२ सामुएल 21:7 - Sunuwar Bible

⁷ तन्‍न पिपमी परमप्रभु यावे आ नेंम नु सावल आ तौ योनाथन नु कसम जतीके सावल आ चच योनाथन आ तौ मेफी-बोशेथ कली प्रोंइशा वोदा बाक्‍त। १सामुएल २०:१५-१७;

२ सामुएल 21:7 ပူးပေါင်းရင်းမြစ်များ

२ सामुएल 16:4

मिनु पिपमी सीबा कली “मुल मेफी-बोशेथ आ मारेइ मारेइ इ के दुम्‍‍ब” दे मदा बाक्‍त। मिनु सीबामी “आं प्रभु पिप, गो इन वाइल का नङ। इन ङोंइती शिशी तङल” देंमाक्‍त। १राजा २:८-९; प्रस्‍थान २२:२७

२ सामुएल 19:25

मेको पिप कली ग्रुम्‍थ यरूसलेम रे जाक्‍मेनु, पिपमी मेको कली “मेफी-बोशेथ गे मारदे गो नु मगाक्‍ङे?” दे मदा बाक्‍त।

२ सामुएल 4:4

मिनु सावल आ तौ योनाथन के यो तौ का बाक्‍माक्‍त। मेको खोइल निम्‍फा मदुक्‍ब बाक्‍माक्‍त। मेको ५ बर्स दुम्‍मेनु, सावल नु योनाथन बेक्‍ताक्‍स देंशो लोव़ येज्रेल रे नेंसे बाक्‍त। मेको लोव़ नेंशा आ खाल पाइ‍ब मीश मुरुमी मेको कली कुरशा प्रोक्‍मेनु, थिश्‍शा मेको आल आ खोइल मदुक्‍ब दुम्‍शो बाक्‍माक्‍त। मेको आ नें मेफी-बोशेथ बाक्‍माक्‍त।मेफी-बोशेथ आ नें मेरीब-बाल नु इश-बोशेथ देंनीम। २सामुएल ९:३; १इतिहास ८:३४; १इतिहास ९:४०

२ सामुएल 9:1

मिनु दाऊदमी “मार, सावल आ खिं ङा मुर सुइ ब्रोंइशो बाक्‍नीमी? मेको आन कली गो योनाथन आ पर्बम शिशी पाइक्‍ने चाप्‍नुङा?” दे हिल्‍लो पवा बाक्‍त।

२ सामुएल 9:10

गे, इ तौपुकी नु इ गेय पाइब नेल्‍लेमी मेको आ रूम गेय पचा माल्‍नीनी। मिनु गे इ होव़प आ चच आ खिं ङा मुर आन कली गेचा माल्‍नेवे। तन्‍न इ होव़प आ चच मेफी-बोशेथ गेना हना यो गो नु काथा बाक्‍शा जाइ‍ब” दे मदा बाक्‍त। सीबा के १५ जना तौ नु २० जना गेय पाइब बाक्‍मा बाक्‍त।

२ सामुएल 9:6

मिनु योनाथन आ तौ सावल आ चच मेफी-बोशेथ दाऊद आ बाक्‍तीके जाक्‍माक्‍त। मिनु मेकोमी खुम्‍की पा बाप्‍शा पिप कली सेउ पवा बाक्‍त। मिनु दाऊदम मेको कली “मेफी-बोशेथ” देंमाक्‍त। मिनु मेफी-बोशेथमी “गो इन गेय पाइब एक बाक्‍ती” देंमाक्‍त।

२ सामुएल 9:7

मिनु दाऊदम मेको कली “महिंनो, गो इ कली इ आफ योनाथन आ पर्बम शिशी पाइक्‍नुङ। गो इ कली इ बाजे सावल आ रू नेल्‍ल लेश्‍शा गेन‍न। मिनु गे गेना हना यो गो नु बाक्‍शा जाइ‍नेवे” देंमाक्‍त।

उपदेसक 8:2

पिप आ देंशो टिवो। मारदे हना गे परमप्रभु आ ङोंइती कसम जाप्‍तीवी।

१ सामुएल 18:3

मिनु योनाथन नु दाऊद आस थुं रेन थमा पा वारच बु दुम्‍सा बाक्‍त। मारदे हना मेको निक्‍शी काम अर्को कली आंम कली खोदेंशो पा दाक्‍मुसा बाक्‍त। मिनु कबल का पाम्‍से बाक्‍त। १सामुएल २३:१८; २सामुएल २१:७; १सामुएल १९:१; १सामुएल २०:१७; २सामुएल १:२६

१ सामुएल 20:12

मिनु योनाथनम दाऊद कली “गो इन कली, परमप्रभु यावे, इस्राएली आन परमप्रभु आ ङोंइती एको लोव़ पाइनुङ। दीसा कि नित्‍थ नाक्‍त आं आफ आ थुं थामु नोले मेकोम इन पर्बम रिम्‍शो मिम्‍शो बाक्‍त हना, गो इन कली तुइक्‍पाइक्‍नुङ।

१ सामुएल 20:15

परमप्रभु यावेम रागी रे दाऊद आ जोरी सत्रु नेल्‍ल क्‍याम्‍ताक्‍व हना यो, गे इन गेना हना यो दाक्‍तीक आं खिं ङा मुर आन रे मक्‍याम्‍दीन” दे योनाथनमी दाऊद कली देंमाक्‍त।

१ सामुएल 20:17

मेको नु दाक्‍मुशो आ पर्बम योनाथनमी दाऊद नु कसम जवा बाक्‍त। मारदे हना, मेकोम मेको कली आंम कली खोदेंशो पा दाक्‍बाक्‍माक्‍त।

१ सामुएल 20:42

मिनु योनाथनम दाऊद कली “रिम्‍शो पा लावो। गे नु गो परमप्रभु यावे आ नेंमी कसम जशा, परमप्रभु यावे गे नु गो इस दातेमी बाक्‍ल। मेको इ चच युइ नु आं चच युइ आन दातेमी गेना हना यो बाक्‍ल” देंमाक्‍त। मिनु दाऊद बोक्‍शा लमाक्‍त। योनाथन चहिं सहर लेम्‍माक्‍त।

१ सामुएल 20:8

मोपतीके गे इन गेय पाइब, गो नु थमा सुइक्‍चा ङा गेय पने। मारदे हना गे नु गो परमप्रभु यावे आ ङोंइती कबल का पशो बाक्‍नस। गो दोस ताइब बाक्‍ती हना, गे आं कली साइय्‍यीनी। इन आफ बाक्‍तीकेमी मलाइय्‍यीनी” देंमाक्‍त। १सामुएल १८:३

१ सामुएल 23:18

मिनु नोले मेको निक्‍शीमी परमप्रभु यावे आ ङोंइती कबल पाम्‍से बाक्‍त। मिनु दाऊद होरेशम बाक्‍माक्‍त। योनाथन चहिं आ खिं लेम्‍माक्‍त। १सामुएल १८:३

१ सामुएल 24:22

मिनु दाऊदमी सावल नु कसम जवा बाक्‍त। मिनु सावल आ खिं लेम्‍माक्‍त। दाऊद नु आ मुरपुकी चहिं आन बोल्‍यो ख्रुइश्‍शा बाक्‍तीक पुक्‍खीम लेम्‍मा बाक्‍त।