२ सामुएल 23:5 - Sunuwar Bible

⁵ मोपा आं खिं परमप्रभु नु बाक्‍ब। मारदे हना मेकोमी गो नु गेना हना यो लीब कबल का पशो बाक्‍ब। मेको नेल्‍ल रिम्‍शो नु ली‍ब। मिनु मेकोमी आं रिम्‍शो दुम्‍शो नु आं दाक्‍शो बारना बारना लपाइक्‍ब।

२ सामुएल 23:5 ပူးပေါင်းရင်းမြစ်များ

उत्पत्ती 9:16

मेको वाक्‍श गोस्‍सुम बाक्‍मेनु, गो मेको कली ताइनुङ। मिनु गो रागीम बाक्‍ब मुर नु ब्रोंइशा बाक्‍ब नेल्‍ल नु गेना हना यो लीब कबल पाता, दे मिम्‍नुङ” देंमाक्‍त।

२ सामुएल 12:10

मोपतीके इ खिं गेना हना यो तरवार रे नाइक्‍चा मताइब। मारदे हना गे आं लोव़ मटिथु, हित्ती उरीयाह आ मीश चाक्‍तीवी’ दें‍त। २सामुएल १३:२८-२९; २सामुएल १८:१४; १राजा २:२४-२५; २राजा २५:७

२ सामुएल 13:14

तन्‍न मेकोम तामार आ लोव़ का यो मनेना बाक्‍त। मिनु मेको कली बोल पा ग्‍याइश्‍शा, मेको नु इम्‍माक्‍त।

२ सामुएल 13:28

मेकोम आ गेय पाइब आन कली “रिम्‍शा बाक्‍कीन। अम्‍नोन अङगुर शांबुम दुक्‍त हना, गो ‘मेको कली सतीन’ देंनुङ। मिनु गे मेको कली सतीन। मारेइ हिंचा ममाल्‍नीनी। एको आं हुकुम बाक्‍ब। महिंथु बाक्‍कीन” दे माइक्‍मी बाक्‍त। लेवी २०:१७

२ सामुएल 18:14

मिनु योआबमी “गो गे नु लोव़ पा मग्‍योल्‍नुङ” देंमाक्‍त। मिनु मेकोमी तूतीक सां शेशा, अब्‍सालोम मो पा रवाम ग्‍युक्‍शा बाक्‍मेनु, आ कुचुमी थोक्‍गा बाक्‍त। मेना सम्‍म अब्‍सालोम सेस बाक्‍शो बाक्‍माक्‍त।

२ सामुएल 7:12

परमप्रभु यावेम दाऊद कली “इ नाक्‍त नुप्‍त हना नु इ किकी पिपी नु बाक्‍थ लचा नोले गो इ खिं ङा मुर आन दाते रे का कली इ पा ङा पिप सेल्‍नुङ। मिनु मेको आ राज्‍य बोल्‍यो सेल्‍नुङ। १राजा ८:२०

२ सामुएल 7:18

मिनु पिप दाऊद परमप्रभु यावे आ बाक्‍तीक ओव़शा, मेको कली “परमप्रभु यावे, गो सु नङा? आं खिं ङा मुर सु बाक्‍नीमी? मिनु गे आं कली एक सम्‍म चाक्‍यीनी?

१ राजा 1:5

मिनु हग्‍गीथ आ तौ अदोनीयाहम आंम कली ठेयब सेल्‍शा “गोन पिप दुम्‍नुङ” देंचा गोवा बाक्‍त। मोपतीके मेकोम बग्‍गीपुकी, शारा ङोइक्‍बपुकी नु आ ङोंइङोंइती दोरपाइक्‍चा कली ५० जना मुर ठीक पवा बाक्‍त। २सामुएल ३:४; २सामुएल १५:१

१ राजा 11:38

मिनु गे आं गेय पाइब दाऊद खोदेंशो पा आं शेंशो नेल्‍ल पाप्‍तीवी नु आं लांम गाक्‍ते हना, आं ङोंइती मार ठीक बाक्‍मे, मेको नेल्‍ल पाप्‍‍तीवी हना, आं फुल्‍लुम मुशा ब्रेक्‍शो लोव़ नु आं शेंशो नेल्‍ल आं गेय पाइब दाऊदम खोदेंशो पा टिप्‍‍तीवी हना, गो गे नु बाक्‍नुङ। गो इ खिं कली गेना हना यो लीपाइक्‍नुङ। मिनु इस्राएल इ कली गेनन। १राजा ९:४

१ राजा 12:14

मेको ठिटा आन गेशो सल्‍ला बिश्‍शा, मुर आन कली “आं आफोम इन कली श्‍येत गेप्‍तु। मुल गो इन कली मेको क्‍येङा यो शुश श्‍येत गेनुङ। आं आफोमी इन कली कोक्‍केम तुप्‍पाइश्‍शो बाक्‍त। तन्‍न मुल गो इन कली बिच्‍छीम क्राइक्‍‍पाइक्‍नन्‍नी” दे मा‍इक्‍मी बाक्‍त।

भजन संग्रह 111:9

मेकोमी आ मुर आन कली श्‍येत रे प्रोंइतु। मेकोमी आ पशो कबल गेनायो मक्‍याम्‍चा कली सेल्‍शो बाक्‍त। मेको आ नें का ला मान पा हिंचा ङा बाक्‍ब।

भजन संग्रह 119:81

गो आं श्‍येतम इन प्रोंइतीक शुश माल्‍‍नुङ। मिनु गो इन लोव़ ङा लां कोव़ना कोव़न बाक्‍नुङ।

भजन संग्रह 27:4

गो परमप्रभु यावे नु लोव़ का पुंइनुङ। मिनु मेको माल्‍ना माल्‍न बाक्‍नुङ। मेको मार बाक्‍ब देंशा हना “गो मबेक्‍ङा सम्‍म परमप्रभु यावे आ बाक्‍तीकेमी बाक्‍शा, परमप्रभु यावे आ रिम्‍शो पतीके तचा नु आ खिंम मेको कली माल्‍शा तुइक्‍चा दाक्‍नुङ। भजन संग्रह २६:८; भजन संग्रह ४२:५; भजन संग्रह ६३:३; भजन संग्रह ८४:४,५,११

भजन संग्रह 62:2

मेको ला आं सेरथे फुल्‍लु नु आं कली वारच पाइब बाक्‍ब। मेको आं बोल्‍यो दरवार बाक्‍ब। गो गेनायो महिम्‍‍सीनुङ। भजन संग्रह १८:३

भजन संग्रह 89:3

गे “गो आं योव़शो नु कबल पाता। आं गेय पाइब दाऊद नु कसम जाता। मार कसम जाता देंशा हना, यसैया ५५:३; भजन संग्रह १३२:११

यसैया 11:1

येस्‍से आ ठुटा रे ठोसा का दाप्‍ब। मेको आ शाक्‍श रे वाशो राशीम फल फुल सिप्‍ब।

यसैया 27:6

मिनु नोले ङा नाक्‍तीमी याकूबम आ शाक्‍श थोक्‍ब। इस्राएल फू बोइश्‍शा, नक राशी दाप्‍ब। मिनु रागी नेल्‍ल मेको आन फल फुलमी ब्रीब।

यसैया 4:2

मेको नाक्‍ती परमप्रभु यावे आ राशी दारशो नु थम रिम्‍शो बाक्‍ब। मिनु रागी आ दारसम ब्रोंइशा लीशो इस्राएली आन कली आन थुं बारपाइश्‍शा, ग्‍येरपाइक्‍ब दुम्‍ब। येरमीया ३३:१५

यसैया 54:10

डांडापुकी याक्‍सीनीम, पहाडपुकी हिम्‍सीनीम। तन्‍न आं गेना हना यो दाक्‍तीक इ क्‍येङा ङोन मलाइब। इ थुं नाइक्‍चा गेब कबल मक्‍याम्‍सीब” दे इ कली शिशी पाइब परमप्रभु यावेमी देंत। इजीकीएल ३७:२६

यसैया 55:3

इन नोफा दाइश्‍शा, आं गे जाक्‍कीन। नेंशा, ब्रोंइनीनी। गे ब्रोंइशा बाक्‍चा कली आं लोव़ नेनीन। मिनु गो गेपुकी नु गेना हना यो लीब कबल का पाइनुङ। दाऊद कली खोदेंशो पा इन कली यो गेना हना यो दाक्‍नुङ। २सामुएल ७:८-१६; येरमीया ३१:३१-३४; प्रेरित १३:३४

यसैया 61:8

गो, परमप्रभु यावेमी, ठीक पतीके दाक्‍नुङ। रोइक्‍तीक नु हेंथे पतीक गेय काइ मदाक्‍नुङ। गो मेको आन कली थमा पा आन पशो खोदेंशो पा गेनुङमी। गो मेकोपुकी नु गेना हना यो लीब कबल पाइनुङ। यसैया ५४:१०; यसैया ५५:३

यसैया 7:14

मोपतीके परमप्रभुमी इन कली चिन्‍ड का गेब। मेको चिन्‍ड मार बाक्‍ब देंशा हना, कन्‍ने मीश आलम कोव़ज कुरशा तौ का थीब। मेको आ नें इम्‍मानुएल वोइक्‍नीम। मत्ती १:२३

येरमीया 32:40

गो मेकोपुकी नु गेना हना यो लीब कबल का पाइनुङ। गो मेको आन कली रिम्‍शो पचा कली गेनायो मप्रोंइनुङ। मिनु गो मेको आन थुंमी आं कली मान पा हिंतीके वोइक्‍नुङ। मोपा मेकोपुकीम आं कली मप्रोंइनीम। येरमीया ३१:३१-३४

येरमीया 33:21

ला आं गेय पाइब दाऊद नु आ तौ का पिप दुम्‍ब, देंशो कबल क्‍याम्‍ने चाप्‍नीनी। मिनु गो आं लेवी थर ङा मुर चढ़ेब नु पशो कबल यो क्‍याम्‍ने चाप्‍नीनी। गन्‍ती २५:१२-१३; हिब्रू ९:११-१४

इजीकीएल 37:26

गो मेकोपुकी नु थुं नाइश्‍शा बाक्‍तीक कबल का पाइनुङ। मेको गेना हना यो लीब कबल बाक्‍ब। गो मेको आन कली आसीक गेशा शुश दुम्‍पाइक्‍नुङमी। मिनु गो मेको आन दातेम गेना हना यो कली आं बाक्‍तीक सेल्‍नुङ। प्रस्‍थान २५:८; इजीकीएल ३४:२५; यसैया ५४:३०

आमोस 9:11

परमप्रभु यावे, इन परमप्रभुमी “गो मेको नाक्‍त दाऊद आ ब्रेश्‍शो खिं आन कली लेंशा सेल्‍नुङ। मिनु मेको आ ब्रेश्‍शो गारो आ पोव़ला सुइ‍नुङ। मिनु मोपा नेल्‍ल साइ ङोंइती ङा खोदेंशो सेल्‍नुङ। १राजा १२:१९; प्रेरित १५:१६-१७

प्रेरित 13:34

लेंशा मबेक्‍चा ङा नु मराक्‍चा ङा पा बेक्‍शो रे सेंसीशो आ पर्बम परमप्रभुमी ‘दाऊद कली गेशो खोदेंशो पा गो इ कली आसीक गेनन’ दे ब्रेक्‍पाइश्‍शो बाक्‍ब। यसैया ५५:३

हिब्रू 13:20

नेल्‍ल क्‍येङा ठेयब भेडा गोठला, इं प्रभु येसुमी आ हुशेम गेना हना यो लीब कबल खाप्‍तु। दुशा बाक्‍चा गेब परमप्रभु यावेमी मेको कली बेक्‍शो रे सेंताक्‍व। यूहन्‍ना १०:११; १पत्रुस २:२५

हिब्रू 6:19

मेको आस चहिं इं थुं ग्‍येत्‍थ लुक्‍च पचा मगेब ग्‍याइक्‍तीके खोदेंशो बाक्‍ब। मेको आस नेल्‍ल क्‍येङा आगा ङा चोव़खो कोठा ङा फारतीक वा आगा बाक्‍ब। लेवी १६:२,१२

१ सामुएल 2:35

गो आं कली थमा सुइक्‍ब चढ़ेब का पोक्‍नुङ। मेकोम आं कली टिशा, आं थुंम मिम्‍शो पाइब। गो मेको कली गेना हना यो लीब खिं का सेल्‍नुङ। मिनु मेकोमी आं तेल लुक्‍शो आ ङोंइती गेना हना यो गेय पाइ‍ब। १राजा २:३५; हिब्रू ५:४-६

१ सामुएल 25:28

इन गेय पाइब आ मरिम्‍शो पशो ङा आं कली माफ गेयीनी। परमप्रभु यावेमी आं प्रभु, इन खिं ङा मुर आन कली गेना हना यो रिम्‍शो पवल। मारदे हना गे परमप्रभु यावे आ पर्बम लडाइ पशो बाक्‍नीनी। गे बाक्‍नी सम्‍म इन कली मारेइ मरिम्‍शो मदुम्‍ब। २सामुएल ७:१६