२ सामुएल 21:1 - Sunuwar Bible

¹ पिप दाऊद आ पालाम बर्स सां सम्‍म अन्‍काल दुम्‍स ङा दुम्‍स पवा बाक्‍त। मिनु दाऊदमी परमप्रभु यावे कली हिल्‍लो पवा बाक्‍त। मिनु परमप्रभु यावेमी “सावल नु आ खिं ङा मुर आन तार हुश आ दोस बाक्‍शो बाक्‍ब। मारदे हना मेकोम गिबोनी आन कली साइक्‍तु” देंमाक्‍त।

२ सामुएल 21:1 ပူးပေါင်းရင်းမြစ်များ

उत्पत्ती 12:10

मिनु मेको रागीम अन्‍काल बाक्‍माक्‍त। मोपतीके मेकेर रे लशा, इजीप्‍त रागीम बाक्‍थ, लमाक्‍त। मारदे हना ठेयब अन्‍काल बाक्‍माक्‍त।

उत्पत्ती 26:1

मिनु नोले रागीमी अन्‍काल दुम्‍माक्‍त। ङोंइती अब्राहाम बाक्‍मेनु यो, अन्‍काल दुम्‍शो बाक्‍माक्‍त। मिनु इसहाक पलिस्‍ती आन पिप अबीमेलेक आ रागी ङा गेरार सहर लमाक्‍त।

उत्पत्ती 41:57

मिनु अर्को रागी ङा मुरपुकी यो इजीप्‍त रागीमी अन्‍न ग्‍याप्‍थ, योसेफ आ ङोंइती जाक्‍मा बाक्‍त। मारदे हना मेको अन्‍कालम रागी नेल्‍ल ग्रोइक्‍माक्‍त।

उत्पत्ती 42:5

मोपा याकूब आ तौपुकी अर्को मुर नु इजीप्‍त अन्‍न ग्‍याप्‍थ जाक्‍दीम्‍मा बाक्‍त। मारदे हना कनान रागीमी यो अन्‍काल दुम्‍माक्‍त।

उत्पत्ती 43:1

मिनु मेको रागीमी अन्‍काल बारना बारन ल‍माक्‍त।

२ सामुएल 16:8

मिनु “परमप्रभु यावेम सावल आ खिं ङा मुर आन हुश आ क्‍येक्‍क लेत्‍ताक्‍वे। गे मेको आ पा ङा सासन पाप्‍तीवी। मिनु परमप्रभु यावेमी एको राज्‍य इ तौ अब्‍सालोम कली गेप्‍तु। मुल गे खतम दुम्‍ते श्‍येत जाइनेवे। मारदे हना गे हुश ख्राक्‍श पोक्‍ब बाक्‍नेवे” देंमाक्‍त।

२ सामुएल 20:26

याइर आ मुर इरा चहिं दाऊद आ चढ़ेब बाक्‍माक्‍त।

२ सामुएल 21:5

मिनु मेकोपुकीम पिप कली “सुम आंइ कली खतम पोक्‍गा, आंइ कली रागी रे क्‍याम्‍दा, मेको कली खतम पोक्‍चा कली आंइ गुइम गेने।

२ सामुएल 24:1

मिनु परमप्रभु यावे इस्राएली आन पर्बम लेंशा गाइक्‍ता बाक्‍त। मिनु मेकोमी दाऊद कली मेको आन पर्बम मरिम्‍शो पपाइक्‍चा कली क्‍युक्‍गा बाक्‍त। मिनु दाऊदमी “इस्राएल नु यहूदा ङा मुर आन कली हिक्‍कीन” देंमाक्‍त।

२ सामुएल 5:19

मिनु दाऊदमी परमप्रभु यावे कली “गो पलिस्‍ती आन कली लडाइ तोतामी हना, गे मेको आन कली आं गुइमी गेनीनी?” दे हिल्‍लो पवा बाक्‍त। मिनु परमप्रभु यावेमी “लावो, गो थमा पा मेको आन कली इ गुइम गेनुङ” देंमाक्‍त। १सामुएल ३०:८

२ सामुएल 5:23

मिनु दाऊदम लेंशा परमप्रभु यावे कली हिल्‍लो पवा बाक्‍त। मिनु परमप्रभु यावेमी “मुल सोजो लडाइ मपावो। हिरशा, ठेयब रवा आ आइक्‍ची हांबु नोले रे लडाइ पावो।

१ राजा 17:1

मिनु गिलाद ङा तिश्‍बे सहर ङा एलीयाम आहाब कली “परमप्रभु यावे, इस्राएली आन परमप्रभु ब्रोंइशा बाक्‍शो खोदेंशो पा, गो मेको आ ङोंइती राप्‍शा गेय पाइनुङ। इस्राएलम रेउ नु सीत मारेइ मयीब” देंमाक्‍त। १राजा ८:३५; लूका ४:२५; याकूब ५:१७; प्रकाश ११:६

१ राजा 18:2

मोपतीके एलीया आहाब कली ग्रुम्‍थ लमाक्‍त। मेना सामरीया सहरम ठेयब अन्‍काल दुम्‍शो बाक्‍माक्‍त।

२ राजा 6:25

मिनु मोपा पुम्‍दमे नोले मेको सहरम थम ठेयब अन्‍काल दुम्‍माक्‍त। मेकेर गधा आ पिया का कली ८० शेकेल चांदी नु काब का ङा ४ भाग, ङा भाग का ढुकुर आन ख्री कली ५ शेकेल चांदी थाप्‍चा माल्‍दा बाक्‍त। शेकेल का ११.५ ग्राम बाक्‍ब। काब का १.२ लिटर खोदेंशो पुक्‍तीके बाक्‍ब। काब ङा ४ भाग ङा भाग का, १/४ लिटर खोदेंशो बाक्‍ब।

२ राजा 8:1

तेको मीश मुर आ तौ कली एलीशाम बेक्‍शो रे सेंशो बाक्‍मे, मेको मीश मुर कली एलीशाम “इ खिं ङा मुर नेल्‍ल मेकेर रे गाक्‍कीन। मिनु इच्‍का नाक्‍ती कली ते दुम्‍बा, मेक लशा बाक्‍कीन। मारदे हना परमप्रभु यावेम एको रागीम ७ बर्स सम्‍म अन्‍काल दुम्‍पाइक्‍ब” दे माइश्‍शो बाक्‍माक्‍त। २राजा ४:३५

अय्‍युब 10:2

गो परमप्रभु कली ‘आं कली सजाइ मगे‍यीनी’ देंनुङ। आं कली मारदे निसाफ पाइनीनी, मेको शेंदीनी।

भजन संग्रह 27:8

परमप्रभु यावे, इन लोव़मी ‘आं कली मालीन’ दे ब्रेक्‍शो खोदेंशो पा, आं थुंमी इन कली माल्‍नुङ। ब्‍यवस्‍था ४:२९

भजन संग्रह 50:15

मिनु श्‍येत जनी नाक्‍त आं कली पुनीन। मिनु गो इन कली श्‍येत रे प्रोंइनन्‍नी। मिनु आं कली ‘गे ठेयब बाक्‍नीनी’ देंनीनी” देंत। भजन संग्रह ९१:१५

भजन संग्रह 91:15

मेकोमी आं कली थोइब। मिनु गो आ लोव़ लेत्‍नुङ। मेको श्‍येत जवानु, गो मेको नु बाक्‍नुङ। मेको कली श्‍येत रे प्रोंइशा, मान ताइब सेल्‍नुङ। भजन संग्रह ५०:१५

लेवी 26:26

मिनु गो इन अन्‍न थमा पा साम्‍पाइक्‍नुङ। १० ओटा खिं ङा मीश मुरुमी चुप्‍लु कामी क्‍येनीम। क्‍येशा पुक्‍शा तेम्‍मेनु, सुइ मरू‍नीम। यसैया ३:१; इजीकीएल ४:१६

गन्‍ती 27:21

मिनु यहोसु चढ़ेब एलाजर आ ङोंइती राप्‍चा माल्‍ब। मिनु एलाजरमी ऊरीम यहोसु आ पर्बम मार देंबा, दे परमप्रभु यावे आ ङोंइती हिल्‍लो पचा माल्‍ब। यहोसु आ देंशोमी इस्राएली नेल्‍ले मेको नु लडाइ पथ लचा नु लेत्‍चा माल्‍नीम” देंत। प्रस्‍थान २८:३०; ब्‍यवस्‍था ३३:८

यहोसु 7:1

मिनु इस्राएलीपुकीमी मटिथु, खतम सेल्‍चा माल्‍शो परमप्रभु यावे आ थोव़क रे खुइ पाम्‍तेक्‍म। यहूदा आ थर ङा जेराह आ युइ, जब्‍दी आ चच, कारमी आ तौ आकानमी मलाइक्‍चा थोव़क रे पा मार मार खुइ पा लदा बाक्‍त। मोपतीके परमप्रभु यावे इस्राएली नेल्‍ल आन कली तशा चुरमाक्‍त। यहोसु ६:१८

यहोसु 9:20

मुल मेको आन कली ब्रोंइचा गेचा माल्‍नीकी। मोदेंशो मपाइतक हना, आंइ जशो कसममी पतीके, गो सराप राइनीक” दे इस्राएली आन कली देंतेक्‍म। गन्‍ती १:५३; २सामुएल २४:१

रूथ 1:1

निसाफ पाइबपुकीमी इस्राएली आन कली हुकुम पची ना, अन्‍काल दुम्‍माक्‍त। मोपतीके यहूदा रागी ङा बेथलेहेम रे मुर का, आ मीश नु आ तौ निक्‍शी लाइश्‍शा, मोआबी आन रागीम बाक्‍थ लमाक्‍त। गन्‍ती २५:१-५; १सामुएल २२:३-४

१ सामुएल 10:22

मिनु मेकोपुकीम परमप्रभु यावे कली “मार, मेको मुर एक बाक्‍बा?” दे हिल्‍लो पामे बाक्‍त। मिनु परमप्रभु यावेमी “मेको मार मार आन दातेमी ख्रुइश्‍शा बाक्‍शो बाक्‍ब” देंमाक्‍त।

१ सामुएल 23:11

मार, कैलाह सहरम बाक्‍ब मुरपुकीमी आं कली मेको आ गुइम गेनीमी? मार आं नेंशो खोदेंशो पा सावल एक जाक्‍बा? परमप्रभु यावे, इस्राएली आन परमप्रभु, इन गेय पाइब कली शेंदीन” देंमाक्‍त। मिनु परमप्रभु यावेम “थमा पा मेको एक जाक्‍ब” देंमाक्‍त।

१ सामुएल 23:2

मिनु दाऊदम परमप्रभु यावे कली “गो लशा पलिस्‍तीपुकी नु लडाइ पङ देय मपङ” दे हिल्‍लो पवा बाक्‍त। मिनु परमप्रभु यावेम “लशा, मेको आन कली लडाइ तोव़मी कैलाह कली प्रोनो” देंमाक्‍त।

१ सामुएल 23:4

मिनु लेंशा दाऊदमी परमप्रभु यावे कली हिल्‍लो पवा बाक्‍त। मिनु परमप्रभु यावेमी “कैलाहम लावो। गो पलिस्‍ती आन कली इन गुइमी गेनुङ” देंमाक्‍त।