२ सामुएल 20:15 - Sunuwar Bible

¹⁵ योआब आ लडाइ पाइब मुर नेल्‍ल जाक्‍शा, आबेल ङा बेथ-माकाह कली पुम्‍दमे बाक्‍त। मिनु सहर ङा गारो गे मार मार तेल्‍शा, गारो ङोइक्‍तीक ठीक पामे बाक्‍त। मिनु योआब आ लडाइ पाइबपुकीमी गारो प्रेत्‍चा गोव़मे बाक्‍त।

२ सामुएल 20:15 ပူးပေါင်းရင်းမြစ်များ

२ सामुएल 20:14

शेबा इस्राएल ङा थर नेल्‍ल लाक्‍शा, आबेल ङा बेथ-माकाहम जाक्‍मा सम्‍म बिक्री आ खिं ङा मुर नेल्‍ल तेइ तेइ रे ग्रुम्‍मा बाक्‍त। मिनु मेको आ नोले सहर ओव़मा बाक्‍त।

१ राजा 15:20

मिनु बेन-हादादमी पिप आसा आ देंशो बिस्‍से बाक्‍त। मिनु मेकोमी आ लडाइ पाइब आन ठेयब मुर आन कली इस्राएल ङा सहर नु लडाइ पथ सोइक्‍ता बाक्‍त। मिनु मेकोपुकीम इयोन, दान, आबेल-बेथ-माकाह किन्‍नेरोथ नेल्‍ल नु नाप्‍ताली आ रागी नेल्‍ल ग्रामा बाक्‍त। २राजा १५:२९

२ राजा 15:29

इस्राएल ङा पिप पेकाहमी सासन पवा ना अस्‍सुर ङा पिप तिग्‍लात-पिलेसेरमी लडाइ तोशा, इयोन, आबेल-बेथ-माकाह, यानोह, केदेश, हासोर, गिलाद, गालील रागी नु नाप्‍ताली आ रागी नेल्‍ल आ के सेल्‍शा, मेकेर ङा मुर आन कली ग्‍याइश्‍शा अस्‍सुर लाइक्‍मी बाक्‍त। १इतिहास ५:२६

२ राजा 19:32

मिनु परमप्रभु यावेमी अस्‍सुर ङा पिप आ पर्बम “सन्‍हेरीब एको सहरम मओव़ब। एको सहरम ब्रा का यो मआप्‍ब। मेको आ तेक्‍तीक कुरशा एको सहर आ ङोंइती मजाक्‍ब। सहर ओव़चा कली गारो ङोइक्‍तीक मसेल्‍ब।

उपदेसक 9:14

साइ ङोंइती शुश मुर मबाक्‍शो आइक्‍च सहर का बाक्‍त। मिनु मेको कली शुश सक्ति पाइश्‍शो पिपमी लडाइ तोवा बाक्‍त। मेको सहर कली पुम्‍शा, गारो ङोइक्‍तीक यो सेला बाक्‍त।

यसैया 37:33

मोपतीके परमप्रभु यावेमी अस्‍सुर ङा पिप आ पर्बम “मेको सहरम मजाक्‍ब। ब्रा का यो मआप्‍ब। सहर आ ङोंइती ब्रा तेक्‍तीके मकुरनीम। सहर ओव़चा कली गारो ङोइक्‍तीक मसेल्‍नीम।

येरमीया 32:24

कोव़ङीन, एको सहर आन के सेल्‍चा कली नु गारो ङोइक्‍चा कली लां सेल्‍चा कली मार मार तेल्‍तेक्‍म। मेको सहर कली तरवार, अन्‍काल नु मुर बेक्‍तीक रोइम पतीके, मेको लडाइ तोइब कल्‍दी आन गुइम दुम्‍त। गे मार देंनी, मेको दुम्‍त। गे आंमा ताइनीनी।

येरमीया 33:4

इस्राएली आन परमप्रभु यावेमी “एको सहर ङा खिं नु यहूदा ङा पिप आन खिं प्रेश्‍शा, कल्‍दी नु लडाइ पचा कली सहर आगा रे यो गारो ङोइक्‍तीक लां सेल्‍नीम। यसैया २२:१०

येरमीया 6:6

मुर नेल्‍ल आन परमप्रभु यावेम “मेको आ रवापुकी क्‍योरशा तिमीन। मिनु यरूसलेम ङा गारो ङोइक्‍तीक सेलीन। मेको सहर कली सजाइ गेचा माल्‍ब। मेको सहर मरिम्‍शो पतीकेम ब्रीशो बाक्‍ब।

इजीकीएल 4:2

मिनु मेको कली पुम्‍शो कोंइदो। मेको आ एर ओंथ लडाइ पचा कली लाइश्‍शो खिं सेलो। मिनु मेको आ गारो ङोइक्‍चा कली खप तेलो। एर ओंथ लडाइ पाइब आन बाक्‍तीक सेलो। मिनु आ एर ओंथ मेको गारो प्रेत्‍चा कली मुडा ठीक सेलो।

लूका 19:43

नोले इ जोरी सत्रु बोक्‍शा, इ कली एर ओंथ रे पुम्‍शा, तेइ लचा मगेथु, गारो ङोइक्‍नीम।