंइशा लीशो बाक्‍ब। मेको आ खोइल निम्‍फा मदुक्‍ब बाक्‍ब” देंमाक्‍त।

२ सामुएल 9:6

मिनु योनाथन आ तौ सावल आ चच मेफी-बोशेथ दाऊद आ बाक्‍तीके जाक्‍माक्‍त। मिनु मेकोमी खुम्‍की पा बाप्‍शा पिप कली सेउ पवा बाक्‍त। मिनु दाऊदम मेको कली “मेफी-बोशेथ” देंमाक्‍त। मिनु मेफी-बोशेथमी “गो इन गेय पाइब एक बाक्‍ती” देंमाक्‍त।

१ राजा 11:17

मेना हादाद आलन बाक्‍माक्‍त। मिनु आ आफ आ गेय पाइब का निक्‍शी एदोमी नु प्रोक्‍शा इजीप्‍त लशो बाक्‍माक्‍त।

१ इतिहास 8:34

योनाथन आ तौ मेरीब-बाल बाक्‍माक्‍त। मेरीब-बाल मीकाह आ आफ बाक्‍माक्‍त।

१ इतिहास 9:40

योनाथन आ तौ मेरीब-बाल बाक्‍माक्‍त। मिनु मेरीब-बाल मीकाह आ आफ बाक्‍माक्‍त।

१ सामुएल 29:1

पलिस्‍तीपुकीमी लडाइ पाइब आन कली अफेकम पुक्‍गमे बाक्‍त। इस्राएलीपुकीम चहिं येज्रेल ङा ब्‍वाक्‍कु बुक्‍तीकेम आन बाक्‍तीक सेल्‍मे बाक्‍त। १सामुएल ४:१; यहोसु १५:५३

१ सामुएल 29:11

मोपतीके दाऊद नु आ मुरपुकी पलिस्‍ती आन रागी लेत्‍चा कली सुनी कना बोक्‍मा बाक्‍त। पलिस्‍तीपुकी चहिं येज्रेल ङा लां खोदमे बाक्‍त।