२ सामुएल 23:17 - Sunuwar Bible

¹⁷ मेकोमी “परमप्रभु यावे आ नेंमी गो एको ब्‍वाक्‍कु मतूनुङ। मार, गो एको मुर आन हुश तूनुङा? एकोपुकीम एको ब्‍वाक्‍कु हेररा आन गिंम सोइक्‍चा ङा पा लशा चाक्‍तेक्‍म” देंमाक्‍त। मोपतीके दाऊदमी मेको ब्‍वाक्‍कु मतूङा बाक्‍त। मेको बोल्‍यो लडाइ पाइब सां आन ठेयब गेय मेकोन बाक्‍त।

२ सामुएल 23:17 ပူးပေါင်းရင်းမြစ်များ

उत्पत्ती 44:17

मिनु योसेफमी “ममाइ, मेको मपाइनुङ। तन्‍न सु मुर नु आं कचौरा बाक्‍मे, मेको ला आं वाइल दुम्‍चा माल्‍ब। गेपुकी चहिं थुं नाइश्‍शा, इन आफ आ बाक्‍तीक लने” देंमाक्‍त।

उत्पत्ती 9:4

क्‍योरशा हुश मचुइक्‍थु चहिं मब्‍वने। मारदे हना हुशेमी ब्रोंइतीक सोक्‍त बाक्‍ब।

२ सामुएल 20:20

मिनु योआबमी “गो खतम मपोक्‍नुङ, मक्‍याम्‍नुङ।

१ राजा 21:3

तन्‍न नाबोथमी आहाब कली “परमप्रभु यावे आ ङोंइती मोदेंशो पने मचाप्‍नुङ। गो आं किकी पिपी आन गेशो रू इन कली गेने मचाप्‍नुङ” देंमाक्‍त।

१ इतिहास 11:19

मेकोमी “आं परमप्रभुम आं कली ओदेंशो पचा मगेयील। गो एको मुर आन हुश तू्‍नुङा? मारदे हना एको आन गिंम खतम दुम्‍चा ङा पा लशा ब्‍वाक्‍कु चाक्‍तेक्‍म” देंमाक्‍त। मोपतीके मेकोमी मेको ब्‍वाक्‍कु मतूङा बाक्‍त। मेको बोल्‍यो लडाइ पाइब सां आन पशो गेय मेकोन बाक्‍माक्‍त।

भजन संग्रह 72:14

मेको आन कली दिप्‍तीक नु हुश ख्राक्‍श पोक्‍तीक रे प्रोंइब। मारदे हना मेको आ ङोंइती हिक्‍सीशो बाक्‍नीम। भजन संग्रह ९:१३; भजन संग्रह ११६:१५

लेवी 17:10

इस्राएली नु मेको आन दातेम बाक्‍ब अर्को रागी ङा मुर सुइमी हुश ब्‍वाम्‍तेक्‍म हना, गो मेको हुश ब्‍वाइब कली मरिम्‍शो पाइनुङ। मिनु मेको मुर कली आ मुर आन दाते रे क्‍याम्‍नुङ। लेवी ३:१७

मत्ती 26:28

एको आं हुश बाक्‍ब। आं हुशेमी परमप्रभु यावे आ नक कबल खाप्‍ता। आं हुश जारशोमी शुश मुर आन पाप क्‍याम्‍सीब। प्रस्‍थान २४:८; येरमीया ३१:३१; हिब्रू ९:१५-१६

मर्कूस 14:24

मिनु “एको आं हुश बाक्‍ब। आं हुशेमी परमप्रभु यावे आ गेशो नक लोव़ खाप्‍ता। आं हुश जारशोमी शुश मुर आन पाप क्‍याम्‍सीब। प्रस्‍थान २४:८; हिब्रू ९:१५-१६

१ कोरिन्‍थी 15:30

मारदे गो शुश श्‍येत फाल्‍शा, एको लोव़ शेंना शेंन गाक्‍नुङा? रोमी ८:३६; गलाती ५:११

न्‍यायाधीस 5:18

मिनु जबूलून आ थर ङा मुरपुकीमी महिंथु लडाइ पाम्‍तेक्‍म। मिनु नाप्‍ताली आ थर ङा मुरपुकीमी यो लडाइ पाम्‍तेक्‍म।

१ सामुएल 2:30

मोपतीके परमप्रभु यावे, इस्राएली आन परमप्रभुमी “इ किकी पिपी आन खिं ङा मुर नेल्‍ल गेना हना यो आं ङोंइती चढ़ेब दुम्‍नीम, गो कसम जशो नङ” देंशो बाक्‍त। तन्‍न परमप्रभु यावेमी “मुल ओदेंशो मदुम्‍ब। मारदे हना आं कली ठेयब सेल्‍ब आन कली गो ठेयब सेल्‍नुङ। आं कली आइक्‍च सेल्‍ब नेल्‍ल आइक्‍च सेल्‍चा पुंइसीनीम। प्रस्‍थान २८:१; मलाकी ३:१६-१८

१ सामुएल 26:11

गो परमप्रभु यावे आ तेल लुक्‍शो पिप कली गेनायो मरिम्‍शो मपाइनुङ। तन्‍न मुल मेको आ पिया गे ख्रुक्‍शो तूतीक नु आ ब्‍वाक्‍कु तूतीक ग्‍योंब कुरशा गाक्‍स” देंमाक्‍त।