२ सामुएल 4:12 - Sunuwar Bible

¹² मिनु दाऊदम ठिटा मुर आन कली “मेको आस कली सतीन” दे अरेवा बाक्‍त। मिनु मेको आस कली सदमे बाक्‍त। आस गुइ खोइल ख्रोइश्‍शा, हेब्रोन ङा दोम्‍ली आ नेक्‍था क्‍युक्‍गमे बाक्‍त। मिनु मुरपुकीमी इश-‍बोशेथ आ पिया लाइश्‍शा, आब्‍नेर आ तुरस हेब्रोनमी थिम्‍मे बाक्‍त। ब्‍यवस्‍था २१:२२-२३

२ सामुएल 4:12 ပူးပေါင်းရင်းမြစ်များ

२ सामुएल 1:15

मिनु दाऊदमी आ ठिटा मुर का कली ब्रेश्‍शा “मेको कली सतो” दे अरेवा बाक्‍त। मिनु मेकोमी मेको कली तुप्‍शा सदा बाक्‍त। २सामुएल ४:१०-१२

२ सामुएल 16:8

मिनु “परमप्रभु यावेम सावल आ खिं ङा मुर आन हुश आ क्‍येक्‍क लेत्‍ताक्‍वे। गे मेको आ पा ङा सासन पाप्‍तीवी। मिनु परमप्रभु यावेमी एको राज्‍य इ तौ अब्‍सालोम कली गेप्‍तु। मुल गे खतम दुम्‍ते श्‍येत जाइनेवे। मारदे हना गे हुश ख्राक्‍श पोक्‍ब बाक्‍नेवे” देंमाक्‍त।

२ सामुएल 2:8

मेना सावल आ लडाइ पाइब मुर आन ठेयब मुर नेर आ तौ आब्‍नेरमी सावल आ तौ इश-‍बोशेथ कली यर्दन ओंथ हांबु महा-नाइमम चाक्‍गा बाक्‍त। १सामुएल १४:५०; उत्‍पत्ती ३२:२-३

२ सामुएल 21:9

मिनु मेको आन कली गिबोनी आन गुइमी गेमी बाक्‍त। मेकोपुकीम मेको आन कली परमप्रभु यावे आ ङोंइती सदमे बाक्‍त। मिनु मेको ७ जना कालेम बेक्‍मा बाक्‍त। मेकोपुकी क्‍योव़ज रिक्‍तीक आ ङोंइती ङा नाक्‍त साइक्‍चा पुंइसीमा बाक्‍त।

२ सामुएल 3:32

मिनु आब्‍नेर कली हेब्रोनम थिम्‍मे बाक्‍त। मिनु पिप आब्‍नेर आ तुरसुम ठेयब सेंदा पा ङाक्‍माक्‍त। मिनु मुर नेल्‍ल यो ङाक्‍मा बाक्‍त।

भजन संग्रह 55:23

तन्‍न परमप्रभु, गे मरिम्‍शो पाइब आन कली खतम दुम्‍तीकेमी ताइक्‍नीनी। हुश ख्राक्‍श पोक्‍ब नु जोल पाइब आन ब्रोंइतीक नाक्‍त उइक्‍थ यो मब्रोंइनीम। तन्‍न गो इन कली थमा सुइश्‍शा बाक्‍नुङ। भजन संग्रह १०२:२५

मत्ती 7:2

दोपा नाक्‍तीनी, मोपा नाक्‍चा पुंइसीनीनी। दोपा पुक्‍शा गेनीनी, मोपान पुक्‍शा ताइनीनी। यसैया ३३:१; मर्कूस ४:२४