२ सामुएल 20:22 - Sunuwar Bible

²² मिनु मेको मीश मुरुम आ लोव़ मुर नेल्‍ल आन कली नेंपाइक्‍मी बाक्‍त। मिनु मेकोपुकीम बिक्री आ तौ शेबा आ पिया ख्रोइश्‍शा, योआब कली ब्‍वारदमे बाक्‍त। मिनु योआबम तुराही तबा बाक्‍त। मिनु लडाइ पाइ‍ब नेल्‍ल सहर प्रोंइशा आन खिं खिं लेम्‍मा बाक्‍त। योआब चहिं पिप आ बाक्‍तीके यरूसलेम लेश्‍शा लमाक्‍त।

२ सामुएल 20:22 ပူးပေါင်းရင်းမြစ်များ

२ सामुएल 18:16

मिनु योआबम तुराही तबा बाक्‍त। मिनु लडाइ पाइ‍बपुकी इस्राएली आन कली खेदा पचा प्रोंइशा, लेम्‍मा बाक्‍त। मारदे हना योआबम लडाइ पाइब आन कली तेक्‍मी बाक्‍त।

२ सामुएल 18:17

मेकोपुकीम अब्‍सालोम आ बेक्‍शो रां लाइश्‍शा, ब्‍वाकी ङा ठेयब ढोडोङगा काम ताइक्‍तमे बाक्‍त। मिनु मेको तार शुश फुल्‍लु पुक्‍गमे बाक्‍त। मिनु इस्राएली नेल्‍ल आन आन खिं प्रोक्‍मा बाक्‍त। यहोसु ८:२९

२ सामुएल 2:28

मिनु योआबम तुराही तबा बाक्‍त। मिनु मुर नेल्‍लेमी इस्राएली आन कली खेदा पचा प्रोन्‍‍मे बाक्‍त। मिनु लडाइ नांइ‍से बाक्‍त।

२ सामुएल 20:1

शेबा नें पाइश्‍शो मरिम्‍शो पाइब मुर का बाक्‍माक्‍त। मेको बेन्‍यामीन आ थर ङा बिक्री आ तौ बाक्‍माक्‍त। मेकोम तुराही ताप्‍शा ग्रीशा “दाऊद नु आंइ के मार बाक्‍बा ङा? येस्‍से आ तौ नु आंइ के मारेइ मबाक्‍ब। ए इस्राएली, गे इन ताम्‍बु ताम्‍बुम लने” देंमाक्‍त। १राजा १२:१६

२ सामुएल 20:16

मिनु जोक्‍ब तुइक्‍ब मीश मुर काम सहर रे ब्रेश्‍शा “नेनीन, नेनीन, योआब कली ब्रेश्‍शा सोइक्‍तीन। मिनु गो मेको नु लोव़ पाइ‍नुङ” देंमाक्‍त।

उपदेसक 7:19

जोक्‍तीक तुइक्‍तीकेमी जोक्‍ब तुइक्‍ब मुर कली सहर ङा १० जना हुकुम पाइब आन क्‍येङा यो सक्ति पाइश्‍शो सेल्‍ब।

उपदेसक 8:11

मुरुमी मरिम्‍शो पाप्‍तु हना, रीब पा सजाइ मताप्‍तु हना, मेकोमी मरिम्‍शो पना पन बाक्‍ब। अय्‍युब ३५:१५-१६; मलाकी ३:१४-१५