२ सामुएल 23:18 - Sunuwar Bible

¹⁸ मिनु सेरूयाह आ तौ योआब आ लोक्‍ब अबीशै मेको ३० जना आन दाते ङा ठेयब बाक्‍माक्‍त। मेकोमी सहे सां जना मुर आन कली आ तूतीकेम लडाइ पा साइक्‍मी बाक्‍त। मेको सांमी “मेको बोल्‍यो मुर बाक्‍ब” देंमा बाक्‍त। २सामुएल २१:१७

२ सामुएल 23:18 ပူးပေါင်းရင်းမြစ်များ

२ सामुएल 10:10

लीशो मुर चहिं आ लोक्‍ब अबीशै आ हुकुममी गेमी बाक्‍त। मेकोपुकी अम्‍मोनी आन ङोंइती लडाइ तोचा कली ठीक दुम्‍मा बाक्‍त।

२ सामुएल 10:14

मिनु अम्‍मोनीपुकीम अराम ङा मुर आन कली प्रोक्‍शो तशा, आं यो अबीशै आ ङोंइती रे प्रोक्‍शा, आन सहर ओव़मा बाक्‍त। मिनु योआब अम्‍मोनी नु लडाइ पचा प्रोंइशा, लेश्‍शा यरूसलेम जाक्‍‍माक्‍त।

२ सामुएल 18:2

मिनु नोले दाऊदमी आ लडाइ पाइ‍ब आन कली भाग सां सेल्‍मी बाक्‍त। भाग का योआब आ हुकुममी, भाग का सेरूयाह आ तौ अबीशै योआब आ लोक्‍ब आ हुकुममी नु भाग का गित्त आ खिं ङा मुर इत्‍ताइ आ हुकुममी गेमी बाक्‍त। मिनु पिपमी “गो यो गेपुकी नु लडाइम लाइ‍नुङ” देंमाक्‍त। २सामुएल १५:१९

२ सामुएल 2:18

सेरूयाह आ तौ सांफा योआब, अबीशै नु आसाहेल मेकेर बाक्‍शो बाक्‍मा बाक्‍त। आसाहेल ब्‍वाकी ङा दोरब किश्‍श खोदेंशो रीब पा गेय पाइब बाक्‍माक्‍त। १इतिहास २:१६

२ सामुएल 20:10

आमासामी योआब आ गुइमी तरवार बाक्‍शो मतुइक्‍ता बाक्‍त। मिनु योआबमी मेको आ कोव़जम तूदा बाक्‍त। मिनु मेको आ गा क्‍यी खपीम दोक्‍शा बेक्‍माक्‍त। मेकोमी खेयप निक्‍शी तूचा ममाल्‍दा बाक्‍त। मिनु योआब नु आ लोक्‍ब अबीशै बिक्री आ तौ शेबा कली खेदा पना पन लसा बाक्‍त। १राजा २:५

२ सामुएल 23:19

मेको, मेको ३० जना आन दाते ङा नेल्‍ल क्‍येङा हिक्‍सीशो मुर बाक्‍शो बाक्‍त। मिनु मेको आन कप्‍तान दुम्‍माक्‍त। तन्‍न मेको बोल्‍यो मुर सां खोदेंशो दुम्‍ने मचबा बाक्‍‍‍त।

२ सामुएल 3:30

मोपा योआब नु आ लोक्‍ब अबीशैमी आब्‍नेर कली सदसे बाक्‍त। मारदे हना आब्‍नेरमी मेको आस लोक्‍ब आसाहेल कली गिबोन ङा लडाइम साइश्‍शो बाक्‍माक्‍त। न्‍यायाधीस ८:१८-२१; २राजा १४:५

१ इतिहास 2:16

मेको आन समी सेरूयाह नु अबीगेल बाक्‍सा बाक्‍त। सेरूयाह आ तौ अबीशै, योआब नु आसाहेल सां बाक्‍मा बाक्‍त। २सामुएल २:१८

उपदेसक 4:12

का कली अरुमी फ्रुइ‍नीम। तन्‍न निक्‍शी दुम्‍ताक्‍स हना, आंम कली प्रोंइने चाप्‍नीस। थमा पा पोया सांमी किरशो डोरी रीब पा मब्रोइक्‍‍ब।