२ सामुएल 3:25 - Sunuwar Bible

²⁵ गे नेर आ तौ आब्‍नेर कली तुइक्‍नीनी। मेकोम इन कली जोल पा इन पर्बम रुप्‍चा कली नु गे मार पा बाक्‍नी, मेको तुइक्‍चा कली जाक्‍शो बाक्‍ब” देंमाक्‍त।

२ सामुएल 3:25 ပူးပေါင်းရင်းမြစ်များ

उत्पत्ती 42:12

मिनु योसेफमी “ममाइ, गे एको रागी ‘दोपा ओव़चा’ दे कोव़थ जाक्‍तीनी” देंमाक्‍त।

उत्पत्ती 42:16

इन दाते ङा का कली इन लोक्‍ब कान्‍छा ब्रथ सोइक्‍तीन। मेना सम्‍म गे एक जेल्‍खानम बाक्‍नीनी। इन लोव़ थमा बाक्‍म कों, जोल बाक्‍म कों, नोले तुंइ‍सीब। गे इन लोक्‍ब कान्‍छा मचाक्‍तीनी हना, फाराओ आ नेंमी गे क्‍यारी पाइब बाक्‍नीनी” देंमाक्‍त।

उत्पत्ती 42:9

मिनु योसेफम आ लोक्‍ब आन पर्बम आ ङोमु मिम्‍ता बाक्‍त। मिनु मेको आन कली “गे क्‍यारी पाइब बाक्‍नीनी। एको रागीम ते रे ओव़चा, दे कोव़थ जाक्‍तीनी” दे आ लोक्‍ब आन कली माइक्‍मी बाक्‍त। उत्‍पत्ती ३७:५-९

२ सामुएल 10:3

अम्‍मोनी आन कली सासन पाइबम आन प्रभु हानुन कली “दाऊदमी इन आफ कली ठेयब सेल्‍चा आ पर्बम इन कली लेम्‍शो लोव़ नेंपाइक्‍थ सोइश्‍‍शो बाक्ब, दे थमा सुइक्‍नीनी? एको मुरपुकी क्‍यारी पाइब नम। दाऊदमी एको आन कली इन सहर दोपा ओव़चा, दे क्‍यारी पथ सोइश्‍शो बाक्‍ब” देंमा बाक्‍त।

२ सामुएल 3:24

मिनु योआबम पिप आ बाक्‍तीक लशा “गे एको मार पनी? आब्‍नेर इन बाक्‍तीक जाक्‍माक्‍त। गे मारदे मेको कली मो लेश्‍शा सोइक्‍तीनी?

२ सामुएल 3:26

मिनु योआब दाऊद आ बाक्‍तीक रे ग्रूशा, लोव़ कुरब मुर कली आब्‍नेर आ नोले सोइक्‍ता बाक्‍त। मिनु मेकोम आब्‍नेर कली सिराह ङा कुवा रे लेश्‍शा चाक्‍दीत्‍मे बाक्‍त। तन्‍न दाऊदम मेको नेल्‍ल मतुइक्‍ता बाक्‍त।

२ सामुएल 3:27

मोपा आब्‍नेर हेब्रोनम लेश्‍शा जाक्‍मेनु, योआबमी लोव़ पचा, दे सुइ मबाक्‍तीकेम लदा बाक्‍त। मिनु आ कोव़जम थोक्‍गा बाक्‍त। मोपा मेको आसाहेल साइश्‍शो आ पर्बम बेक्‍माक्‍त। १राजा २:५; २सामुएल २:२३

२ राजा 18:32

गो जाक्‍शा इन कली आंम इन रागी खोदेंशो रागीम लाइक्‍नन्‍नी। मेको रागी अन्‍न नु अङगुर शांबु, शोब्‍ले नु अङगुर रू, तेल रवा नु खुदो बाक्‍शो रागी बाक्‍ब। गेपुकी बेक्‍तीक आ पा ङा ब्रोंइतीक योव़ङीन। हिज्‍कीयाह आ लोव़ मनेनीन, मेकोम इन कली “परमप्रभु यावेमी इं कली प्रोंइब” दे जोल पाइब।

भजन संग्रह 121:8

परमप्रभु यावेमी गे लाङगा खिंङगा पवीनु यो इ कली खाल पाइब। मुल रे गेना हना यो मो पाइब। ब्‍यवस्‍था २८:६

यसैया 37:28

गो इ बोक्‍शो, इ निश्‍शो नेल्‍ल तुइक्‍नुङ। इ लशो, पिशो तुइक्‍नुङ। मिनु गे आं पर्बम गाइक्‍ताक्‍वी।

गन्‍ती 27:17

मिनु मेको मुर आन ङोंइती गाक्‍ल। मिनु मेको आन कली लतीक नु जाक्‍तीक लां कोंइदल। मोपा परमप्रभु यावे आ मुर गोठला मबाक्‍शो भेडा खोदेंशो मदुम्‍मल” देंत। मीका ५:३; मत्ती ९:३६

यूहन्‍ना 7:12

मिनु मुरपुकीमी येसु आ पर्बम शुश ख्रुइश्‍शा लोव़ पमुम्‍तेक्‍म। का निक्‍शीमी “रिम्‍शो मुर बाक्‍ब” देंतेक्‍म। का निक्‍शीमी चहिं “ममाइ, मुर आन कली हेंथे गाक्‍पाइक्‍ब बाक्‍ब” देंतेक्‍म।

यूहन्‍ना 7:47

मिनु फरिसीपुकीमी “इन कली यो हेंथे खोइक्‍पदा?

रोमी 2:1

गे अरु आन कली दोस गेचा दाक्‍बपुकी, नेनीने, सु बाक्‍तीनी हना यो, दोस गेचा मदुम्‍ब, दे तुइक्‍तीन। दोस गेतीनी हना, दोसी दुम्‍नीनी, मारदे हना दोस गेबपुकी दोस ताइब आन पशो गेय खोदेंशोन पशो बाक्‍नीम, दे रुपीन। मत्ती ७:२; यूहन्‍ना ८:७; याकूब ४:१२

ब्‍यवस्‍था 28:6

गेपुकी खिंङगा ओव़नीनु, आसीक राइनीनी। मिनु लाङगा ग्रूनीनु, आसीक राइनीनी। भजन संग्रह १२१:८