२ सामुएल 21:12 - Sunuwar Bible

¹² मेकोमी सावल नु आ तौ योनाथन आस रुश याबेश-गिलाद ङा मुर आन गुइ रे चाक्‍गा बाक्‍त। मेकोपुकीम सावल नु योनाथन आस बेक्‍शो रां बेथ-शान सहर ङा चोक रे लदमे बाक्‍त। पलिस्‍तीपुकीमी मेको आस कली गिल्‍बोआम साइश्‍शा, नोले मेकेर क्‍युक्‍शो बाक्‍मा बाक्‍त। १सामुएल ३१:१२

२ सामुएल 21:12 ပူးပေါင်းရင်းမြစ်များ

२ सामुएल 1:21

गिल्‍बोआ नें पाइश्‍शो डांडा, इ तार सीत नु रेउ मयिल। अन्‍न ग्रेल्‍ब रू मबाक्‍ल। मारदे हना सक्ति पाइश्‍शो आ तेक्‍तीक ग्रांग्रा दिशो सेल्‍तेक्‍म। सावल आ तेक्‍तीक कली मुल रे तेल मख्रेक्‍नीम।

२ सामुएल 1:6

मिनु मेको ठिटामी “गो गिल्‍बोआ डांडाम बाक्‍शो नङ। मेकेर सावल कली आ तूतीक तिक्‍शा राप्‍शा बाक्‍शो ताता। बग्‍गी ङोइक्‍ब नु शारा ङोइक्‍बपुकीम मेको कली थित्‍चा चिक्‍ताक्‍म। १सामुएल ३१:१-३

२ सामुएल 2:4

मिनु यहूदा ङा मुरपुकी जाक्‍शा, दाऊद कली तेल लुक्‍शा, आन पिप सेल्‍मे बाक्‍त। मिनु मुरपुकीमी दाऊद कली “याबेश-गिलाद ङा मुरपुकीम सावल कली थिम्‍तेक्‍म” दे नेंपदमे बाक्‍त। २सामुएल ५:३; १सामुएल १६:१३; १सामुएल ३१:११-१३

२ सामुएल 21:11

मिनु दाऊदमी सावल आ नोले चाक्‍शो मीश आइयाह आ तमी रिस्‍‍पाह आ पशो नेंशा,

२ सामुएल 21:13

मेकोम मेकेर रे सावल नु योनाथन आस रुश चाक्‍गा बाक्‍त। मिनु मेको रिस्‍पाह आ तौ आन रुश यो खुप्‍तमे बाक्‍त।

१ इतिहास 10:1

पलिस्‍तीपुकीम इस्राएल नु लडाइ पामे बाक्‍त। मिनु इस्राएल ङा मुर पलिस्‍ती आन ङोंइती रे प्रोक्‍मा बाक्‍त। मिनु गिल्‍बोआ डांडाम साइक्‍चा पुंइसामा बाक्‍त।

१ इतिहास 10:12

बोल्‍यो लडाइ पाइब नेल्‍ले बोक्‍शा, सावल नु आ तौ आन रां ब्रथ लमा बाक्‍त। मिनु मेकोपुकीम मेको आन रां याबेश सहर चाक्‍गमे बाक्‍त। मिनु याबेश ङा मुरपुकीमी मेको आन कली यावेश ङा ठेयब रवा आ पुंम थिम्‍मे बाक्‍त। मिनु ७ नाक्‍त सम्‍म माइजा बाक्‍मा बाक्‍त। २सामुएल २:४-५

१ इतिहास 10:8

मिनु आ दीसा पलिस्‍तीपुकी बेक्‍शो मुर आन मार मार गुप्‍थ जाक्‍शा, सावल नु आ तौ आन कली गिल्‍बोआ डांडाम बेक्‍शो थित्‍मे बाक्‍त।

यहोसु 17:11

इस्‍साकार नु आशेर आस रागी आस दातेमी मनस्‍से आ सहर नु गाउं का निक्‍शी यो बाक्‍तेक्‍म। मेको तेको तेको बाक्‍तेक्‍म देंशा हना, बेथ-शेआन, इब्‍लाम नु आ एर ओंथ, एन-डोर, तानाक, मेगीददो नु एर ओंथ ङा गाउंपुकी बाक्‍तेक्‍म। मेको कली डांडा सां यो देंनीम। न्‍यायाधीस १:२७-२८

१ सामुएल 28:4

पलिस्‍तीपुकीमी नेल्‍ल क्‍येङा सक्ति पाइश्‍शो आन लडाइ पाइब आन कली ग्रुम्‍पाइश्‍शा, शुनेम सहरम आन बाक्‍तीक सेल्‍मे बाक्‍त। सावलम इस्राएली नेल्‍ल आन कली ग्रुम्‍पाइश्‍शा गिल्‍बोआम आन बाक्‍तीक सेल्‍शा बाक्‍मा बाक्‍त। यहोसु १९:१८

१ सामुएल 31:1

पलिस्‍ती नु इस्राएली लडाइ पामे बाक्‍त। मिनु इस्राएली पलिस्‍ती आन क्‍येङा ब्रुशा प्रोक्‍मा बाक्‍त। शुश इस्राएली गिल्‍बोआ डांडाम साइक्‍चा पुंइसमा बाक्‍त।

१ सामुएल 31:3

लडाइम सावलमी थाम्‍पा श्‍येत जवा बाक्‍त। मारदे हना लिब्रा आप्‍बम मेको कली ख्रपाइश्‍शा गार सेल्‍मे बाक्‍त।

१ सामुएल 31:4

मिनु मेकोम आ या कुरब कली “इ तरवार शोइश्‍शा आं कली साइय्‍यी। मिनु मेको ख्रोइक्‍तीक चिनु मख्रोइश्‍शोपुकीम आं कली शुक्‍शी पचा मतामेक्‍ल” देंमाक्‍त। तन्‍न मेको या कुरब हिंशा, मबिस्‍से बाक्‍त। मेको नोले सावलमी आ तरवार शोइश्‍शा आंमा थोक्‍सीशा बेक्‍माक्‍त। न्‍यायाधीस ९:५४