२ सामुएल 22:7 - Sunuwar Bible

⁷ मिनु गो आं श्‍येत आ पर्बम परमप्रभु यावे कली थोव़ता। गो आं परमप्रभु कली ‘वारच पने’ दे पुंइता। मिनु मेकोमी आ बाक्‍तीके रे आं सेंदा नेंतु। आं पुंइशो नेंतु।

२ सामुएल 22:7 ပူးပေါင်းရင်းမြစ်များ

भजन संग्रह 107:6

मोपा श्‍येत जशा, परमप्रभु यावे कली पुंइतेक्‍म। मिनु मेकोमी मेको आन कली आन श्‍येत रे प्रोंइतु।

भजन संग्रह 116:4

मेना गो परमप्रभु यावे आ नें थोशा “परमप्रभु यावे, आं कली ब्रोंइचा गेयीनी” दे पुंइता।

भजन संग्रह 120:1

गो श्‍येत जङानु, परमप्रभु यावे कली पुंइनुङ। मिनु मेकोमी आं लोव़ लेप्‍ब।

भजन संग्रह 18:6

गो श्‍येत जङानु, परमप्रभु यावे कली “वारच पने” दे आं परमप्रभु कली ठेयब सेंदा पा पुंइता। मिनु परमप्रभु आ बाक्‍तीकेम बाक्‍शा, आं सेंदा नेंतु। आं पुंइशो लोव़ रुप्‍तु।

भजन संग्रह 27:4

गो परमप्रभु यावे नु लोव़ का पुंइनुङ। मिनु मेको माल्‍ना माल्‍न बाक्‍नुङ। मेको मार बाक्‍ब देंशा हना “गो मबेक्‍ङा सम्‍म परमप्रभु यावे आ बाक्‍तीकेमी बाक्‍शा, परमप्रभु यावे आ रिम्‍शो पतीके तचा नु आ खिंम मेको कली माल्‍शा तुइक्‍चा दाक्‍नुङ। भजन संग्रह २६:८; भजन संग्रह ४२:५; भजन संग्रह ६३:३; भजन संग्रह ८४:४,५,११

भजन संग्रह 34:6

एको श्‍येत जाइबम पुंइतु। मिनु परमप्रभु यावेमी आ लोव़ नेंशा, आ श्‍येत रे प्रोंइतु।

प्रस्‍थान 3:7

मिनु परमप्रभु यावेमी “गो इजीप्‍त रागीमी बाक्‍शो आं मुर आन श्‍येत ताता। मेको आन कली गेय पपाइक्‍ब आन पर्बम ङाक्‍नीमी। गो आन ङाक्‍शो नेंता, ताता। गो आन श्‍येत जशो तुइक्‍ताक्‍ङ। प्रस्‍थान २:२३

योना 2:4

गोमी ‘इन क्‍येङा ङोन दुम्‍शा, इन योव़शो खिं मुल गेनायो मताइनुङ’ दे मिम्‍ताक्‍ङ। भजन संग्रह ३१:२२

योना 2:7

आं थुं लुक्‍च लशा, गो परमप्रभु यावे, इन कली मिम्‍शा, इन कली लोव़ पाता। मिनु इन बाक्‍तीके रे आं लोव़ नेंतीनी। भजन संग्रह १४२:२-४

हबकुक 2:20

मिनु परमप्रभु यावे आंम आ बाक्‍तीकेमी बाक्‍ब। रागी नेल्‍ल मेको आ ङोंइती मान पा सिक्‍सी पवल” देंत। भजन संग्रह ११:११; भजन संग्रह ७६:९; जकरिया २:१७; प्रेरित ८:३

लूका 22:44

मिनु लेंशा आ थुं खाइश्‍शा पुना बाक्‍त। आ थुं खाइश्‍शा पुनानु, आ पस्‍ना हुश खोदेंशो दुम्‍शा खपीम दोक्‍माक्‍त।

हिब्रू 5:7

येसु मुर दुम्‍शा, रागीम बाक्‍मेनु, प्रेक्‍कु तोक्‍शा गोंगों पा ङाक्‍शा आ कली बेक्‍शो रे सेंब कली पुना बाक्‍त। परमप्रभु यावे कली मान पा हिंशा, मुर आन पर्बम पुना बाक्‍त। मिनु आ पुंइशो तवा बाक्‍त। मत्ती २६:३९-४६

याकूब 5:4

इन रूम गेय पाइब आन गाल्‍च मुल सम्‍म जोल पा मगेनी। मेको खेत्‍ला आन कली मगेशो गाल्‍चम आ मुर नेल्‍ल आन परमप्रभु यावे नु लोव़ पाप्‍तु। मिनु मेकोमी मेको खेत्‍ला आन पुंइशो लोव़ नेंने थुम्‍तु। ब्‍‍यवस्‍था २४:१४-१५