२ सामुएल 22:31 - Sunuwar Bible

³¹ परमप्रभु आ लां ठीक बाक्‍ब। परमप्रभु यावे आ थोशा पशो लोव़ थमा बाक्‍ब। मेको आ बाक्‍तीकेम ख्रुंइसीब आन कली तेक्‍तीक बाक्‍ब।

२ सामुएल 22:31 ပူးပေါင်းရင်းမြစ်များ

२ सामुएल 22:3

आं परमप्रभु आं सेरथे फुल्‍लु आं ख्रुइक्‍तीके बाक्‍ब। मेको आं तेक्‍तीक नु आं ब्रोंइतीक बाक्‍ब। मेको आं बोल्‍यो दरवार नु आं फाम्‍सीतीक बाक्‍ब। मेको आं कली हुश ख्राक्‍श पोक्‍तीके रे प्रोंइब बाक्‍ब।

नेहेम्‍याह 9:8

मिनु मेको आ थुं इन कली मप्रोंइब, ठीक पाइब बाक्‍ब, दे तुइश्‍शा, मेको नु कबल का पाइतीनी। मार कबल पाइतीनी देंशा हना, मेको कली कनानी, हित्ती, एमोरी, परिज्‍जी, यबुसी नु गिरगाशी आन रागी आ चच युइ आन कली गेनुङ, दे कबल पाइतीनी। मिनु गे इन कबल खाप्‍तीनी। मारदे हना गे ठीक पाइब बाक्‍नीनी। उत्‍पत्ती १५:१८-२१

अय्‍युब 34:10

मोपतीके मारेइ मारेइ तुइक्‍ब मुरपुकी आं लोव़ नेनीन। परमप्रभुम गेनायो मरिम्‍शो मपाइब। नेल्‍ल क्‍येङा ठेयब सक्ति पाइश्‍शोमी गेनायो दूली मपाइब। अय्‍युब ८:३; ब्‍यवस्‍था ३२:४; २इतिहास १९:७

भजन संग्रह 119:140

इन थोक्‍शा पशो लोव़ शुश रिम्‍शो बाक्‍ब। मिनु गो, इन गेय पाइबमी मेको दाक्‍नुङ।

भजन संग्रह 12:6

परमप्रभु यावे आ लोव़ थमा बाक्‍ब। मेको ७ खेयप यपाइश्‍शो क्‍येख चांदी खोदेंशो बाक्‍ब।

भजन संग्रह 145:17

परमप्रभु यावे नेल्‍ल ठीक पाइब बाक्‍ब। मिनु आ गेय नेल्‍ले शिशीम पाइब।

भजन संग्रह 18:30

परमप्रभु आ लां ठीक बाक्‍ब। परमप्रभु यावे आ लोव़ क्‍येख सुन खोदेंशो बाक्‍ब। सु सु मेको कली जिम्‍मा गेंसीनीमी, मेको आन कली तेक्‍तीक बाक्‍ब।

भजन संग्रह 2:7

परमप्रभु यावेमी लोव़ पा आं कली “गे आं तौ नवे, मुलाक्‍ती गो इ कली सेल्‍ता” देंत। भजन संग्रह ८९:२७-२८; २सामुएल ७:१४; प्रेरित १३:३३; हिब्रू १:५, हिब्रू १:५; हिब्रू ५:५

भजन संग्रह 35:2

ठेयब तेक्‍तीक नु या शेशा, आं कली वारच पथ बोक्‍कीन।

भजन संग्रह 84:9

परमप्रभु, आंइ कली कोव़ब कली कोव़ङीन। इन आंइ कली गेशो पिप कली कोव़ङीन।

भजन संग्रह 91:4

मेकोमी इ कली आ फ्रांमी फाप्‍ब। मिनु गे मेको आ फ्रां आगामी ख्रुइश्‍शा बाक्‍नेवे। मेको आ दाक्‍शा गेनायो मप्रोंइतीके इ तेक्‍तीक नु गारो दुम्‍ब।

हितोपदेस 30:5

परमप्रभु आ लोव़ नेल्‍ल थमा बाक्‍ब। सु मेकेर लशा ख्रुंइसीबा, मेको कली श्‍येत रे तेक्‍ब। भजन संग्रह १२:७

उपदेसक 3:14

परमप्रभुमी मार पाइबा, मेको गेना हना यो लीब, दे गो तुइश्‍शो बाक्‍नुङ। मेकेर मारेइ तेम्‍ने नु ग्रुंइने मचाम्‍सीब। मुर नेल्‍लेमी परमप्रभु कली हिंशा मान पामेक्‍ल, दे मोदेंशो पाप्‍तु।

दानीएल 4:34

मिनु पिपमी “मेको देंशो नेल्‍ल जाक्‍दीम नोले, गो आं पिया पोक्‍शा सरीङ गे कोव़ता। मिनु आं निप्‍स लेंशा रिम्‍शो दुम्‍त। मिनु गो नेल्‍ल क्‍येङा ठेयब नु गेना हना यो ब्रोंइशा बाक्‍ब परमप्रभु कली ठेयब सेल्‍शा, मान पाता। मेको आ सासन पतीके गेना हना यो लीब। मेको आ राज्‍य पाला पाला सम्‍म लीब। दानीएल ३:३३

दानीएल 4:37

मुल गो, नेबुकदनेसरमी ‘स्‍वर्ग ङा पिप ठेयब बाक्‍ब’ दे मान पाइनुङ। मारदे हना आ पशो नेल्‍ल थमा बाक्‍ब। आ पतीके नेल्‍ल ठीक बाक्‍नीम। मेकोमी ठेयब लेश्‍शो मुर आन कली ब्रेम्‍शो सेल्‍ने चाप्‍ब” दे पिपमी देंत। लूका १:५१; लूका १८:१४

मत्ती 5:48

मोपतीके दोपा इन स्‍वर्ग ङा आफोमी रिम्‍शो पाइबा, मोपा गे यो रिम्‍शो पने। लेवी १९:२

ब्‍यवस्‍था 32:4

मेको सेरथे फुल्‍लु बाक्‍ब। मेको आ गेय नेल्‍ल क्‍येङा रिम्‍शो बाक्‍ब। आ लां नेल्‍ले ठीक बाक्‍नीम। मारदे हना मेको आ देंशो पाइब परमप्रभु बाक्‍ब। जोल मपाइब, कुल मकोव़ब नु ठीक पाइब बाक्‍ब।

प्रकाश 15:3

मिनु परमप्रभु यावे आ वाइल मोसा नु पाठा आ कुम्‍सो पाम्‍तेक्‍म। मिनु मेको कुम्‍सोम मार लोव़ बाक्‍त देंशा हना “परमप्रभु यावे, गे नेल्‍ल सक्ति पाइश्‍शो परमप्रभु बाक्‍नीनी। इन गेय ठेयब नु छक लाक्‍चा बाक्‍नीमी। गे इन लां नेल्‍ल ठीक नु थमा बाक्‍नीमी। गे गेना हना यो पिप बाक्‍नीनी। प्रस्‍थान १५:१,११; येरमीया १०:६-७; ब्‍यवस्‍था ३२:४; भजन संग्रह १४५:१७