२ सामुएल 4:11 - Sunuwar Bible

¹¹ मिनु परमप्रभु यावे आ अरेशो मटीब मुरुमी ठीक पाइब मुर कली आ आंम खिंम बाक्‍शा, इप्‍तीकेम इप्‍शो मुर कली साइक्‍ब आस कली मेको क्‍येङा यो क्‍येक्‍क लेत्‍चा ममाल्‍नुङा ङा? मार, मुल गो मेको आ हुश आ क्‍येक्‍क लेश्‍शा इस कली साइश्‍शा, रागी रे मक्‍याम्‍नुङा?” देंमाक्‍त। २सामुएल ३:३२

२ सामुएल 4:11 ပူးပေါင်းရင်းမြစ်များ

उत्पत्ती 4:11

मुल गे सराप रशा, इ रू रे खेरचा पुंइसीनेवे। मारदे हना इ लोक्‍ब आ हुश मेकेर जारशो बाक्‍ब। गन्‍ती ३५:३३

उत्पत्ती 6:13

मिनु परमप्रभुमी नोआह कली “गो मुर नेल्‍ल आन कली क्‍याम्‍नुङमी। मारदे हना मेको आन पर्बम रागी हुश ख्राक्‍श पोक्‍तीकेमी ब्री‍त। मुर नु रागी नेल्‍ल आन कली क्‍याम्‍नुङ। आमोस ८:२

उत्पत्ती 7:23

मोपा मेकोमी रागीम ब्रोंइशा बाक्‍ब मार मार बाक्‍मा, मुर, जन्‍तु खपीम ग्रेशा गाक्‍ब आइक्‍च जन्‍तु नु सरीङम बेरब चिक्‍ब नेल्‍ल क्‍याम्‍दा बाक्‍त। नोआह नु आ खिं ङा मुर ला प्रोंइमी बाक्‍त।

२ सामुएल 16:8

मिनु “परमप्रभु यावेम सावल आ खिं ङा मुर आन हुश आ क्‍येक्‍क लेत्‍ताक्‍वे। गे मेको आ पा ङा सासन पाप्‍तीवी। मिनु परमप्रभु यावेमी एको राज्‍य इ तौ अब्‍सालोम कली गेप्‍तु। मुल गे खतम दुम्‍ते श्‍येत जाइनेवे। मारदे हना गे हुश ख्राक्‍श पोक्‍ब बाक्‍नेवे” देंमाक्‍त।

२ सामुएल 3:27

मोपा आब्‍नेर हेब्रोनम लेश्‍शा जाक्‍मेनु, योआबमी लोव़ पचा, दे सुइ मबाक्‍तीकेम लदा बाक्‍त। मिनु आ कोव़जम थोक्‍गा बाक्‍त। मोपा मेको आसाहेल साइश्‍शो आ पर्बम बेक्‍माक्‍त। १राजा २:५; २सामुएल २:२३

२ सामुएल 3:39

गो तेल लुक्‍शो पिप दुम्‍ती हना यो, मुलाक्‍ती सक्ति मपाइश्‍शो दुम्‍शो बाक्‍नुङ। एको हुश ख्राक्‍श पोक्‍ब सेरूयाह आ तौ गो नु मगारनीम। परमप्रभु यावेमी मरिम्‍शो पाइब आन कली आन पशो क्‍येक्‍क लेप्‍ब” देंमाक्‍त। २सामुएल २:१८

१ राजा 2:32

मिनु परमप्रभु यावेमी मेको आ हुश ख्राक्‍श पोक्‍शो मेको आ पियामीन मोइक्‍ब। मारदे हना मेकोमी आं आफ दाऊद आ मतुइक्‍थु आ क्‍येङा ठीक पाइब इस्राएल ङा लडाइ पाइब आन ठेयब मुर निक्‍शी नेर आ तौ आब्‍नेर नु येथेर आ तौ यहूदा ङा ठेयब मुर आमासा आस कली साइश्‍शो बाक्‍त। १राजा २:५

भजन संग्रह 109:15

मेको आन पाप गेना हना यो परमप्रभु यावे आ ङोंइती लील। मिनु सुइमी मेको आन कली रागीम ममिम्‍तमेक्‍ल।

भजन संग्रह 9:12

मिनु परमप्रभुमी मुर साइक्‍ब आन कली आन क्‍येक्‍क लेप्‍ब। मिनु श्‍येत जशो आन ङाक्‍शो मिम्‍ब। उत्‍पत्ती ४:१०; उत्‍पत्ती ९:५; भजन संग्रह ७२:४; उत्‍पत्ती १६:११

प्रस्‍थान 21:12

मिनु “सुमी मुर कली मबेक्‍म सम्‍म तुप्‍बा, मेको मुर थमा पा साइक्‍चा पुंइसीब। प्रस्‍थान २०:१३; उत्‍पत्ती ९:६; मत्ती ५:२१-२२

प्रस्‍थान 9:15

मुल गो इ कली नु इ मुर आन कली बेक्‍तीक रोइ पपदु वा।

हितोपदेस 2:22

तन्‍न परमप्रभु यावे आ अरेशो मटीबपुकी आन शाक्‍श रेन रागी रे तुल्‍चा पुंइसीनीम। थमा मसुइक्‍बपुकी सुवा खोदेंशो पा ताइक्‍चा पुंइसीनीम। भजन संग्रह ३७:१०

हितोपदेस 25:26

ठीक पाइब मुर परमप्रभु यावे आ अरेशो मटीब नु गारत हना, मेको हिलोम बुक्‍शो ब्‍वाक्‍कु नु शुश ग्रांग्रा बाक्‍शो कुवा खोदेंशो बाक्‍ब।

येरमीया 10:11

गे मेको आन कली “मेको सरीङ नु रागी मसेल्‍ब देवी देवता रागी नु सरीङ आगा रे क्‍याम्‍चा पुंइसीनीम।

हबकुक 1:12

मिनु हबकुकमी “परमप्रभु यावे, आं परमप्रभु, गे का ला आं परमप्रभु बाक्‍नीनी। गो मबेक्‍नीकी। परमप्रभु यावे, गे मेको आन कली निसाफ पचा कली योव़तीनी। गे, आं सेरथे फुल्‍लु, गे मेको आन कली सजाइ गेचा कली वोइक्‍तीनी। येरमीया १०:२४

हबकुक 1:4

मिनु इन अरेशो मपाइनीम। ठीक पाइबपुकीमी ग्राने मचाप्‍नीम। इन अरेशो मटीबपुकीमी ठीक पाइब आन कली पुम्‍नीम। मिनु निसाफ पतीके दूली दुम्‍ब” देंती।

१ यूहन्‍ना 3:12

काइन खोदेंशो दुम्‍चा मदुम्‍ब। काइनमी सैतान आ मुर दुम्‍शा, आ लोक्‍ब कली सदा बाक्‍त। काइनमी आ लोक्‍ब कली मारदे सदा बाक्‍त देंशा हना, आ थुं ङा गेय मरिम्‍शो बाक्‍माक्‍त। आ लोक्‍ब आ गेय चहिं परमप्रभु यावे आ ङोंइती ठीक बाक्‍माक्‍त। उत्‍पत्ती ४:८