२ सामुएल 20:6 - Sunuwar Bible

⁶ मिनु दाऊदमी अबीशै कली “अब्‍सालोम क्‍येङा बिक्री आ तौ शेबामी इं कली शुश श्‍येत गेब। पिप आ गेय पाइब आन कली लाइश्‍शा, मेको कली खेदा पावो। मेको गारो हिरशो सहरम ओव़त हना, इं गुइ रे ब्रोंइब” दे मदा बाक्‍त।

२ सामुएल 20:6 ပူးပေါင်းရင်းမြစ်များ

२ सामुएल 10:14

मिनु अम्‍मोनीपुकीम अराम ङा मुर आन कली प्रोक्‍शो तशा, आं यो अबीशै आ ङोंइती रे प्रोक्‍शा, आन सहर ओव़मा बाक्‍त। मिनु योआब अम्‍मोनी नु लडाइ पचा प्रोंइशा, लेश्‍शा यरूसलेम जाक्‍‍माक्‍त।

२ सामुएल 11:11

मिनु उरीयाहमी “परमप्रभु आ सन्‍दोस, इस्राएल नु यहूदा ङा मुर नेल्‍ल, आं प्रभु योआब नु इन गेय पाइब नेल्‍ल दिंम ङा बाक्‍तीकेम बाक्‍शो बाक्‍नीम। मिनु गो दोपा जचा तूचा नु आं मीश नु इप्‍चा कली खिं लाइक्‍नुङा? गे इन ब्रोंइशा बाक्‍शो खोदेंशो पा, गो मो पने मचाप्‍नुङ” देंमाक्‍त।

२ सामुएल 18:12

मेको मुरुम योआब कली “गे आं कली हजार का टुक्रा चांदी गेतीनी हना यो, गो पिप आ तौ आ पर्बम आं गुइ मक्‍युक्‍नुङ। मारदे हना पिपमी ‘मेको ठिटा अब्‍सालोम कली सुम थिप्‍बा, मेकोमी रिम्‍शो पने’ दे अबीशै, इत्‍ताइ नु इन कली देंशो गो नेल्‍लेम नें‍तक। २सामुएल १८:५

२ सामुएल 18:2

मिनु नोले दाऊदमी आ लडाइ पाइ‍ब आन कली भाग सां सेल्‍मी बाक्‍त। भाग का योआब आ हुकुममी, भाग का सेरूयाह आ तौ अबीशै योआब आ लोक्‍ब आ हुकुममी नु भाग का गित्त आ खिं ङा मुर इत्‍ताइ आ हुकुममी गेमी बाक्‍त। मिनु पिपमी “गो यो गेपुकी नु लडाइम लाइ‍नुङ” देंमाक्‍त। २सामुएल १५:१९

२ सामुएल 19:7

मुल रीब पा लशा, इन गेय पाइब आन थुं बारपतीन। गे मो मपाइतीनी हना, गो परमप्रभु यावे आ नेंमी कसम जशा ‘मुलाक्‍दो गे नु सुइ मबाक्‍नीम’ देंनुङ। मिनु ङोंइती इन तशो श्‍येत क्‍येङा मुलाक्‍त ङा श्‍येत ठेयब दुम्‍ब” देंमाक्‍त।

२ सामुएल 2:18

सेरूयाह आ तौ सांफा योआब, अबीशै नु आसाहेल मेकेर बाक्‍शो बाक्‍मा बाक्‍त। आसाहेल ब्‍वाकी ङा दोरब किश्‍श खोदेंशो रीब पा गेय पाइब बाक्‍माक्‍त। १इतिहास २:१६

२ सामुएल 21:17

मेना सेरूयाह आ तौ अबीशै दाऊद कली वारच पाइक्‍थ जाक्‍शा, मेको पलिस्‍ती कली सदा बाक्‍त। मेना दाऊद आ लडाइ पाइबपुकीमी “मुल रे गे गो नु लडाइमी मगाक्‍कीन। मारदे हना गे इस्राएल ङा छेङछेङन ननी। मेको मकाप्‍ल” दे कसम जामे बाक्‍त। २सामुएल २३:१८; २सामुएल २२:२९

२ सामुएल 23:18

मिनु सेरूयाह आ तौ योआब आ लोक्‍ब अबीशै मेको ३० जना आन दाते ङा ठेयब बाक्‍माक्‍त। मेकोमी सहे सां जना मुर आन कली आ तूतीकेम लडाइ पा साइक्‍मी बाक्‍त। मेको सांमी “मेको बोल्‍यो मुर बाक्‍ब” देंमा बाक्‍त। २सामुएल २१:१७

२ सामुएल 3:30

मोपा योआब नु आ लोक्‍ब अबीशैमी आब्‍नेर कली सदसे बाक्‍त। मारदे हना आब्‍नेरमी मेको आस लोक्‍ब आसाहेल कली गिबोन ङा लडाइम साइश्‍शो बाक्‍माक्‍त। न्‍यायाधीस ८:१८-२१; २राजा १४:५

२ सामुएल 3:39

गो तेल लुक्‍शो पिप दुम्‍ती हना यो, मुलाक्‍ती सक्ति मपाइश्‍शो दुम्‍शो बाक्‍नुङ। एको हुश ख्राक्‍श पोक्‍ब सेरूयाह आ तौ गो नु मगारनीम। परमप्रभु यावेमी मरिम्‍शो पाइब आन कली आन पशो क्‍येक्‍क लेप्‍ब” देंमाक्‍त। २सामुएल २:१८

१ राजा 1:33

मिनु पिपम मेको आन कली “गे इन प्रभु, आं ठेयब गेय पाइब आन कली ल‍तीन। मिनु आं तौ सोलोमन कली आं खच्‍चरम ङोइक्‍पाइश्‍शा गिहोन सम्‍म ल‍तीन।

१ इतिहास 11:20

योआब आ लोक्‍ब अबीशै मेको ३० जना आन कप्‍तान बाक्‍माक्‍त। मेकोमी आ तूतीकेमी कालेम सहे सां मुर आन कली लडाइ पा साइक्‍मी बाक्‍त। मिनु मोपा मेको सां आन दातेमी हिक्‍चा पुंइसे बाक्‍त।

१ इतिहास 18:12

सेरूयाह आ तौ अबीशैमी हिक्‍सी आ बेंसीम १८ हजार एदोमी लडाइ पा सदा बाक्‍त।

येरमीया 8:14

मुरुमी “गो मारदे एकेर निश्‍शा बाक्‍या। मुर आन कली पुक्‍शा, गो गारो हिरशो सहर आ आगा मेर प्रोक्‍य। मिनु मेकेरेन बेक्‍य। मारदे हना परमप्रभु इं परमप्रभु यावेम इं कली बेक्‍पाइक्‍चा कली सोइश्‍शो बाक्‍ब। मिनु इं कली बीस ब्‍वाइश्‍शो ब्‍वाक्‍कु तूचा गेप्‍तु। मारदे हना गो परमप्रभु यावे कली पाप पाइतय। येरमीया ९:१४

मर्कूस 3:24

राज्‍य का ङा मुरपुकी जिशा ब्राशा गाक्‍तेक्‍म हना, मेको राज्‍य जाम्‍शा लाइब।

१ सामुएल 26:6

दाऊदमी हित्ती अहीमेलेक नु सेरूयाह आ तौ योआब आ लोक्‍ब अबीशै गे लेश्‍शा कोव़शा “सावल आ बाक्‍तीकेम गो नु सु लने चाप्‍बा” देंमाक्‍त। मिनु अबीशैमी “गो लाइ‍नुङ” देंमाक्‍त।