२ सामुएल 3:14 - Sunuwar Bible

¹⁴ मिनु दाऊदमी सावल आ तौ इश-‍बोशेथ कली यो “आं मीश मिकाल गेयी। गो मेको आ पर्बम सहे का जना पलिस्‍ती आन ख्रोइक्‍तीक चिनु ख्रोइश्‍शो कुशुल थाप्‍ताक्‍ङ” देंपाइक्‍थ मुर सोइक्‍ता बाक्‍त। १सामुएल १८:२५-२७

२ सामुएल 3:14 ပူးပေါင်းရင်းမြစ်များ

२ सामुएल 2:10

सावल आ तौ इश-‍बोशेथ इस्राएल ङा पिप दुम्‍मेनु ४० बर्स दुम्‍शो बाक्‍माक्‍त। मेकोमी बर्स निक्‍शी सम्‍म सासन पवा बाक्‍त। तन्‍न यहूदा ङा मुर दाऊद आ नोले खोदमे बाक्‍त।

२ सामुएल 3:15

मोपतीके इश-‍बोशेथम मुर सोइश्‍शा मिकाल आ वोंइश लाइश आ तौ, पाल्‍तीएल आ बाक्‍तीक रे चाक्‍पदा बाक्‍त। १सामुएल २५:४४

२ सामुएल 6:16

मिनु परमप्रभु यावे आ सन्‍दोस दाऊद आ सहरमी चाक्‍गमेनु, सावल आ तमी मिकालमी झेल रे कोव़ङा बाक्‍त। मिनु पिप दाऊद कली परमप्रभु यावे आ ङोंइती प्रेक्‍ना प्रेक्‍न, सिल पशो तशा, आ थुंमी ग्रांग्रा दिमाक्‍त।

मत्ती 1:18

येसु ख्रीस्‍त जरमेचा कली दोदेंशो दुम्‍माक्‍त देंशा हना, मरीयम योसेफ कली गेशा लोव़ ख्रोइक्‍ने थुम्‍शो बाक्‍माक्‍त। मिनु योसेफमी मरीयम कली ग्‍युंबे पा आ खिं लाइक्‍चा क्‍येङा ङोंइती मरीयम आल कुरशो बाक्‍माक्‍त। मेको आल चहिं मुर आ आल ममाइ। परमप्रभु यावे आ सोक्‍त रे पा दुम्‍शो बाक्‍माक्‍त। लूका १:३५

१ सामुएल 18:25

मिनु मेकोमी दाऊद कली “जोरी सत्रु आन क्‍येक्‍क लेत्‍चा कली पिपम ग्‍युम्‍ली आ पर्बम सहे का पलिस्‍ती आन ख्रोइक्‍तीक चिनु ख्रोइक्‍तीक ङा कुशुल ला पुंइब मतीन” देंमाक्‍त। मारदे हना पलिस्‍ती आन गुइ रे दाऊद बेक्‍ल देंशो बाक्‍माक्‍त।

१ सामुएल 18:27

मिनु देंशो नाक्‍त आ ङोंइती, नाक्‍त दाऊद आ मुरपुकी नु लशा सहे निक्‍शी पलिस्‍ती आन कली सदमे बाक्‍त। मिनु मेकोम मेको आन ख्रोइक्‍तीक चिनु ख्रोइक्‍तीक ङा कुशुल लाइश्‍शा, चांइवा सेल्‍यीनी, दे पिप आ ङोंइती हिक्‍शा, गेवा बाक्‍त। मिनु सावलमी आ तमी मिकाल दाऊद कली गेशा ग्‍युंबे पाइक्‍ता बाक्‍त।

१ सामुएल 25:44

मेना सावलमी आ तमी, दाऊद आ मीश मिकाल कली गाल्‍लीम ङा लाइश आ तौ पाल्‍ती कली गेवा बाक्‍त। २सामुएल ३:१४-१५