२ सामुएल 3:3 - Sunuwar Bible

³ मेको आ माइला तौ किलेआब बाक्‍माक्‍त। मेको आ ममा कारमेल ङा बेक्‍शो नाबाल आ मीश अबीगेल बाक्‍माक्‍त। मेको आ साइला तौ अब्‍सालोम बाक्‍माक्‍त। मेको आ ममा गेशुर ङा पिप तल्‍मै आ तमी माकाह बाक्‍माक्‍त। २सामुएल १५:१

२ सामुएल 3:3 ပူးပေါင်းရင်းမြစ်များ

२ सामुएल 13:1

मेको मो दुम्‍शो इच्‍का बर्स दुम्‍माक्‍त। मिनु दाऊद आ तौ अब्‍सालोम के थम दारशो समी का बाक्‍माक्‍त। मेको आ नें तामार बाक्‍माक्‍त। दाऊद आ अर्को तौ अम्‍नोनम मेको कली दाक्‍ता बाक्‍त। २सामुएल ३:२-३

२ सामुएल 14:23

मिनु योआब रीब पा गेशुर लशा, अब्‍सालोम कली यरूसलेमम चाक्‍गा बाक्‍त। २सामुएल १३:३७

२ सामुएल 14:24

तन्‍न पिपमी “मेको आ खिंमीन बाक्‍ल। आं ङोंइती जाक्‍चा मदुम्‍ब” देंमाक्‍त। मोपतीके अब्‍सालोम आ खिंमीन बाक्‍शा, पिप आ ङोंइती मजाक्‍माक्‍त।

२ सामुएल 14:32

मिनु अब्‍सालोममी योआब कली “गो इन कली ब्रथ सोइक्‍ताक्‍ङ। गे आं पर्बम पिप कली लोव़ लाइक्‍नीनी कों, दे मिम्‍ताक्‍ङ। गे पिप कली ‘गो मारदे गेशुर रे जाक्‍चा माल्‍ङा? गो मेक उइ बाक्‍शो नङ हना, रिम्‍शो दुम वा’ देंचा कली ब्रेत्‍थ सोइक्‍ताक्‍ङ। गो पिप आ ङोंइती लचा तङल। गो मारेइ मरिम्‍शो पशो बाक्‍ती हना, दोस ताइब बाक्‍ती हना, साइय्‍यील” देंमाक्‍त।

२ सामुएल 15:7

मिनु ४ बर्स नोले अब्‍सालोमम पिप कली “गे आं कली हेब्रोन लचा गेयीनी। गो परमप्रभु यावे कली पशो कबल खाप्‍चा दाक्‍नुङ।

२ सामुएल 15:8

मारदे हना गो, इन गेय पाइबम अराम ङा गेशुरम बाक्‍ङानु, कबल का पाता। गो मार कबल पाता देंशा हना, ‘परमप्रभु यावे, गे आं कली थमा पा यरूसलेमम लेश्‍शा चाक्‍ती हना, गो हेब्रोनम परमप्रभु यावे, इन कली ठेयब सेल्‍नुङ’ दे कबल पाता” देंमाक्‍त। उत्‍पत्ती २८:२०-२१; २सामुएल १३:३७-३८

२ सामुएल 18:33

मिनु पिप आ थुं ग्‍येत्‍थ लुक्‍च दुम्‍शा, मेको ठेयब लाप्‍चो आ तार ङा कोठाम लशा ङाक्‍माक्‍त। मिनु गाक्‍ना गाक्‍न लमेनु “आं तौ अब्‍सालोम, आं तौ अब्‍सालोम, इ पा ङा गो बेक्‍शो नङ हना, दुम वा। अब्‍सालोम! आं तौ, आं तौ” दे ङाक्‍माक्‍त।

२ सामुएल 2:2

मोपतीके दाऊद आ मीश निक्‍शी येज्रेल ङा अहीनोआम नु कारमेल ङा बेक्‍शो नाबाल आ मीश अबीगेल नु मेकेर लमाक्‍त। १सामुएल २५:४२-४३

१ राजा 1:6

मिनु मेको आ आफोम मेको कली “गे मारदे मोदेंशो पवी?” दे गेनायो महुइक्‍ता बाक्‍त। अदोनीयाह यो थम दारशो मुर का बाक्‍माक्‍त। मेको अब्‍सालोम क्‍येङा नोले जरमेशो बाक्‍माक्‍त।

१ राजा 2:15

मिनु अदोनीयाहम “राज्‍य आं के बाक्‍त। गे मेको तुइक्‍नीनी। मिनु इस्राएली नेल्‍लेम आं कली पिप दुम्‍ब, दे मिम्‍शो बाक्‍तेक्‍म। तन्‍न मारेइ मारेइ दूली दुम्‍त। मुल राज्‍य आं लोक्‍ब के दुम्‍त। मारदे हना परमप्रभु यावे आ दाक्‍शो मेकोन बाक्‍त।

१ इतिहास 3:1

हेब्रोन सहरम थिशो दाऊद आ तौ सु सु बाक्‍मा बाक्‍त देंशा हना, आ ङोंइती थिशो तौ अम्‍नोन, दाऊद आ मीश येज्रेल ङा अहीनोआम के बाक्‍माक्‍त। नोले ङा तौ दानीएल, दाऊद आ मीश कारमेल ङा अबीगेल के बाक्‍माक्‍त।

१ इतिहास 3:2

नोले ङा तौ अब्‍सालोम, दाऊद आ मीश गेशुर ङा पिप तल्‍मै आ तमी माकाह के बाक्‍माक्‍त। नोले ङा तौ अदोनीयाह, दाऊद आ मीश हग्‍गीथ के बाक्‍माक्‍त। २सामुएल ३:२-५

ब्‍यवस्‍था 3:14

मनस्‍से आ युइ याइरमी अरगोब ङा रागी नेल्‍ल, गेशुरी नु माकाथी आन सांद सम्‍म लाइक्‍तु। मेको बाशान कली आ नें हव्‍वोथ-याइर वोइक्‍तु। मेको मुल सम्‍म बाक्‍ब।

यहोसु 13:13

तन्‍न इस्राएलीपुकीमी गेशुरी नु माकाथ आ मुर आन कली मखेरेम। मोपतीके मुल सम्‍म मेको गेशुरी नु माकाथी इस्राएली आन दातेमी बाक्‍शो बाक्‍नीम।

१ सामुएल 25:3

मेको आ नें नाबाल बाक्‍माक्‍त। आ मीश आ नें अबीगेल बाक्‍माक्‍त। अबीगेल दारशो नु निप्‍स पाइश्‍शो मीश मुर बाक्‍माक्‍त। मेको आ वोंइश, कालेब आ चच युइ, खकटा थुं पाइश्‍शो मरिम्‍शो पाइब बाक्‍माक्‍त।

१ सामुएल 25:42

मिनु अबीगेल रीब पा सासे बाक्‍त। गधा ङोइश्‍शा आ ५ जना गेय पाइब लाइश्‍शा लोव़ चाक्‍ब दाऊद आ मुरपुकी नु लमाक्‍त। मिनु मेको आ मीश दुम्‍माक्‍त। १सामुएल २७:३; १सामुएल ३०:५; २सामुएल ३:३

१ सामुएल 27:8

दाऊद नु मेको आ मुरपुकी लडाइ पथ ग्रूमानु, गेशुरी, गिरजी अमालेकी आन मारेइ मारेइ रोइक्‍बाक्‍मा बाक्‍त। मारदे हना मेकोपुकी तेलाम रे शुर सम्‍म नु इजीप्‍त सम्‍म बाक्‍बाक्‍मा बाक्‍त।