२ सामुएल 21:17 - Sunuwar Bible

¹⁷ मेना सेरूयाह आ तौ अबीशै दाऊद कली वारच पाइक्‍थ जाक्‍शा, मेको पलिस्‍ती कली सदा बाक्‍त। मेना दाऊद आ लडाइ पाइबपुकीमी “मुल रे गे गो नु लडाइमी मगाक्‍कीन। मारदे हना गे इस्राएल ङा छेङछेङन ननी। मेको मकाप्‍ल” दे कसम जामे बाक्‍त। २सामुएल २३:१८; २सामुएल २२:२९

२ सामुएल 21:17 ပူးပေါင်းရင်းမြစ်များ

२ सामुएल 14:7

मुल आ थर ङा मुर नेल्‍लेमी, इन वाइलीम कली ‘आ लोक्‍ब साइक्‍ब कली आंइ गुइम गेने। मिनु गो मेको कली साइक्‍नीकी। मारदे हना आ लोक्‍ब कली साइक्‍तु। गो इ अङस ताइब सुइ मबाक्‍त हना यो, गो मेको कली साइक्‍नीक’ देंतेक्‍म। मेकोपुकीम मो पाम्‍तेक्‍म हना, आं लीशो मी यो काप्‍नीम। मिनु आं वोंइश आ नें नु चच युइ यो रागी रे क्‍याम्‍सीनीम” दें‍माक्‍त। ब्‍यवस्‍था १९:११-१३

२ सामुएल 18:2

मिनु नोले दाऊदमी आ लडाइ पाइ‍ब आन कली भाग सां सेल्‍मी बाक्‍त। भाग का योआब आ हुकुममी, भाग का सेरूयाह आ तौ अबीशै योआब आ लोक्‍ब आ हुकुममी नु भाग का गित्त आ खिं ङा मुर इत्‍ताइ आ हुकुममी गेमी बाक्‍त। मिनु पिपमी “गो यो गेपुकी नु लडाइम लाइ‍नुङ” देंमाक्‍त। २सामुएल १५:१९

२ सामुएल 18:3

तन्‍न मेकोपुकीमी “ममाइ, गे चहिं मलने। ब्रुशा प्रोक्‍चा माल्‍ताक्‍क हना, आंइ कली सुइम मतुइक्‍नीम। गो उइक्‍थ बेक्‍तक हना यो, मेकोपुकीम आंइ कली मकोव़नीम। तन्‍न गे आंइ १० हजार खोदेंशो बाक्‍नीनी। मोपतीके गे सहरम बाक्‍शा, आंइ कली वारच पाइतीनी हना, रिम्‍शो दुम्‍ब” देंमा बाक्‍त।

२ सामुएल 22:19

मेकोपुकीमी गो हिंचा ङा श्‍येत जङा ना आं कली लडाइ तोम्‍तेक्‍म। तन्‍न परमप्रभु यावेमी आं कली तिक्‍ती।

२ सामुएल 22:29

परमप्रभु यावे गे थमा पा आं बत्ती खोदेंशो बाक्‍नीनी। परमप्रभु यावेमी आं कली छिङछिङमी छेङछेङ दुम्‍पाइक्‍ब।

१ राजा 11:36

थर का चहिं गो मेको आ तौ कली गेनुङ। मोपा आं योव़शा बाक्‍शो सहर यरूसलेमम आं गेय पाइब दाऊद आ मुर का लीमल। १राजा १५:४; २राजा ८:१९

१ राजा 15:4

मो हना यो परमप्रभु यावे, मेको आ परमप्रभुमी दाऊद आ पर्बम अबीयाम आ पा ङा पिप दुम्‍पाइक्‍चा कली तौ का गेवा बाक्‍त। मोपा यरूसलेम बोल्‍यो सेला बाक्‍‍त। १राजा ११:३६

भजन संग्रह 132:17

गो मेकेर दाऊद आ खिं ङा मुर आन मान बारपाइक्‍नुङ। आं तेल लुक्‍शो मुर कली रिम्‍शो तौ का गेता। १सामुएल २:१०; १राजा ११:३६

भजन संग्रह 144:10

गे पिप आन कली ग्रापाइक्‍नीनी। गे इन गेय पाइब दाऊद कली बेक्‍चा रे प्रोंइतीनी।

भजन संग्रह 46:1

परमप्रभु आंइ ख्रुइश्‍शा बाक्‍तीके नु आंइ सक्ति बाक्‍ब। गो श्‍येत जकानु, गेना हना यो आंइ नेक्‍था बाक्‍शा वारच पाइब बाक्‍ब।

येरमीया 40:15

मिनु कारेआह आ तौ योहानानम मिस्पाम गेदाल्‍याह कली “सुइम मतुइक्‍चा ङा पा नेथन्‍याह आ तौ इश्‍माएल कली साइक्‍चा कली आं कली हुकुम गेयीनी। एको लोव़ सुइम मतुइक्‍नीम। इन एर ओंथ नेल्‍ल देल्‍शो यहूदी आन कली ब्रपाइक्‍चा कली नु यहूदामी लीशो आन कली साइक्‍चा कली मेकोमी मारदे इन कली साइक्‍चा मला?” देंत।

यूहन्‍ना 5:35

यूहन्‍ना छेङछेङ पा ब्रशो बत्ती खोदेंशो बाक्‍त। गे मेको आ हाम्‍सोमी ग्‍येरशा बाक्‍चा दाक्‍ताक्‍नी।