२ सामुएल 23:8 - Sunuwar Bible

⁸ दाऊद आ बोल्‍यो लडाइ पाइब मुर आन नें मार बाक्‍तेक्‍म देंशा हना, ङोंइती ताह-केमोन आ खिं ङा मुर योशेब-बा‍शेबेथ बाक्‍माक्‍त। मेको बोल्‍यो सां आन दाते ङा कप्‍तान बाक्‍माक्‍त। मेकोमी ८ सहे मुर आन कली आ तूतीकेम काले‍मी साइक्‍मी बाक्‍त।

२ सामुएल 23:8 ပူးပေါင်းရင်းမြစ်များ

२ सामुएल 10:7

दाऊदम मेको लोव़ नेंशा, योआब नु लडाइ पाइब नेल्‍ल आन कली सोइक्‍तीमी बाक्‍त।

१ राजा 1:8

तन्‍न चढ़ेब सादोक, येहो-यादा आ तौ बेनायाह, परमप्रभु यावे आ लोव़ पाइब नाथान, शिमेइ, रेइ नु दाऊद आ लडाइ पाइबपुकी चहिं अदोनीयाह नु मगारमा बाक्‍त।

१ इतिहास 11:10

मिनु दाऊद आ राज्‍य बोल्‍यो सेल्‍ब नु आ लडाइ पाइब आन ठेयब कप्‍तान आन पर्बम ब्रेक्‍शो लोव़ एको बाक्‍माक्‍त। मेकोपुकी नु इस्राएली नेल्‍लेमी दाऊद कली आन पिप सेल्‍मे बाक्‍त। परमप्रभु यावेमी इस्राएली आन पर्बम दोदेंशो लोव़ पवा, मोदेंशो पामे बाक्‍त।

१ इतिहास 27:1

मिनु इस्राएली आन खिं खिं ङा ठेयब मुरपुकी, हजार हजार लडाइ पाइब आन कप्‍तानपुकी, सहे सहे ङा लडाइ पाइब आन कप्‍तानपुकी नु मेको आन ठेयब मुरपुकी बाक्‍मा बाक्‍त। मेकोपुकीमी लडाइ पाइब आन हुल हुल आन कली बर्सम महिना महिनामी पालो पा पिप आ गेय पपाइक्‍बाक्‍मा बाक्‍त। लडाइ पाइब आन हुल का का पालो पा बर्स ङा महिना का गेय पपदमे बाक्‍त। हुल काम १४ हजार मुर बाक्‍मा बाक्‍त। पिप आ नेल्‍ल क्‍येङा ठेयब कप्‍तान सु सु बाक्‍मा बाक्‍त देंशा हना,

१ इतिहास 27:2

बर्स आ ङोंइती ङा महिना ङा ङोंइती ङा हुल आन कप्‍तान जब्‍दीएल आ तौ याशोबाम बाक्‍माक्‍त। मेको आ हुलम १४ हजार मुर बाक्‍मा बाक्‍त।

१ इतिहास 27:32

दाऊद आ बकान्‍छा योनाथन दाऊद कली अर्ती गेब बाक्‍माक्‍त। मेको शुश जोक्‍ब तुइक्‍ब नु ब्रेक्‍स तुइक्‍ब मुर बाक्‍माक्‍त। हाकमोनी आ तौ येहीएल पिप आ तौ आन कली कोव़ब बाक्‍माक्‍त।

न्‍यायाधीस 15:15

मिनु गधा आ पिया ङा रुश खप रे गुप्‍शा, मेकोमी हजार का मुर आन कली तुप्‍शा सदा बाक्‍त।