२ सामुएल 24:7 - Sunuwar Bible

⁷ मिनु नोले गारो हिरशो सहर टायर, हिव्‍वी नु कनानी आन सहर नेल्‍ल लमा बाक्‍त। नोले यहूदा ङा नेगेब ङा बेयर-शेबा सहर सम्‍म लमा बाक्‍त।

२ सामुएल 24:7 ပူးပေါင်းရင်းမြစ်များ

२ सामुएल 24:2

मिनु पिपमी योआब नु मेको नु बाक्‍ब लडाइ पाइब आन ठेयब मुर नेल्‍ल आन कली “दान रे बेयर-शेबा सम्‍म ङा इस्राएल आ खिं खिं ङा मुर आन बाक्‍तीक तेइ तेइ लशा, नेल्‍ल आन कली हिक्‍शा, मेको दोशो बाक्‍मा, आं बाक्‍तीकेम ब्रेक्‍शा चाक्‍कीन” देंमाक्‍त। प्रस्‍थान ३०:१२

२ सामुएल 24:8

मिनु ९ महिना नु २० नाक्‍त नोले मेकोपुकी रागी नेल्‍ल हिरशा, लेश्‍शा यरूसलेम जाक्‍मा बाक्‍त।

जकरिया 9:3

टायरमी आंम पर्बम बोल्‍यो दरवार का सेल्‍शो बाक्‍ब। मेकोमी फुरक खोदेंशो पा चांदी नु लां मेर ङा हिलो खोदेंशो पा सुन तेल्‍शो बाक्‍ब।

यहोसु 11:3

पूर्ब नु पच्‍छिम ङा कनानी आन पिप नु एमोरी आन पिप, हित्ती आन पिप, परिज्‍जी आन पिप, पहाड रागीम बाक्‍ब यबुसी आन पिप नु रागी ङा हेरमोन डांडा आइदी मिस्‍पा रागी गे बाक्‍ब हिव्‍वी आन पिप, नेल्‍ल आन कली ब्रेश्‍शा सोइक्‍ताक्‍व।

यहोसु 19:28

मिनु एब्रोन, रेहोब, हम्‍मोन नु कानाह सहर रे पा ठेयब सीदोन सम्‍म जाक्‍दीश्‍शो बाक्‍त।

यहोसु 19:29

मिनु मेको सांद रामाह नु गारो पाइश्‍शो टायर सहर गे हिरशो बाक्‍त। मेको सांद लशा, होसाह गे समुन्‍द्र आ नेक्‍था ङा अक‍जीब सहरमी नुप्‍शो बाक्‍त। यहोसु १५:४४; न्‍यायाधीस १:३१

यहोसु 9:1

मिनु यर्दन आइक्‍ची हांबु पहाड नु दिंममी, ठेयब समुन्‍द्र आ नेक्‍था नु लेबानोन गे बाक्‍ब हित्ती, एमोरी, कनानी, परिज्‍जी, हिव्‍वी नु यबुसी आन पिपपुकीमी एको लोव़ नेंशा,

यहोसु 9:7

मिनु इस्राएलीपुकीमी मेको हिव्‍वी आन कली “गेपुकी आंइ दातेमी बाक्‍ब मुर बाक्‍नीनी, कों? गोपुकी गेपुकी नु दोपा गारने चाप्‍नीकी ङा?” देंतेक्‍म। यहोसु ११:१९; प्रस्‍थान २३:३२

न्‍यायाधीस 3:3

मेको तेको तेको जात बाक्‍मा बाक्‍त देंशा हना, ५ जना हुकुम पाइब पलिस्‍ती, कनानी नेल्‍ले, सीदोन ङा मुर नेल्‍ले नु बाल-हेरमोन डांडा रे लाइश्‍शा, लेबानोन ङा पहाडम लेबो-हमाथ सम्‍म बाक्‍ब हिव्‍वीपुकी बाक्‍मा बाक्‍त। यहोसु १३:३