२ सामुएल 20:23 - Sunuwar Bible

²³ योआब इस्राएल ङा लडाइ पाइब आन नेल्‍ल क्‍येङा ठेयब मुर बाक्‍माक्‍त। येहो-यादा आ तौ बेनायाह केरेथी नु पेलेथी पिप कली खाल पाइब आन ठेयब मुर बाक्‍माक्‍‍त। २सामुएल ८:१६-१८; १राजा ४:४-६

२ सामुएल 20:23 ပူးပေါင်းရင်းမြစ်များ

२ सामुएल 20:7

मिनु योआबम केरेथी, पेलेथी नु लडाइ पाइब नेल्‍ल यरूसलेम रे लाइश्‍शा, बिक्री आ तौ शेबा कली खेदा पवा बाक्‍त। २सामुएल ८:१८

२ सामुएल 23:20

कब्‍सेल सहर ङा येहो-यादा आ तौ बेनायाह यो बोल्‍यो लडाइ पाइब का बाक्‍माक्‍त। मेकोमी ठेयब गेय पशो बाक्‍माक्‍त। मेकोम मोआब ङा अरीएल आ तौ निक्‍शी साइश्‍शो बाक्‍माक्‍त। फुं यिम ना मेकोमी खाल्‍टाम लशा मेकेर गुप्‍स का साइश्‍शो बाक्‍माक्‍त। २सामुएल ८:१८; यहोसु १५:२१

२ सामुएल 8:15

मिनु दाऊदमी इस्राएल रागी नेल्‍लेम सासन पवा बाक्‍त। मिनु आ मुर नेल्‍ल आन कली ठीक निसाफ पवा बाक्‍त।

१ राजा 1:7

मिनु मेकोमी सेरूयाह आ तौ योआब नु चढ़ेब अबीयाथार नु लोव़ गारपदा बाक्‍त। मिनु मेको निक्‍शीमी अदोनीयाह कली वारच पदसे बाक्‍त। १राजा २:२७

१ राजा 1:8

तन्‍न चढ़ेब सादोक, येहो-यादा आ तौ बेनायाह, परमप्रभु यावे आ लोव़ पाइब नाथान, शिमेइ, रेइ नु दाऊद आ लडाइ पाइबपुकी चहिं अदोनीयाह नु मगारमा बाक्‍त।

१ राजा 4:1

मोपा पिप सोलोमनम इस्राएल नेल्‍लेम सासन पवा बाक्‍त।

२ राजा 11:4

मिनु ७ बर्सम येहो-यादामी सहे, सहे जना पिप कली कोव़ब केरेती नु खाल पाइब आन ठेयब मुर आन कली परमप्रभु यावे आ खिंम ब्रेश्‍शा चाक्‍मी बाक्‍त। मिनु येहो-यादाम मेको आन कली कबल का पपाइश्‍शा, परमप्रभु यावे आ खिंम कसम जपाइक्‍मी बाक्‍त। मिनु मेको आन कली पिप आ तौ कोंइदीमी बाक्‍त। केरेती परमप्रभु यावे आ खिं कोव़ब बाक्‍नीम।