२ सामुएल 24:14 - Sunuwar Bible

¹⁴ मिनु दाऊदम गाद कली “गो शुश श्‍येत जशो बाक्‍नुङ। आंइ कली परमप्रभु यावे आ गुइम दुम्‍चान रिम्‍शो बाक्‍ब। मारदे हना आ शिशी ठेयब बाक्‍ब। गो मुर आन गुइम मदुम्‍ङल” देंमाक्‍त।

२ सामुएल 24:14 ပူးပေါင်းရင်းမြစ်များ

२ सामुएल 9:8

मिनु मेफी-बोशेथम खुम्‍की पा बाप्‍शा “गो सु नङा ङा? पिपमी गो बेक्‍शो कुचुम खोदेंशो मुर, आं कली शिशी पाइय्‍यीनी?” देंमाक्‍त।

२ राजा 6:15

मिनु परमप्रभु आ मुर आ गेय पाइब सुनी कना बोक्‍शा लाङगा ग्रूमाक्‍त। मिनु मेना शारा नु बग्‍गी पाइश्‍शो लडाइ पाइब आन हुलमी सहर पुम्‍शो तवा बाक्‍त। मिनु मेको गेय पाइब लशा आ होव़प कली “आबी, आं प्रभु, मुल मार पय” देंमाक्‍त।

१ इतिहास 21:13

मिनु दाऊदम गाद कली “गो थम श्‍येत जाइब दुम्‍ती। परमप्रभु यावे आ गुइमी दुम्‍चा गेयीनी। मारदे हना मेको आ शिशी थम ठेयब बाक्‍ब। तन्‍न मुर आन गुइमी दुम्‍चा मगेयीनी” दे मदा बाक्‍त।

भजन संग्रह 119:156

परमप्रभु यावे, इन शिशी ठेयब बाक्‍ब। इन निसाफ पतीक लोव़ खोदेंशो पा आं कली ब्रोंइचा गेयीनी।

भजन संग्रह 130:4

गे माफ गेनीनी। मोपतीके मुर इन कली मान पा हिंचा माल्‍नीम। यसैया ५५:७; रोमी ६:१-२

भजन संग्रह 130:7

इस्राएल, परमप्रभु यावे कली आस पा बाक्‍को। मारदे हना परमप्रभु यावेमी गेना हना यो दाक्‍ब। मेको नु मरिम्‍शो पशो रे प्रोंइतीक शुश बाक्‍ब।

भजन संग्रह 145:9

परमप्रभु यावे नेल्‍ल आन कली रिम्‍शो पाइब बाक्‍ब। मिनु आ सेल्‍शो नेल्‍ल आन कली शिशी पाइब।

भजन संग्रह 51:1

परमप्रभु इन गेना हना यो दाक्‍तीकेमी आं कली शिशी पने। इन शुश शिशीमी आं हेंथे पशो क्‍याम्‍दीन। लूका १८:१७

भजन संग्रह 86:15

तन्‍न परमप्रभु, गे दाक्‍ब नु शिशी पाइब परमप्रभु बाक्‍नीनी। रीब पा मगाइक्‍ब, गेना हना यो दाक्‍शा मप्रोंइब बाक्‍नीनी। भजन संग्रह १०३:८; प्रस्‍थान ३४:६

भजन संग्रह 86:5

परमप्रभु, गे रिम्‍शो पाइब नु माफ गेब बाक्‍नीनी। इन कली पुंइब नेल्‍ल आन कली गेना हना यो दाक्‍नीनी।

हितोपदेस 12:10

ठीक पाइब मुरपुकीमी आंम बी ब्‍यफ, क्‍यारश भेडा आन कली रिम्‍शो कोव़नीम। तन्‍न परमप्रभु यावे आ अरेशो मटीबपुकीमी शिशी मपाइनीम। प्रस्‍थान २३:५

यसैया 47:6

गो आं मुर आन कली तशा गाइश्‍शा, मेको आन कली ‘आं मुर मनम’ खोदेंशो सेल्‍ता‍मी। मेना इ गुइमी गेता‍मी। मिनु गे मेको आन कली काइ शिशी मपदी। खूशो आन कली यो श्‍येत गेशा, हेल्‍शो जवा लाप्‍ताक्‍वी। जकरिया १:१५

यसैया 55:7

परमप्रभु यावे आ अरेशो मटीबमी आन लां प्रोन्‍मेक्‍ल। मिनु ठीक मपाइबमी आन मरिम्‍शो मिम्‍शो प्रोन्‍मेक्‍ल। परमप्रभु यावे गे लेम्‍मल। मिनु मेकोमी मेको आन कली शिशी पाइब। मेकोपुकी आंइ परमप्रभु गे लेम्‍मल। मारदे हना मेकोमी शुश माफ गेब। इजीकीएल १८:२७; इजीकीएल ३३:१; भजन संग्रह १३०:४

येरमीया 39:17

तन्‍न गो इ कली मेको नाक्‍ती प्रोंइनन। मिनु गे तेको मुर आन क्‍येङा हिंनेवे मेको आन गुइम मदुम्‍नेवे’ देंत मतो।

बिलाप 3:22

परमप्रभु यावे आ गेना हना यो दाक्‍तीक गेनायो मनुप्‍ब। आ शिशी गेनायो मनुप्‍ब। नेहेम्‍याह ९:३१

दानीएल 9:9

गोपुकी इन देंशो गन गन पा मटीतक हना यो, परमप्रभु, आंइ होव़प, गे शिशी पाइब नु पाप क्‍याम्‍ब बाक्‍नीनी। भजन संग्रह १३०:४

योना 4:2

“परमप्रभु यावे, आं रागीम बाक्‍ङानु, गो एको तुइश्‍शो नङ। मोपतीके गो टारशीश गे प्रोक्‍शो नङ। गे नेल्‍ल कली शिशी पाइब नु दाक्‍ब परमप्रभु ननी। इन गाइक्‍चा रीब पा मबोक्‍ब। इन शिशी ठेयब बाक्‍ब। इन थुं श्‍येत गेचा बाक्‍त हना यो, इन थुं लेश्‍शा, मेको आन कली मारेइ मपाइनीनी, दे गो तुइश्‍शो नङ। प्रस्‍थान ३४:६

मीका 7:18

इन खोदेंशो परमप्रभु अर्को सु बाक्‍बा ङा? गे ठीक मपशो क्‍याम्‍ब बाक्‍नीनी। इन लीशो मुर आन मरिम्‍शो पतीके माफ गेनीनी। गे गेना हना यो गाइक्‍स ङा गाइक्‍स मबाक्‍नीनी। तन्‍न शिशी पचा कली ग्‍येरशा बाक्‍नीनी। भजन संग्रह १०३:३,८-१३

मीका 7:19

मेकोमी आंइ कली लेंशा शिशी पाइ‍ब। मेकोमी आंइ पाप कली दिम्‍ब। गे आंइ पाप शुश लुक्‍च लशो समुन्‍द्रमी ताइक्‍नीनी।

जकरिया 1:15

रिम्‍शो पा बाक्‍ब रागी रागी ङा मुर आन कली तशा शुश गाइश्‍शो बाक्‍नुङ। गो ङोंइती इच्‍का ला गाइक्‍‍ताक्‍ङ। मिनु मुरपुकीमी तेम्‍शा मरिम्‍शो पचा गोम्‍तेक्‍म’ देंत। येरमीया ४७:६

यूहन्‍ना 12:27

मिनु येसुमी “मुल आं थुं खाइक्‍ती। गो मार देंनुङा, आफ, आं कली मोपा साइक्‍चा रे प्रोंइयी, दे पुंइनुङा ङा? गो साइक्‍चा पुंइसीचा कली रागीमी जाक्‍ती। मत्ती २६:३८

फिलिप्‍पी 1:23

गो निम्‍फा आस दातेमी बाक्‍नुङ। मेकेर रे लशा, ख्रीस्‍त नु बाक्‍चा आं दाक्‍शो बाक्‍ब। मारदे हना मेको शुश रिम्‍शो बाक्‍ब। २कोरिन्‍थी ५:८

१ सामुएल 13:6

मिनु इस्राएलीपुकीमी थम श्‍येत जामे बाक्‍त। मारदे हना लडाइ पाइबपुकी थाम्‍पा आइक्‍च सेल्‍चा पुंइसमा बाक्‍त। मोपतीके मेकोपुकी पुक्‍खी, काक्‍पे, सेरथे फुल्‍लु आन दातेम, बेक्‍शो मुर वोइक्‍तीके नु इनार आगाम ख्रुंइसमा बाक्‍त।