२ सामुएल 3:29 - Sunuwar Bible

²⁹ मेको दोस योआब नु आ आफ आ खिं ङा मुर आन पियाम दुम्‍ल। योआब आ खिंम ग्रांग्रा यितीके रोइ पाइब कि कोव़र मुशो रोइ पाइब कि कोक्‍के तिक्‍शा गाक्‍ब कि तरवारम साइक्‍चा पुंइसीब कि जचा मताइब मुर का गेना हना यो बाक्‍ल” देंमाक्‍त।

२ सामुएल 3:29 ပူးပေါင်းရင်းမြစ်များ

२ सामुएल 1:16

दाऊदमी मेको कली “इ हुश इ पिया तार मोंइसेक्‍ल। मारदे हना गे ‘गो परमप्रभु यावे आ तेल लुक्‍शो कली साइक्‍ता’ देंते। इ शोव़मीन आंम इ कली दोसी सेल्‍साक्‍वे” देंमाक्‍त।

२ सामुएल 16:8

मिनु “परमप्रभु यावेम सावल आ खिं ङा मुर आन हुश आ क्‍येक्‍क लेत्‍ताक्‍वे। गे मेको आ पा ङा सासन पाप्‍तीवी। मिनु परमप्रभु यावेमी एको राज्‍य इ तौ अब्‍सालोम कली गेप्‍तु। मुल गे खतम दुम्‍ते श्‍येत जाइनेवे। मारदे हना गे हुश ख्राक्‍श पोक्‍ब बाक्‍नेवे” देंमाक्‍त।

२ सामुएल 3:28

मिनु नोले दाऊदम मेको लोव़ नेंशा “गो नु आं राज्‍य परमप्रभु यावे आ ङोंइती गेनायो नेर आ तौ आब्‍नेर साइश्‍शो आ पर्बम दोस मताइब दुम्‍नीकी।

२ राजा 5:1

नामान अराम ङा पिप आ लडाइ पाइब आन ठेयब मुर बाक्‍माक्‍त। मेको आ होव़पम मेको कली शुश दाक्‍बाक्‍माक्‍त। मेको शुश हिक्‍सीशो मुर का बाक्‍माक्‍त। मारदे हना मेकोम पतीकेन परमप्रभु यावेम अराम कली ग्रापाइश्‍शो बाक्‍माक्‍त। मिनु मेको थम सक्ति पाइश्‍शो लडाइ पाइब मुर यो बाक्‍माक्‍त। तन्‍न मेको कोव़र पशो बाक्‍माक्‍त।

२ राजा 5:27

मुल नामान आ कोव़र पतीक रोइ गे नु इ चच युइ इन खिंम गेना हना यो खोक्‍शा लीब” दे मदा बाक्‍त। मिनु गेहाजी मेको आ ङोंइती रे लमाक्‍त। मिनु मेको फुं खोदेंशो पा बुश पा कोव़र मुमाक्‍त।

भजन संग्रह 7:17

गो परमप्रभु यावे आ ठीक पशो तशा, मेको कली “गे रिम्‍शो पाइब बाक्‍नीनी” दे कुम्‍सो पाइनुङ। गो परमप्रभु यावे, नेल्‍ल क्‍येङा ठेयब आ नें आ पर्बम कुम्‍सो पाइनुङ।

प्रस्‍थान 21:19

बोक्‍मेनु, कोक्‍के तिक्‍शा, गाक्‍ने चाप्‍ब दुम्‍त हना, मेको तुप्‍बमी मेको तुप्‍चा पुंइसीब नु गारचा माल्‍ब। तुप्‍चा पुंइसीब आ गेय मपशो ङा ला थाप्‍चा ममाइ, मेको कली ठीक पा मसाम सम्‍म थाप्‍चा माल्‍ब।

लेवी 15:2

“इस्राएली आन कली ‘सुइ वोंइश मुर आन के मार मार यित हना यो, मेको यितीके मेको मुर ग्रांग्रा दिशो बाक्‍ब। गन्‍ती ५:२

गन्‍ती 35:33

मिनु गेपुकीमी इन बाक्‍तीक रागी ग्रांग्रा दिशो मसेलीन। मारदे हना रागी हुशेम ग्रांग्रा दिशो सेल्‍ब। मिनु मेको ग्रांग्रा मदिशो सेल्‍ने मचाप्‍नीम। हुश ख्राक्‍श पोक्‍ब कली साइश्‍शा ला मेको रागी ग्रांग्रा मदिशो सेल्‍ने चाम्‍सीब।

प्रेरित 28:4

टापुमी बाक्‍बपुकीमी पावल आ गुइ बुस्‍सुम गिल्‍शो तशा “एको मुर मुर साइक्‍ब बाक्‍माक्‍त। समुन्‍द्रमी फश गिवार पा ग्रुम्‍शा हेररा बेक्‍शा यो ब्रोंइशा, रागीमी ग्रूशा यो बुस्‍सुमी कोक्‍शा बेक्‍ब दुम्‍त” देंमुम्‍तेक्‍म।

ब्‍यवस्‍था 21:6

मिनु मेको साइश्‍शो मुर आ सहर नेक्‍था ङा खाल्‍पापुकी मेको शुर रोप्‍शा साइश्‍शो खोला ङा बी तार आन गुइ चिक्‍‍सीमल। मत्ती २७:२४

प्रकाश 16:6

रागी ङा मुरपुकीमी इन योव़शो मुर नु इन लोव़ पाइब आन कली क्‍योरशा, आन हुश शाइक्‍पाइश्‍शा साइक्‍तेक्‍म। मिनु गे मेको रागी ङा मुर आन कली हुश तूपाइक्‍तीनी। मार पामे, मेको ताम्‍तेक्‍म” देंशो नेंता।

न्‍यायाधीस 9:24

मिनु परमप्रभुमी येरूब-बाल आ ७० जना तौ आन कली हुश ख्राक्‍श पोक्‍तीके, अबीमेलेक नु मेको कली वारच पाइब शेकेम ङा ठेयब मुर आन कली क्‍येक्‍क लेत्‍चा कली मोदेंशो जिप्‍पाइक्‍ब वोल का सोइश्‍‍शो बाक्माक्‍त। उत्‍पत्ती ९:६