२ सामुएल 23:15 - Sunuwar Bible

¹⁵ मिनु काबु नाक्‍त दाऊद थाम्‍पा ब्‍वाक्‍कु तूतू दाक्‍शो बाक्‍माक्‍त। मिनु मेकोमी तूतू दाक्‍शा “सुइमी आं कली बेथलेहेम ङा ठेयब लाप्‍चो आ नेक्‍था बाक्‍शो इनार ङा ब्‍वाक्‍कु तूचा गेयीमी हना, रिम्‍शो दुम वा” देंमाक्‍त।

२ सामुएल 23:15 ပူးပေါင်းရင်းမြစ်များ

उत्पत्ती 35:19

मिनु राहेल बेक्‍माक्‍त। मिनु एफ्राथ लतीक लांमी थिम्‍मे बाक्‍त। एफ्राथ बेथलेहेम सहरम बाक्‍ब। उत्‍पत्ती ४८:७; १सामुएल १०:२; येरमीया ३१:१५; मत्ती २:१८

२ सामुएल 23:16

मिनु मेको बोल्‍यो लडाइ पाइब सां पलिस्‍ती आन दाते रे ग्रीशा लशा बेथलेहेम ङा ठेयब लाप्‍चो आ नेक्‍था बाक्‍शो इनार ङा ब्‍वाक्‍कु चाक्‍शा दाऊद कली गेमे बाक्‍त। तन्‍न दाऊदम मेको तूने मबिस्‍से बाक्‍त। मेकोमी मेको ब्‍वाक्‍कु परमप्रभु यावे आ ङोंइती मोदा बाक्‍त।

१ इतिहास 11:17

मिनु दाऊदमी थाम्‍पा तूतू दाक्‍शा “सुइम आं कली बेथलेहेम ङा ठेयब लाप्‍चो आ ङोंइती बाक्‍शो इनार ङा ब्‍वाक्‍कु तूचा गेयीमी हना, दुम वा” देंमाक्‍त।

भजन संग्रह 119:81

गो आं श्‍येतम इन प्रोंइतीक शुश माल्‍‍नुङ। मिनु गो इन लोव़ ङा लां कोव़ना कोव़न बाक्‍नुङ।

भजन संग्रह 63:1

परमप्रभु, गे आं परमप्रभु बाक्‍नीनी। गो इन कली थमा पा माल्‍नुङ। गो ब्‍वाक्‍कु तूतू दाक्‍शो खोदेंशो पा आं थुंमी इन कली माल्‍नुङ। गो ब्‍वाक्‍कु मबाक्‍शो रागीम ब्‍वाक्‍कु माल्‍शो खोदेंशो पा इन कली माल्‍स ङा माल्‍स बाक्‍नुङ। भजन संग्रह ४२:३

यसैया 41:17

मेकोमी लेंशा “प्रुङग नु क्‍येट मथीबम ब्‍वाक्‍कु माल्‍नीम। तन्‍न मथित्‍नीम। मेकोपुकी तूतू दाक्‍शा, आन लाकचा सोव़ब। गो, परमप्रभु यावेमी, मेको आन लोव़ नेंनुङ। मिनु गो, इस्राएली आन परमप्रभुमी मेको आन कली मप्रोंइथु, मेको नु बाक्‍नुङ।

यसैया 44:3

मारदे हना गो सोव़शो रागी तारी ब्‍वाक्‍कु लुक्‍नुङ। सोव़शो खपीम खोला शाइक्‍पाइक्‍नुङ। गो इ चच युइ आन तारी आं सोक्‍त मोइक्‍नुङ। इ आल आन कली आसीक गेनुङ’। यसैया ३२:१५; योएल ३:१

यूहन्‍ना 4:10

मिनु येसुमी मेको मीश मुर कली “परमप्रभु यावेमी इ कली मार गेचा दाक्‍ब, दे तुइक्‍ताक्‍वी हना, नु ब्‍वाक्‍कु पुंइब, आं कली, सु बाक्‍नुङ, दे तुइक्‍ताक्‍वी हना, आं कली ‘ब्‍वाक्‍कु गेयी’ दे पुंइदी वा। मिनु ब्रोंइचा गेब ब्‍वाक्‍कु गेन वा” दे मदा बाक्‍त। यूहन्‍ना ७:३८-३९

यूहन्‍ना 4:14

तन्‍न सुमी आं गेशो ब्‍वाक्‍कु तूबा, मेकोमी लेंशा तूतू मदाक्‍ब। आं गेशो ब्‍वाक्‍कु मुर आगामी बुक्‍शो खोदेंशो पा बारशा, गेना हना यो ब्रोंइशा बाक्‍चा गेब” दें‍त। यूहन्‍ना ६:३५; यूहन्‍ना ७:३८-३९; भजन संग्रह ३६:१०

यूहन्‍ना 7:37

मिनु बाली ओंइतीक चाड नुप्‍ची नाक्‍त नेल्‍ल क्‍येङा ठेयब नाक्‍ती बाक्‍त। मेना येसुमी मुर आन कली “सु सुमी तूतू दाक्‍नीमी, मेको आं गे पिशा तूङमेक्‍ल। लेवी २३:३६; यूहन्‍ना ४:१०; यसैया ५५:१; प्रकाश २२:१७