२ सामुएल 23:16 - Sunuwar Bible

¹⁶ मिनु मेको बोल्‍यो लडाइ पाइब सां पलिस्‍ती आन दाते रे ग्रीशा लशा बेथलेहेम ङा ठेयब लाप्‍चो आ नेक्‍था बाक्‍शो इनार ङा ब्‍वाक्‍कु चाक्‍शा दाऊद कली गेमे बाक्‍त। तन्‍न दाऊदम मेको तूने मबिस्‍से बाक्‍त। मेकोमी मेको ब्‍वाक्‍कु परमप्रभु यावे आ ङोंइती मोदा बाक्‍त।

२ सामुएल 23:16 ပူးပေါင်းရင်းမြစ်များ

उत्पत्ती 35:14

मिनु याकूबमी परमप्रभु नु लोव़ पशो मिम्‍चा कली मेकेर फुल्‍लु का राप्‍पदा बाक्‍त। मिनु मेको आ तारी तूचा थोव़क चढ़ेतीक नु तेल लुक्‍ता बाक्‍त। उत्‍पत्ती २८:१८-१९

२ सामुएल 23:9

मेको आ नोले ङा बोल्‍यो सां लडाइ पाइब आन दा‍ते ङा अहोही आ चच दोदो आ तौ एलाजर बाक्‍माक्‍त। मेको दाऊद नु बाक्‍शो बाक्‍माक्‍त। मेकेर पलिस्‍तीपुकी लडाइ पचा कली बुक्‍शो बाक्‍मा बाक्‍त। मिनु इस्राएलीपुकी प्रोक्‍मानु, मेको कामीन लडाइ पतीकेम राप्‍शा,

१ इतिहास 11:18

मेना मेको मुर सां पलिस्‍ती आन दाते रे ग्रीशा लशा बेथलेहेम ङा ठेयब लाप्‍चो आ ङोंइती ङा इनार ङा ब्‍वाक्‍कु ताप्‍शा, दाऊद आ बाक्‍तीकेम चाक्‍गमे बाक्‍त। तन्‍न दाऊदम मेको तूने मबिस्‍से बाक्‍त। मिनु ब्‍वाक्‍कु परमप्रभु यावे आ ङोंइती मोदा बाक्‍त।

उपदेसक 4:12

का कली अरुमी फ्रुइ‍नीम। तन्‍न निक्‍शी दुम्‍ताक्‍स हना, आंम कली प्रोंइने चाप्‍नीस। थमा पा पोया सांमी किरशो डोरी रीब पा मब्रोइक्‍‍ब।

बिलाप 2:19

बोक्‍को। नाक्‍दो ङाक्‍शा पुनो। खाल पाइब आन गेय पची ना यो मो पावो। इ थुं ङा श्‍येत परमप्रभु आ ङोंइती ब्‍वाक्‍कु खोदेंशो पा लुक्‍तो। लांमी बाक्‍ब इ शोव़लु बेक्‍शो आल आन पर्बम इ गुइ परमप्रभु गे पोक्‍शा पुनो।

गन्‍ती 28:7

मेको नु तूचा थोव़क चढ़ेतीके पाठा का कली हिन का ङा ४ भाग ङा भाग का अङगुर शांबु चढ़ेचा माल्‍नीनी। मेको परमप्रभु यावे आ बाक्‍तीकेम परमप्रभु यावे आ ङोंइती मोइक्‍चा माल्‍नीनी।

प्रेरित 20:24

गो साइक्‍चा पुंइसाक्‍ङ हना यो, एको आं गिंम मारेइ ममिम्‍नुङ। प्रभु येसुमी आं कली पपाइश्‍शो लोव़ ‘परमप्रभु यावेमी मुर आन कली शिशी पाइब’ आ ग्‍येरपाइक्‍ब लोव़ कली तुइक्‍पाइक्‍‍नुङ। प्रेरित २१:१३; २तिमोथी ४:७

रोमी 5:7

ठीक पाइब आन बेक्‍चा आ पा ङा सुइ बेक्‍बा कों? रिम्‍शो पाइब आ पा ङा सुइ बेक्‍ने चाप्‍बा कों?

२ कोरिन्‍थी 5:14

मारदे हना ख्रीस्‍तमी इं कली दाक्‍ब, दे शुश मिम्‍नीकी। मेको नेल्‍ल मुर आन पर्बम बेक्‍त, दे तुइश्‍शा, गो नेल्‍ल बेक्‍चा ङा मुर बाक्‍नय, दे तुइक्‍नीकी।

फिलिप्‍पी 2:17

गो इन थमा सुइक्‍चा आ पर्बम गेय पा, साइक्‍चा पुंइसाक्‍यी हना यो, ग्‍येरसीनुङ। गे नेल्‍ल नु ग्‍येरशा बाक्‍नुङ। २तिमोथी ४:६

१ सामुएल 19:5

मेकोमी पलिस्‍ती कली सदानु, आंमा चहिं बेक्‍नुङ देय ब्रोंइनुङ, दे मतुइश्‍शो बाक्‍त। मिनु परमप्रभु यावेम इस्राएल कली ठेयब सेल्‍शा ग्रापाइक्‍तु। गे मेको नेल्‍ल तशा शुश ग्‍येरशो बाक्‍तीनी। गे मारदे मेको दोस मताइब दाऊद कली मरिम्‍शो पचा माल्‍नीनी? बित्‍चीम मेको कली मारदे साइक्‍चा दाक्‍नीनी?” देंमाक्‍त। १सामुएल १७:५०

१ सामुएल 7:6

मिनु मेकोपुकी मिस्‍पाम बुक्‍‍मा बाक्‍त। मिनु ब्‍वाक्‍कु चाक्‍शा, परमप्रभु यावे आ ङोंइती मोदमे बाक्‍त। मिनु मेको नाक्‍ती माइजा बाक्‍शा, मेकोपुकीमी “गो परमप्रभु यावे आ ङोंइती पाप पाइतक” देंमा बाक्‍त। मिनु सामुएलम इस्राएली आन कली मिस्‍पा सहरम ब्रेश्‍शा निसाफ पवा बाक्‍त। २सामुएल २३:१६