२ सामुएल 22:43 - Sunuwar Bible

⁴³ गो मेको नेल्‍ल आन कली रागी ङा फुरक खोदेंशो पा फस पोक्‍तामी। गो मेको आन कली लां ङा हिलो खोदेंशो पा दिम्‍ताक्‍ङमी।

२ सामुएल 22:43 ပူးပေါင်းရင်းမြစ်များ

२ सामुएल 7:9

गे ते ते गाक्‍ङे, मेक मेक गो गे नु बाक्‍ती। गो इ जोरी सत्रु नेल्‍ल आन कली इ ङोंइती रे खेर‍तामी। गो इ नें रागी ङा ठेयब मुर आन नें खोदेंशो पा ठेयब सेल्‍नुङ।

२ राजा 13:7

येहो-अहाज के ५० जना शारा ङोइक्‍ब, १० ओटा बग्‍गी नु १० हजार खोइलीम गाक्‍ब लडाइ पाइब ङा लाक्‍शा अर्को मारेइ मलीशो बाक्‍माक्‍त। मारदे हना अरु आन कली अराम ङा पिपम साइश्‍शा, खप ङा फुरक खोदेंशो सेल्‍शो बाक्‍माक्‍त।

भजन संग्रह 18:42

मिनु गो मेको आन कली फशेम बेरपाइश्‍शो फुरक खोदेंशो पा फस सेल्‍तामी। गो मेको आन कली लां ङा ग्रांग्रा खोदेंशो पा ताइक्‍‍ताक्‍ङमी।

भजन संग्रह 35:5

मेकोपुकी फशेम योल्‍शो भूस खोदेंशो दुम्‍मल। मिनु परमप्रभु यावे आ स्‍वर्ग ङा गेय पाइबमी मेको आन कली खेदा पस ङा पस पवल।

यसैया 10:6

गो अस्‍सुर कली आं कली मटीब रागी कली लडाइ पथ सोइक्‍नुङ। अस्‍सुर कली आं कली गाइक्‍पाइक्‍ब मुर नु सोइक्‍नुङ। मारेइ मारेइ रोइक्‍पाइक्‍चा कली सोइक्‍नुङ। मिनु मेको आन कली लांम दिम्‍पाइक्‍चा कली सोइक्‍नुङ।

यसैया 26:15

तन्‍न गे रागी ङा मुर आन कली सोपाइश्‍शा बोपाइश्‍शा शुश सेल्‍तीनी। गे मान ताइब बाक्‍नीनी। गे मेको रागी कली ठेयब सेल्‍तीनी।

यसैया 41:2

सुमी पूर्ब रे आ गेय पचा कली ग्राब का कली पोक्‍गा? मेकोमी रागी रागी ङा मुर आन कली आ गुइम गेब। मेकोमी पिप आन कली दिम्‍शा, आ तरवारम मेको आन कली फुरक खोदेंशो सेल्‍ब। आ लिब्रामी फशेम बेरशो भूस खोदेंशो सेल्‍ब। यसैया ४४:२८; यसैया ४५:१,१३; यसैया ४८:१४-१५

यसैया 41:25

गो उत्तर रे का कली ब्रेत्‍ताक्‍ङ। मिनु मेको जाक्‍त। नां दाप्‍तीके रे आं नेंमी लोव़ पाइब ब्रेत्‍ताक्‍ङ। मेकोम ठेयब मुर आन तारी खप दिम्‍शो खोदेंशो पा दिम्‍ब। खप के ग्‍योंब सेल्‍बम दोदेंशो पा खप नीबा, मोदेंशो पा मेको आन कली नीब।

दानीएल 2:35

मिनु मेको फलाम, खप, कांसा, चांदी नु सुन नेल्‍ल ब्रोल चिल दुम्‍तेक्‍म। मिनु फशेमी खला ङा भूस हुरशा लाइश्‍शो खोदेंशो पा मारेइ मवोइक्‍थु, ग्‍यौ फिक्‍शा योल्‍ताक्‍व। मिनु मेको मूर्ति कली ख्रशो फुल्‍लु बारना बारन लशा, ठेयब डांडा दुम्‍शा, रागी नेल्‍ल ब्रीत।

मीका 7:10

मेना आं जोरी सत्रुम मेको ताइनीम। मिनु मुने दोक्‍नीम। मारदे हना मेकोपुकीमी ङोंइती ‘परमप्रभु यावे, इ परमप्रभु ते बाक्‍‍म?’ देंशो बाक्‍तेक्‍म। गो मेको आन खतम दुम्‍शो ताइनुङ। मुल यो मेकोपुकी लां ङा हिलो खोदेंशो पा दिम्‍चा पुंइसीशो बाक्‍नीम। भजन संग्रह ७९:१०

जकरिया 10:5

मिनु मेको नेल्‍ल लडाइम बाक्‍शो लडाइ पाइब खोदेंशो बाक्‍नीम। मेकोपुकीम आन जोरी सत्रु लां ङा हिलोम खोल्‍शा दिम्‍नीम। परमप्रभु यावे मेकोपुकी नु बाक्‍तीके मेकोपुकीमी लडाइ पाइनीम। शारा ङोइक्‍ब आन कली मुने तोक्‍नीम।

जकरिया 2:6

परमप्रभु यावेमी “जाक्‍कीन जाक्‍कीन, उत्तर ङा रागी रे प्रोक्‍शा जाक्‍कीन। मारदे हना गो इन कली एर ओंथ ङा फशेमी खोदेंशो पा फ्राता” दे परमप्रभु यावेमी देंत।

मलाकी 4:1

मुर नेल्‍ल आन परमप्रभु यावेमी “आं निसाफ पतीक नाक्‍ती जाक्‍ब। मेको ठेयब मी खोदेंशो पा ब्रशो बाक्‍ब। मेना ठेयब लेश्‍शो नु मरिम्‍शो पाइब नेल्‍ल सोव़शो ठुटा खोदेंशो बाक्‍नीम। मेको नाक्‍ती मीम मेको आन कली नेक्‍ब। मिनु मेको आन शाक्‍श नु राशी यो मलीब।

लूका 21:24

कोइ तरवारम बेक्‍नीमी। कोइ ग्‍याइश्‍शा अर्को रागीम लाइक्‍चा पुंइसीनीम। मिनु आन नाक्‍त मजाक्‍दीम सम्‍म अर्को जात ङा मुरपुकीमी यरूसलेम कली दिप्‍‍शा वोइक्‍नीम। यसैया ६३:१८; प्रकाश ११:२; रोमी ११:२५

ब्‍यवस्‍था 32:26

गो मेको आन कली ङोन ङोन सम्‍म ब्रापाइक्‍नुङ। गो मेको आन कली मुर आन दातेम ममिम्पाइक्‍नुङ।