२ सामुएल 21:10 - Sunuwar Bible

¹⁰ आइयाह आ तमी रिस्‍‍पाहम रोंगु तारी आंम कली बाक्‍तीक सेल्‍चा कली भाङग्रा ब्रवा बाक्‍त। मिनु क्‍योव़ज ओंइतीक आ ङोंइती ङा नाक्‍त रे रेउ यिचा सम्‍म मेकोमी आ तौ आन बेक्‍शो रां आन कली खाल पवा बाक्‍त। नाक्‍ती आन तार चिक्‍ब जुक्‍चा मगेथु, नाक्‍दो ब्‍वाकी ङा जन्‍तुम ब्‍वचा मगेमी बाक्‍त।

२ सामुएल 21:10 ပူးပေါင်းရင်းမြစ်များ

उत्पत्ती 40:19

सांबु नाक्‍ती फाराओमी इन कली जेल्‍खान रे ग्रुंइपाइश्‍शा, रवाम क्‍याइक्‍पाइक्‍ब। मिनु चिक्‍बीम इन श्‍ये ब्‍वाइनीम। इन तशो ङोमु आ अर्थ एको बाक्‍ब” दे शेंदा बाक्‍त।

२ सामुएल 21:11

मिनु दाऊदमी सावल आ नोले चाक्‍शो मीश आइयाह आ तमी रिस्‍‍पाह आ पशो नेंशा,

२ सामुएल 3:7

मिनु सावल आ कान्‍छी मीश का बाक्‍माक्‍त। मेको आइयाह आ तमी बाक्‍माक्‍त। मेको आ नें रिस्‍पाह बाक्‍माक्‍त। मिनु इश-‍बोशेथम आब्‍नेर कली “गे आं आफ आ कान्‍छी मीश नु मारदे इ‍मे?” दे मदा बाक्‍त।

१ राजा 21:27

मिनु आहाबम मेको लोव़ नेंशा, आ वा खाक्‍गा बाक्‍त। मिनु अरन्‍डी फेक्‍शा माइजा बाक्‍माक्‍त। मेको अरन्‍डी फेक्‍शा आ थुं लुक्‍च लशा इम्‍माक्‍त।

येरमीया 14:22

रागी रागी ङा मुर आन देवी देवता आन दाते ङा तेकोइमी रेउ यिपाइक्‍ने चाप्‍नीमी ङा? मार, सरीङ आमा रेउ यिपाइक्‍ने चाप्‍बा ङा? मेको पाइब गे परमप्रभु यावे, आंइ परमप्रभु मननी ङा? मोपतीके गो इन कली आस पाइ‍नीकी। मारदे हना गे ला एको नेल्‍ल पने चाप्‍नीनी” देंती।

इजीकीएल 39:4

गे इस्राएल ङा पहाडमीन साइक्‍चा पुंइसीनेवे। इ लडाइ पाइब नेल्‍ल नु गे नु बाक्‍शो मुर नेल्‍ल मेकेर साइक्‍चा पुंइसीनीम। गो इ कली चिक्‍ब नु ब्‍वाकी ङा जन्‍तु आन ब्‍वतीक सेल्‍नुङ।

होसे 6:3

गोपुकी परमप्रभु यावे कली तुइश्‍शा, ठेयब सेल्‍य। मेको कली शुश तुइश्‍शा मान पय। मेको नां दाप्‍शो बुद पा जाक्‍ब। हिंउद ङा रेउ खोदेंशो पा जाक्‍ब। बर्खा ङा रू कली रिम्‍शो पा जिप्‍ब रेउ खोदेंशो पा जाक्‍ब” दे लोव़ पाम्‍तेक्‍म।

योएल 1:18

मिनु बस्‍तु भाव रोंका पाइनीमी। बी ब्‍यफ जोतीक मबाक्‍तीके हिरना हिरन बाक्‍नीम। क्‍यारश भेडा आन हुल यो श्‍येत जशो बाक्‍नीम।

योएल 2:23

गे सियोन ङा मुरपुकी ग्‍येरसीन। गेपुकी परमप्रभु यावे, इन परमप्रभु आ पर्बम शुश ग्‍येरसीन। मारदे हना मेकोमी आ ठीक पतीकेम इन कली ङोंइती ङा रेउ गेशो बाक्‍त। मेकोमी इन कली शुश रेउ गेशो बाक्‍त। ङोंइती नु नोले ङा रेउ ङोंइती खोदेंशो पा गेशो बाक्‍त। येरमीया ५:२४

जकरिया 10:1

परमप्रभु यावे कली नोले ङा रेउ पुनीन। परमप्रभु यावे गोस्‍स नु फश सेल्‍ब बाक्‍ब। मिनु इन कली नु रू नेल्‍ल आन कली रेउ यिपाइक्‍ब।

ब्‍यवस्‍था 11:14

मेना परमप्रभु यावेमी इन कली ‘गो इन रू कली गारचा ङा रेउ गेनुङ। ङोंइती नु नोले ङा रेउ ठीक पा गेनुङ। मोपा इन अन्‍न, इन अङगुर नु तेल रवा आन फल खुप्‍ने चाप्‍नीनी।

ब्‍यवस्‍था 21:13

मिनु नोले मेकोमी आ माइत वा प्रुइश्‍शा नक वा फेक्‍चा माल्‍ब। मेको इन खिंम बाक्‍शा, महिना का सम्‍म आ आंम आफ आन पर्बम रोंका पचा माल्‍ब। मिनु नोले मेको कली ग्‍युंबे पा मेको निक्‍शी मीश वोंइश दुम्‍ने चाप्‍नीम।

ब्‍यवस्‍था 21:22

मिनु मुर कामी बेक्‍चा माल्‍शो सजाइ त‍शा, गेपुकीमी मेको कली रवाम क्‍युक्‍तीनी हना, गन्‍ती २५:४; यहोसु ८:२९; यहोसु १०:२६-२७; १सामुएल ३१:१०; २सामुएल ४:१२; २सामुएल २१:६,९

ब्‍यवस्‍था 21:23

मेको आ लास आ दीसा सुनी सम्‍म रवाम क्‍युक्‍शा, वोइक्‍चा मदुम्‍ब। मेको नाक्‍तीन मेको कली थिम्‍चा माल्‍नीनी। मारदे हना क्‍युक्‍शा साइश्‍शो मुर परमप्रभुम पशो सराप चीले बाक्‍ब। परमप्रभु यावे, इन परमप्रभुमी गेशो रागी कली ग्रांग्रा दिशो मसेलीन। यहोसु ८:१९; यहोसु १०:२७; यूहन्‍ना १९:३१; गलाती ३:१३

१ सामुएल 17:44

मेकोमी “पिवो, गो इ श्‍ये चिक्‍ब नु ब्‍वाकी ङा जन्‍तु आन कली ब्‍वचा गेनुङ” दे मदा बाक्‍त।

१ सामुएल 17:46

मुलाक्‍ती परमप्रभु यावेम इ कली आं गुइम गेब। गो इ कली साइक्‍नन। मिनु इ पिया ख्रोइश्‍शा। इ रां नु पलिस्‍ती आन रां चिक्‍ब नु ब्‍वाकी ङा जन्‍तु आन कली ब्‍वचा गेनुङ। मिनु इस्राएलम परमप्रभु का बाक्‍ब, दे रागी नेल्‍ल ङा मुरुम तुइक्‍नीम।