२ सामुएल 24:2 - Sunuwar Bible

² मिनु पिपमी योआब नु मेको नु बाक्‍ब लडाइ पाइब आन ठेयब मुर नेल्‍ल आन कली “दान रे बेयर-शेबा सम्‍म ङा इस्राएल आ खिं खिं ङा मुर आन बाक्‍तीक तेइ तेइ लशा, नेल्‍ल आन कली हिक्‍शा, मेको दोशो बाक्‍मा, आं बाक्‍तीकेम ब्रेक्‍शा चाक्‍कीन” देंमाक्‍त। प्रस्‍थान ३०:१२

२ सामुएल 24:2 ပူးပေါင်းရင်းမြစ်များ

उत्पत्ती 21:14

मिनु अब्राहाम सुनी कना बोक्‍शा, हागार कली शोब्‍ले नु ब्‍वाक्‍कु कुरपाइश्‍शा, आ तौ नु सोइक्‍ता बाक्‍त। मिनु हागार नु आ तौ लसा बाक्‍त। मिनु लशा, लां जाम्‍शा, बेयर-शेबा माइश्‍शो गोरशो रागीम हिरससा बाक्‍त।

२ सामुएल 17:11

आं अर्ती चहिं मार बाक्‍ब देंशा हना, दान रे बेयर-शेबा सम्‍म ङा इस्राएली नेल्‍ल आन कली खुप्‍चा माल्‍नीम। मेको समुन्‍द्र ङा बाल्‍वा खोदेंशो पा शुश बाक्‍नीम। मिनु गे मोदेंशो पा लडाइ पथ लने।

२ सामुएल 2:13

सेरूयाह आ तौ योआबमी दाऊद आ गेय पाइब आन कली लाइश्‍शा गिबोन ङा दोम्‍लीम लडाइ पवा बाक्‍त। मेको निक्‍शी गिबोन ङा दोम्‍लीम ग्रुम्‍सा बाक्‍त। मिनु काम दोम्‍ली आ आइक्‍ची हांबुम, काम दोम्‍ली आ ओंथ हांबुम आस लडाइ पाइब आन कली राप्‍पदसे बाक्‍त। १सामुएल २६:६; यहोसु ९:३,१७

२ सामुएल 20:23

योआब इस्राएल ङा लडाइ पाइब आन नेल्‍ल क्‍येङा ठेयब मुर बाक्‍माक्‍त। येहो-यादा आ तौ बेनायाह केरेथी नु पेलेथी पिप कली खाल पाइब आन ठेयब मुर बाक्‍माक्‍‍त। २सामुएल ८:१६-१८; १राजा ४:४-६

२ सामुएल 23:37

अम्‍मोनी जेलेक, बेयरोथ सहर ङा नहाराइ, मेको सेरूयाह आ तौ योआब आ या कुरब बाक्‍माक्‍त।

२ सामुएल 24:15

मोपतीके परमप्रभु यावेमी आ देंशो नाक्‍त रे इस्राएल नेल्‍लेम मुर बेक्‍तीक रोइ जाक्‍पदा बाक्‍त। मिनु दान रे बेयर-शेबा सम्‍म ७० हजार मुर बेक्‍मा बाक्‍त।

२ सामुएल 3:10

‘सावल आ खिं ङा मुर आन राज्‍य रोइ‍क्‍चा नु दाऊद कली इस्राएल यहूदा नु दान रे बेयर-शेबा सम्‍म सासन पपाइक्‍‍नुङ’ दे परमप्रभु यावेमी देंशो बाक्‍ब” दे आब्‍नेरम इश-बोशेथ कली देंमाक्‍त।

२ सामुएल 8:16

सेरूयाह आ तौ योआब लडाइ पाइब आन ठेयब मुर बाक्‍माक्‍त। अहीलुद आ तौ येहो-शाफात मेको आ ब्रेक्‍ब बाक्‍माक्‍त। २सामुएल २:२३-२६

१ इतिहास 21:2

मोपतीके दाऊदम योआब नु आ कप्‍तान आन कली “बेयर-शेबा रे दान सम्‍म ङा इस्राएली आन कली हिक्‍शा, आं कली शेंचा नङ। मिनु मेकोपुकी दोशो बाक्‍मा, गो तुइक्‍चा माल्‍‍नुङ” दे अरेमी बाक्‍त।

२ इतिहास 32:31

मिनु बेबीलोन ङा सरकार ङा ठेयब मुर आन सोइश्‍शो मुर मेको रागीम तांइसीशो छक लाक्‍चा चिन्‍ड आ पर्बम हिल्‍लो पथ जाक्‍मा बाक्‍त। तन्‍न परमप्रभुम हिज्‍कीयाह कली नाक्‍शा कोव़चा कली नु मेको आ थुंम बाक्‍शो मार बाक्‍बा, दे तुइक्‍चा कली वारच मपवा बाक्‍त।।

हितोपदेस 29:23

मुर आन ठेयब लेश्‍शोमी मेको कली आइक्‍च सेल्‍ब। ब्रेम्‍शो थुं पाइश्‍शो मुर चहिं मान ताइब।

येरमीया 17:5

परमप्रभु यावेम मार देंत देंशा हना “सु सुमी मुर आन कली थमा सुइक्‍नीमी, मेको सराप राइनीम। आन रां ङा सक्तिम थमा सुइक्‍ब यो सराप राइनीम। मारदे हना मेको आन थुं परमप्रभु यावे रे ङोन लशो बाक्‍ब। भजन संग्रह ११८:८; भजन संग्रह १४६:३; २इतिहास ३२:८

२ कोरिन्‍थी 12:7

गो शुश कोंइतीके तशा, मेको आ पर्बम ठेयब लेश्‍शा, नें मबोरपदुल, दे सैतान आ चू आं रांम गेती। मेको आं कली श्‍येत गेचा कली नु आं ठेयब लेत्‍तीक तेक्‍चा कली बाक्‍ब।

न्‍यायाधीस 20:1

मिनु इस्राएली नेल्‍ले दान रे पा बेयर-शेबा सम्‍म गिलाद रागी परमप्रभु यावे आ ङोंइती मिस्‍पामी ग्रुम्‍मा बाक्‍त। यहोसु १८:२६; १सामुएल ७:५