२ सामुएल 22:9 - Sunuwar Bible

⁹ मेको आ नें रे कुन ग्रूत। मेको आ शोव़ रे ग्राव ग्रु दाक्‍ब मी ग्रूत। मेकेर रे ब्रशो कोइला ग्रूतेक्‍म।

२ सामुएल 22:9 ပူးပေါင်းရင်းမြစ်များ

२ सामुएल 22:13

मेको आ ङोंइती ङा छेङछेङ रे ब्रशो कोइला ग्रूतेक्‍म।

२ सामुएल 22:16

समुन्‍द्र आ पुं तांइसाक्‍व। रागी आ जग हुक्‍साक्‍व। मेको परमप्रभु यावे आ हुइश्‍शो नु आ सास रे मोदेंशो दुम्‍त।

अय्‍युब 4:9

परमप्रभु आ मुइश्‍शोम मेकोपुकी खतम दुम्‍‍नीम। मिनु मेको आ गाइश्‍शो आ मीम नेक्‍चा पुंइसीनीम।

भजन संग्रह 18:15

परमप्रभु यावे इन हुइक्‍तीकेमी नु इन नें रे ग्रूशो सोक्‍तमी समुन्‍द्र नु रागी आ जग ग्रूत।

भजन संग्रह 18:8

आ नें रे कुन कुत। आ शोव़ रे ठेयब मी ग्रूशा, ब्रशो कोइला हुरुर पा बेरतेक्‍म। प्रस्‍थान १९:१८

प्रस्‍थान 19:18

मिनु सीनै डांडा कुनै कुन दुम्‍‍त। मारदे हना परमप्रभु यावे मेकेर मीम तोंइसाक्‍व। मेको मार मार चोशो खोदेंशो पा ठेयब कुन ग्रू्‍त। मिनु डांडामी ठेयब ख्रिनु कु‍त। उत्‍पत्ती १५:१७

प्रस्‍थान 24:17

मिनु परमप्रभु यावे आ छेङछेङ इस्राएली आन कली डांडा तारी थम ठेयब ब्रशो मी खोदेंशो पा तांइसाक्‍व। ब्‍यवस्‍था ४:२४; ब्‍यवस्‍था ९:३; हिब्रू १२:२९

यसैया 30:27

कोव़ङीन, परमप्रभु यावे ङोन रे जाक्‍ना जाक्‍न बाक्‍ब। आ गाइश्‍शो मी खोदेंशो पा ब्रशा, शुश कुन ग्रूब। आ शोव़ चुरचामी ब्रीशो नु आ लें ग्राव ग्रु दाक्‍ब मी खोदेंशो बाक्‍ब।

यसैया 30:33

मारदे हना ङोंइती रे ठेयब चोतीके का सेल्‍शो बाक्‍त। मेको थमा पा पिप कली सेल्‍शो बाक्‍त। मेको शुश लुक्‍च लशो नु ब्रेम्‍शो बाक्‍त। मेकेर मी नु शुश शी बाक्‍त। परमप्रभु यावे आ मुइश्‍शो गन्‍धक खोदेंशो पा मेको मी ब्राइ‍ब।

येरमीया 15:14

गो इन कली आंम इन मतुइश्‍शो रागीम इन जोरी सत्रु आन वाइल सेल्‍नुङ। मारदे हना आं गाइश्‍शोम मी का जेप्‍ब। मेको गेना हना यो ब्रशा बाक्‍ब” दे परमप्रभु यावेमी देंत।

येरमीया 5:14

मोपतीके परमप्रभु यावे, मुर नेल्‍ल आन परमप्रभुमी मार देंत देंशा हना “मेकोपुकीमी मोदेंशो लोव़ पतीके, गो आं लोव़ इ शोव़म मी खोदेंशो सेल्‍नुङ। मेको मुर आन कली शी सेल्‍नुङ। मिनु मेको मीम नेल्‍ल आन कली दाक्‍ब सेल्‍नुङमी।

हबकुक 3:5

आ ङोंइती मुर आन कली साइक्‍तीक रोइ लत। आ नोले मुर बेक्‍तीक रोइम खोइक्‍तु।

ब्‍यवस्‍था 32:22

मारदे हना आं गाइक्‍चा मी खोदेंशो पा ब्रशो बाक्‍ब। रागी आगा सम्‍म ब्राइब। रागी नु मेकेर बाक्‍शो नेल्‍ले नेक्‍ब। मेकोमी डांडा आन जग नेल्‍ल नेक्‍ब।

हिब्रू 12:29

इं परमप्रभु यावे नेल्‍ल खतम सेल्‍ब मी खोदेंशो बाक्‍ब। हिब्रू १०:३१; ब्‍यवस्‍था ४:२४