२ सामुएल 24:24 - Sunuwar Bible

²⁴ तन्‍न पिपमी अरौनाह कली “ममाइ, गो मेको ग्‍याप्‍नुङ। गो क्‍येट मथाप्‍शो थोव़क परमप्रभु यावे, आं परमप्रभु कली मचढ़ेनुङ” देंमाक्‍त। मोपतीके दाऊदम मेको खला नु ब्‍यफ ङा ५० शेकेल चांदी थाप्‍शा ग्‍यबा बाक्‍त। शेकेल का ११.५ ग्राम बाक्‍ब।

२ सामुएल 24:24 ပူးပေါင်းရင်းမြစ်များ

उत्पत्ती 23:11

“प्रभु, ममाइ, आं लोव़ नेनीन, गो इन कली मेको रू नु पुक्‍खी गेनुङ। आं मुरपुकी सांकछी बाक्‍नीम। गो इन कली गेनुङ। इन बेक्‍शो मुर थिमीन” देंमाक्‍त।

उत्पत्ती 23:13

मिनु मुर नेल्‍ल आन ङोंइती अब्राहाममी एफ्रोन कली “आं लोव़ नेनीन। गो मेको रू ङा क्‍येट थाप्‍नुङ। मेको ताक्‍कीन। गो आं मीश मेक थिम्‍नुङ” देंमाक्‍त।

उत्पत्ती 23:16

मिनु अब्राहाममी एफ्रोन आ लोव़ बिस्‍से बाक्‍त। मेकोमी एफ्रोनमी हित्ती आ मुर आन ङोंइती देंशो खोदेंशो पा ४ सहे शेकेल चांदी नाक्‍शा, गेमी बाक्‍त। मेको ४ सहे शेकेल चहिं ग्‍याप्‍ब लेयब आन दातेमी मोदेंशो रू कली ठीक बाक्‍माक्‍त। शेकेल का ११.५ ग्राम चांदी बाक्‍त।

१ इतिहास 21:1

मिनु सैतानमी इस्राएली आन कली मरिम्‍शो पचा कली दाऊद कली आ मुर इस्राएली आन कली हिक्‍पाइक्‍मी बाक्‍त।

१ इतिहास 22:1

मिनु दाऊदमी “एकेर परमप्रभु आ खिं नु इस्राएलीपुकीमी परमप्रभु यावे कली चोशा चढ़ेतीक सेल्‍चा माल्‍ब” देंमाक्‍त।

रोमी 12:17

इन कली मरिम्‍शो पाइब आन कली मरिम्‍शो मपने। मुर आन कली मार रिम्‍शो बाक्‍बा, मेको मिम्‍तीन। हितोपदेस २०:२२; १थिस्‍सलोनिकी ५:१५; २कोरिन्‍थी ८:२१