२ सामुएल 3:20 - Sunuwar Bible

²⁰ मिनु आब्‍नेर २० जना मुर नु दाऊद आ बाक्‍तीक हेब्रोन जाक्‍दीम्‍माक्‍त। दाऊदम आब्‍नेर नु मेको नेल्‍ल आन कली भोज गेमी बाक्‍त।

२ सामुएल 3:20 ပူးပေါင်းရင်းမြစ်များ

उत्पत्ती 26:30

मिनु इसहाकम मेको आन कली भोज सेला बाक्‍त। मिनु मेकोपुकीम जामे, तूङमे बाक्‍त।

उत्पत्ती 31:54

मिनु मेको डांडामी याकूबमी चढ़ेतीके चढ़ेवा बाक्‍त। मिनु आ खिं ङा मुर आन कली “शोब्‍ले जने” दे गेवा बाक्‍त। मिनु जशा, मेको नाक्‍दो मेक उइ बाक्‍मा बाक्‍त। उत्‍पत्ती ३१:४२

२ सामुएल 3:19

आब्‍नेरमी बेन्‍यामीन आ थर ङा मुर नु यो लोव़ पवा बाक्‍त। नोले आब्‍नेर दाऊद आ बाक्‍तीक हेब्रोन लमाक्‍त। मिनु इस्राएली नु बेन्‍यामीन आ थर ङा मुर आन पचा देंशो लोव़ नेल्‍ल देंमाक्‍त।

२ सामुएल 3:21

मिनु आब्‍नेरमी दाऊद कली “मुल आं कली इस्राएली नेल्‍ल आन कली आं प्रभु, पिप इन ङोंइती चाक्‍चा गेयीनी। मिनु मेकोपुकीम गे नु कबल का पाइनीम। गे इन दाक्‍शो राज्‍य कामी रागी नेल्‍ल ङा पिप दुम्‍नीनी” देंमाक्‍त। नोले दाऊदमी आब्‍नेर नु गारशा सोइक्‍ता बाक्‍त।

एस्‍तर 1:3

मिनु मेको पिप दुम्‍शो ३ बर्स जाक्‍दीम्‍मेनु, आ हुकुम पाइब मुर नु सरकार ङा गेय पाइब नेल्‍ल आन कली भोज का गेप्‍तु। मेको भोजमी मादी नु पारसी आन ठेयब मुर नु मेको रागी ङा हुकुम पाइब नेल्‍ल जाक्‍शो बाक्‍तेक्‍म।

१ सामुएल 25:36

मिनु अबीगेल लेश्‍शा जाक्‍मेनु, नाबालमी आ खिंमी, पिपम खोदेंशो पा ठेयब भोज सेल्‍शा भोज पशो तवा बाक्‍त। नाबाल ग्‍येरसीशा शांबुम दुक्‍शा बाक्‍शो बाक्‍माक्‍त। मेको थाम्‍पा दुक्‍शा बाक्‍तीके आ मीशेमी सुनी सम्‍म रिम्‍शो मरिम्‍शो मारेइ शेंने मचबा बाक्‍त।