२ सामुएल 23:34 - Sunuwar Bible

³⁴ माकाह सहर ङा अहास्‍बाइ आ तौ एली-फेलेत, गिलो ङा अहीथोफेल आ तौ एलीआम,

२ सामुएल 23:34 ပူးပေါင်းရင်းမြစ်များ

२ सामुएल 10:6

मिनु अम्‍मोन ङा मुरपुकीमी दाऊद कली गाइक्‍पाइश्‍शो तुइक्‍तमे बाक्‍त। मिनु अम्‍मोन ङा मुरपुकीम बेथ-रेहोब, सोबाह ङा २० हजार मुर नु अराम ङा खोइलीम गाक्‍ब लडाइ पाइब आन कली गाल्‍च थाप्‍शा चाक्‍गमे बाक्‍त। मेकोपुकीम माकाह ङा पिप नु हजार का मुर नु तोब रागी रे १२ हजार मुरपुकी गाल्‍च थाप्‍शा चाक्‍गमे बाक्‍त।

२ सामुएल 10:8

अम्‍मोन ङा मुर जाक्‍शा सहर ओव़तीक ठेयब लाप्‍चोमी ठीक दुम्‍मा बाक्‍त। तन्‍न सोबाह, रेहोब सहर ङा, अराम ङा मुरपुकी नु तोब नु माकाह रागी ङा मुरपुकी चहिं दिंमम लडाइ पचा कली ठीक दुम्‍मा बाक्‍त।

२ सामुएल 11:3

मेको सु बाक्म, दे हिल्‍लो पथ, मुर का सोइक्‍ता बाक्‍त। मिनु मेकोमी “मेको एलीआम आ तमी, हित्ती उरीयाह आ मीश बाथ्‍शेबा बाक्‍त” देंमाक्‍त। २सामुएल २३:३९

२ सामुएल 15:12

अब्‍सालोमम आ क्‍योरशा चढ़ेतीकेम चढ़ेवानु, गिलोह सहर ङा अहीथोफेल कली ब्रेत्‍थ सोइक्‍ता बाक्‍त। मेको अहीथोफेल चहिं गिलोह सहर ङा दाऊद कली अर्ती गेब मुर बाक्‍माक्‍त। मोपा पिप कली मरिम्‍शो गेय पना पन लशा अब्‍सालोम आ मुर शुश दुम्‍ना दुम्‍न लमा बाक्‍त। २सामुएल २३:३४; यहोसु १५:५१

२ सामुएल 15:31

मिनु दाऊद कली अहीथोफेल मरिम्‍शो पाइ‍ब आन दातेम अब्‍सालोम नु बाक्‍त देंशो लोव़ नेंपदमे बाक्‍त। मिनु दाऊदम “परमप्रभु यावे अहीथोफेल आ अर्ती शोर गाक्‍शो सेलीन” दे पुंना बाक्‍त। २सामुएल १७:१४

२ सामुएल 17:23

मिनु अहीथोफेलमी आ अर्ती ङा लोव़ मबिश्‍शो तुइश्‍शा, आ गधा ठीक पा आ सहर ङा खिं लमाक्‍त। मिनु आ खिं ङा मुर आन कली देंचा माल्‍शो लोव़ देंशा, आं चहिं ग्‍युक्‍शा बेक्‍माक्‍त। मेको मोपा बेक्‍शा आ आफ आ तुरसुम थिम्‍चा पुंइसे बाक्‍त। १सामुएल ३१:४; १राजा १६:१८; मत्ती २७:५

२ सामुएल 20:14

शेबा इस्राएल ङा थर नेल्‍ल लाक्‍शा, आबेल ङा बेथ-माकाहम जाक्‍मा सम्‍म बिक्री आ खिं ङा मुर नेल्‍ल तेइ तेइ रे ग्रुम्‍मा बाक्‍त। मिनु मेको आ नोले सहर ओव़मा बाक्‍त।

ब्‍यवस्‍था 3:14

मनस्‍से आ युइ याइरमी अरगोब ङा रागी नेल्‍ल, गेशुरी नु माकाथी आन सांद सम्‍म लाइक्‍तु। मेको बाशान कली आ नें हव्‍वोथ-याइर वोइक्‍तु। मेको मुल सम्‍म बाक्‍ब।

१ सामुएल 26:6

दाऊदमी हित्ती अहीमेलेक नु सेरूयाह आ तौ योआब आ लोक्‍ब अबीशै गे लेश्‍शा कोव़शा “सावल आ बाक्‍तीकेम गो नु सु लने चाप्‍बा” देंमाक्‍त। मिनु अबीशैमी “गो लाइ‍नुङ” देंमाक्‍त।