२ सामुएल 21:18 - Sunuwar Bible

¹⁸ मिनु नोले लेंशा, गोब सहरम पलिस्‍तीपुकी नु लडाइ दुम्‍माक्‍त। मेना हुशा ङा मुर सिब्‍बेकैम साफ माइश्‍‍शो रेफाइ आ मुर कली सदा बाक्‍त। रेफा थम लाइश्‍शो रेफाइ माइश्‍शो मुर आन किकी पिपी बाक्‍शो बाक्‍त।

२ सामुएल 21:18 ပူးပေါင်းရင်းမြစ်များ

२ सामुएल 21:16

इश्‍बी-बेनोब रेफाइम आ बोल्‍यो लाइश्‍शो मुर का बाक्‍माक्‍त। मेको आ तूतीके सहे सां शेकेल कांसा के बाक्‍माक्‍त। मिनु नक या का यो पिम्‍सीशो बाक्‍माक्‍त। मेकोमी “दाऊद कली साइक्‍नुङ” देंमाक्‍त। शेकेल का ११.५ ग्राम बाक्‍ब। ३०० शेकेल ३ किलो आधा बाक्‍ब।

२ सामुएल 21:20

मिनु नोले लेंशा गाथ सहरम लडाइ दुम्‍माक्‍त। मेकेर यो ठेयब लाइश्‍शो मुर का बाक्‍माक्‍त। मेको आ गुइ नु खोइलीम ६, ६ ओटा अम्‍ला, नेल्‍ल पा २४ ओटा अम्‍ला पाइश्‍शो रेफाइ आन मुर बाक्‍माक्‍त।

२ सामुएल 21:22

मेको ४ जना मुर गाथम बाक्‍ब रेफाइ आन दाते ङा बाक्‍मा बाक्‍त। मेको नेल्‍ल दाऊद नु आ मुर आन गुइ रे बेक्‍मा बाक्‍त।

१ इतिहास 11:29

हुशा ङा मुर सिब्‍बेकै, अहोही आ मुर इलाइ,

१ इतिहास 27:11

मेको आ नोले ङा महिना ङा हुल आन कप्‍तान जेराह ङा हुशा ङा मुर सिब्‍बेकै बाक्‍माक्‍त। मेको आ हुलम १४ हजार मुर बाक्‍मा बाक्‍त। १इतिहास ११:२९; १इतिहास २०:४