२ सामुएल 20:13 - Sunuwar Bible

¹³ मेको कली ठेयब लां रे लदमे नोले, मुर नेल्‍लेम बिक्री आ तौ शेबा कली खेदा पचा कली योआब आ नोले खोदमे बाक्‍त।

२ सामुएल 20:13 ပူးပေါင်းရင်းမြစ်များ

२ सामुएल 20:1

शेबा नें पाइश्‍शो मरिम्‍शो पाइब मुर का बाक्‍माक्‍त। मेको बेन्‍यामीन आ थर ङा बिक्री आ तौ बाक्‍माक्‍त। मेकोम तुराही ताप्‍शा ग्रीशा “दाऊद नु आंइ के मार बाक्‍बा ङा? येस्‍से आ तौ नु आंइ के मारेइ मबाक्‍ब। ए इस्राएली, गे इन ताम्‍बु ताम्‍बुम लने” देंमाक्‍त। १राजा १२:१६

२ सामुएल 20:11

मिनु योआब आ ठिटा मुर काम आमासा आ बेक्‍शो रां आ नेक्‍था राप्‍शा “योआब नु दाऊद आस नोले खोइक्‍बपुकीम योआब आ नोले खोदमेक्‍ल” देंमाक्‍त।

२ सामुएल 20:14

शेबा इस्राएल ङा थर नेल्‍ल लाक्‍शा, आबेल ङा बेथ-माकाहम जाक्‍मा सम्‍म बिक्री आ खिं ङा मुर नेल्‍ल तेइ तेइ रे ग्रुम्‍मा बाक्‍त। मिनु मेको आ नोले सहर ओव़मा बाक्‍त।

२ राजा 18:17

मिनु अस्‍सुर ङा पिपम लडाइ पाइब आन नेल्‍ल क्‍येङा ठेयब मुर तारतान, दरवार ङा ठेयब मुर राब्‍सारीस, पिप आ ठेयब गेय पाइब राब्‍शाके नु ठेयब हुल का लडाइ पाइब आन कली लाकीश रे पिप हिज्‍कीयाह आ बाक्‍तीक यरूसलेम सहरम सोइक्‍तीमी बाक्‍त। मिनु मेकोपुकी यरूसलेम जाक्‍मा बाक्‍त। मिनु आइक्‍था दोम्‍ली ङा ब्‍वाक्‍कु शाइक्‍तीक वा मुरब आन लांमी जाक्‍शा राम्‍मा बाक्‍त। यसैया ७:३

हितोपदेस 16:17

रिम्‍शो थुं पाइश्‍शो मुर मरिम्‍शो लां रे ङोन बाक्‍ब। मिनु मरिम्‍शो मपथु, होस पा बाक्‍ब ब्रोंइचा ताइनीम।

यसैया 36:2

मिनु अस्‍सुर ङा पिपम लाकीश ङा राब्‍शाके माइश्‍शो, आ कप्‍तान नु लडाइ पाइब शुश पिप हिज्‍कीयाह आ बाक्‍तीके यरूसलेममी सोइक्‍ताक्‍व। मिनु मेको आइक्‍था दोम्‍ली ङा ब्‍वाक्‍कु यितीके वा मुरब आन रू ङा लांमी राप्‍तेक्‍म। यसैया ७:३

यसैया 62:10

ओव़ङीन, ठेयब लाप्‍चो रे ओव़ङीन। मिनु मुर आन गाक्‍तीके लां थेल्‍शा, सेलीन। ठेयब लां रे फुल्‍लु याक्‍तीन। जात जात ङा मुर आन कली चिन्‍ड वोतीन। यसैया ५७:१४

यसैया 7:3

मिनु परमप्रभु यावेमी यसैया कली “गे नु इ तौ शेआर-याशुब आहाज कली ग्रुम्‍थ लसे। गे मेको कली आइक्‍था दोम्‍ली रे ब्‍वाक्‍कु यितीके, वा मुरब आन गेय पतीके ङा ठेयब लांम थित्‍नीसी।

येरमीया 31:21

लां तुइक्‍तीक चिन्‍ड वोतो। लां कोंइतीक थाम ख्रुक्‍को। गे तेको ठेयब लां रे लाइनेवे, मेको लां रिम्‍शो पा मिम्‍तो। गे कन्‍ने मीश आल इस्राएल, लेतो। इ सहरम ले‍तो।

गन्‍ती 20:19

मिनु इस्राएलीपुकीमी मेको कली “गोपुकी ठेयब लां रे पा लाइनीकी। मिनु गो नु आंइ बी ब्‍यफ क्‍यारश भेडामी इन ब्‍वाक्‍कु तूतक हना, मेको ङा क्‍येट थाप्‍नीकी। आंइ कली इन रागी रे पा ला लचा गेने” देंतेक्‍म।

मर्कूस 10:46

मिनु यरीको सहरमी जाक्‍दीम्‍मा बाक्‍त। मिनु यरीको रे लशा, येसु नु आ शेंसीब आन नोले खोइश्‍शा, शुश मुर गाक्‍मानु, तिमै आ तौ मिक्‍च मताइब पुंइब बारतीमै मेको लां उइ बाक्‍शो बाक्‍माक्‍त।

न्‍यायाधीस 21:19

मोपतीके “नेनीन, परमप्रभु यावे आ पर्बम बर्सम काले दुम्‍ब चाड शिलोमी पाइनीम। शिलो बेथेल आ उत्तर गे बाक्‍ब। मिनु मेको बेथेल रे शेकेम लतीक ठेयब लां आ पूर्ब नु लेबोना सहर आ दक्‍खिनम बाक्‍शो बाक्‍ब” देंमा बाक्‍त। यहोसु १८:१

१ सामुएल 6:12

मिनु मेको बी एर ओंथ मपथु, गाक्‍ची ना ग्रीना ग्रीन इर बेथ-शेमेश ठेयब लां गे लसा बाक्‍त। मिनु पलिस्‍ती आन ठेयब मुरपुकी मेको बी आस नोले बेथ-शेमेश ङा सांद सम्‍म लमा बाक्‍त। यहोसु १५:१०