२ सामुएल 3:31 - Sunuwar Bible

³¹ मिनु दाऊदमी योआब नु आ नु बाक्‍ब नेल्‍ल आन कली “इन वा खाक्‍कीन। मिनु भाङग्रा फेक्‍सीन। मिनु आब्‍नेर आ पर्बम रोंका पने” देंमाक्‍त। मिनु पिप दाऊद बेक्‍शो आब्‍नेर कुरब आन नोले गाक्‍माक्‍त।

२ सामुएल 3:31 ပူးပေါင်းရင်းမြစ်များ

उत्पत्ती 37:29

मिनु रूबेनमी योसेफ प्रोंइचा कली मेको ढोडोङगा लशा कोव़ङानु, योसेफ कली मथित्‍थु, सुर्ता पा, आ वा खाक्‍गा बाक्‍त।

उत्पत्ती 37:34

मिनु याकूबम आ फेक्‍शो वा खाक्‍शा, अरन्‍डी फेक्‍शा, शुश नाक्‍ती रोंका पवा बाक्‍त।

२ सामुएल 1:11

मेको लोव़ नेंशा, दाऊदम आ वा खाक्‍गा बाक्‍त। मेको नु बाक्‍ब मुर नेल्‍लेमी यो मो पामे बाक्‍त। १सामुएल ४:१२

२ सामुएल 1:2

मिनु आ नित्‍थ नाक्‍ती, आ वा खाक्‍शो नु पियाम खप फुंइसीशो मुर का सावल आ बाक्‍तीक रे जाक्‍माक्‍त। मिनु मेको दाऊद आ बाक्‍तीक जाक्‍शा, मेको आ ङोंइती खुम्‍की पा बाम्‍‍माक्‍त।

१ राजा 20:31

मिनु मेको आ गेय पाइबपुकीम मेको कली “गोपुकीमी इस्राएल आ खिं ङा पिपपुकी दा शिशी पाइब बाक्‍नीम देंशो लोव़ नेंशो बाक्‍नीकी। मोपतीके क्रातोम अरन्‍डी फेक्‍सीय। मिनु पियाम डोरी फ्रेंसीशा इस्राएल ङा पिप आ बाक्‍तीक लय। मिनु मेकोम इन कली ब्रोंइचा गेबा कों?” देंमा बाक्‍त।

१ राजा 21:27

मिनु आहाबम मेको लोव़ नेंशा, आ वा खाक्‍गा बाक्‍त। मिनु अरन्‍डी फेक्‍शा माइजा बाक्‍माक्‍त। मेको अरन्‍डी फेक्‍शा आ थुं लुक्‍च लशा इम्‍माक्‍त।

२ राजा 19:1

मिनु पिप हिज्‍कीयाहम मेको लोव़ नेंशा, आ वा खाक्‍गा बाक्‍त। मिनु अरन्‍डी फेक्‍शा, परमप्रभु यावे आ खिं लमाक्‍त।

२ राजा 19:2

मेकोमी दरवार कोव़ब एल्‍याकीम, ब्रेक्‍ब शेब्‍ना नु ठेयब चढ़ेब आन कली अरन्‍डी फेक्‍पाइश्‍शा, परमप्रभु यावे आ लोव़ पाइब आमोज आ तौ यसैया आ बाक्‍तीकेम सोइक्‍तीमी बाक्‍त।

लूका 7:14

मिनु बेक्‍शो मुर कुरशो पला थिवानु, कुरबपुकी ख्रा दिक्‍मा बाक्‍त। मिनु मेकोमी “ए ठिटा, गो इ कली सेंसीशा बोक्‍को देंनुङ” देंमाक्‍त। मर्कूस ५:४१

यहोसु 7:6

मिनु यहोसु नु इस्राएल ङा खाल्‍पापुकीम सुर्ता पा आंम वा खाक्‍शा, पियामी फुरक फुइश्‍शा, परमप्रभु यावे आ कबल पशो सन्‍दोस आ नेक्‍था पोक्‍च थेक्‍शा, मेकेर नाक्‍दो सम्‍म बाक्‍तेक्‍म।

प्रकाश 11:3

मिनु नोले गो परमप्रभु यावेमी आ सांकछी निक्‍शी आस कली मार लोव़ पशो नेंता देंशा हना “गे आं लोव़ पाइब दुम्‍नीसी। गो इस कली आं लोव़ पचा कली सक्ति गेनुङ। गे निक्‍शीमी अरन्‍डी फेक्‍शा, हजार का सहे निक्‍शी ६० नाक्‍त सम्‍म आं लोव़ पाइनीसी” दे परमप्रभु यावेमी आ सांकछी निक्‍शी आस कली लोव़ पशो नेंता। प्रकाश १२:६

न्‍यायाधीस 11:35

मिनु येफ्‍तामी आ तमी तवा चोटीन आ वा खाक्‍शा “आं तमी, आं थुं जिक्‍‍तीवी। शुश श्‍येत गेप्‍तीवी। गो परमप्रभु यावे कली कसम जाता। मिनु मेको कसम मखाप्‍थु मदुम्‍नुङ” देंमाक्‍त। गन्‍ती ३०:३