२ सामुएल 3:21 - Sunuwar Bible

²¹ मिनु आब्‍नेरमी दाऊद कली “मुल आं कली इस्राएली नेल्‍ल आन कली आं प्रभु, पिप इन ङोंइती चाक्‍चा गेयीनी। मिनु मेकोपुकीम गे नु कबल का पाइनीम। गे इन दाक्‍शो राज्‍य कामी रागी नेल्‍ल ङा पिप दुम्‍नीनी” देंमाक्‍त। नोले दाऊदमी आब्‍नेर नु गारशा सोइक्‍ता बाक्‍त।

२ सामुएल 3:21 ပူးပေါင်းရင်းမြစ်များ

२ सामुएल 2:9

मिनु गिलाद, अश्‍शुर, येज्रेल, एफ्राइम, बेन्‍यामीन आ थर ङा मुर नु इस्राएली नेल्‍ल आन पिप सेला बाक्‍त।

२ सामुएल 3:10

‘सावल आ खिं ङा मुर आन राज्‍य रोइ‍क्‍चा नु दाऊद कली इस्राएल यहूदा नु दान रे बेयर-शेबा सम्‍म सासन पपाइक्‍‍नुङ’ दे परमप्रभु यावेमी देंशो बाक्‍ब” दे आब्‍नेरम इश-बोशेथ कली देंमाक्‍त।

२ सामुएल 3:12

मेको नोले आब्‍नेरम हेब्रोनम बाक्‍ब दाऊद कली “एको रागी सु के बाक्‍बा? गे गो नु कबल का पने। मिनु गो इस्राएल नेल्‍ल इन के सेल्‍चा कली वारच पाइ‍नुङ” दे लोव़ कुरब मुर सोइक्‍ता बाक्‍त।

२ सामुएल 3:20

मिनु आब्‍नेर २० जना मुर नु दाऊद आ बाक्‍तीक हेब्रोन जाक्‍दीम्‍माक्‍त। दाऊदम आब्‍नेर नु मेको नेल्‍ल आन कली भोज गेमी बाक्‍त।

२ सामुएल 5:3

मिनु इस्राएल ङा खाल्‍पा नेल्‍ल पिप आ बाक्‍तीक हेब्रोनम जाक्‍मा बाक्‍त। मेकेर पिप दाऊदमी मेकोपुकी नु परमप्रभु यावे आ ङोंइती कबल का पवा बाक्‍त। मिनु मेकोपुकीम दाऊद कली तेल लुक्‍शा, इस्राएल ङा पिप सेल्‍मे बाक्‍त। २सामुएल २:४; १सामुएल १६:१३

१ राजा 11:37

गो इ कली सासन पपाइक्‍नुङ। गे इ दाक्‍शो नेल्‍ल आन कली सासन पाइनेवे। गे इस्राएल ङा पिप दुम्‍नेवे।

भजन संग्रह 20:4

मेकोमी इन दाक्‍शो नेल्‍ल गेवल। इन मिम्‍शो नेल्‍ल खबल। भजन संग्रह २१:३

फिलिप्‍पी 2:21

नेल्‍लेमी आंम आंम दाक्‍शो ला मिम्‍शा, पना पन बाक्‍नीमी। येसु ख्रीस्‍त आ दाक्‍शा मिम्‍शो चहिं मपाइनीम। २तिमोथी ४:१०,१६