२ सामुएल 2:9 - Sunuwar Bible

⁹ मिनु गिलाद, अश्‍शुर, येज्रेल, एफ्राइम, बेन्‍यामीन आ थर ङा मुर नु इस्राएली नेल्‍ल आन पिप सेला बाक्‍त।

२ सामुएल 2:9 ပူးပေါင်းရင်းမြစ်များ

उत्पत्ती 30:13

मिनु लेआमी “गो ग्‍येरसाक्‍यी। मारदे हना मीश मुरपुकीमी आं पर्बम ‘आसीक राइब बाक्‍ब’ देंनीम” देंमाक्‍त। मिनु आ तौ कली आशेर नें वोदा बाक्‍त।

२ सामुएल 2:10

सावल आ तौ इश-‍बोशेथ इस्राएल ङा पिप दुम्‍मेनु ४० बर्स दुम्‍शो बाक्‍माक्‍त। मेकोमी बर्स निक्‍शी सम्‍म सासन पवा बाक्‍त। तन्‍न यहूदा ङा मुर दाऊद आ नोले खोदमे बाक्‍त।

२ सामुएल 3:6

सावल नु दाऊद आस खिं ङा मुर आन दातेमी लडाइ दुम्‍ना दुम्‍न लमेनु, आब्‍नेर सावल आ खिंमी बोल्‍यो दुम्‍ना दुम्‍न लमाक्‍त।

१ इतिहास 12:29

सावल आ खिं ङा मुर बेन्‍यामीन आ थर ङा हजार सां मुर बाक्‍त। तन्‍न सावल आ खिं ङा शुश मुर सावल कली मप्रोंइथु बाक्‍मा बाक्‍त।

१ इतिहास 12:30

एफ्राइम आ थर ङा २० हजार ८ सहे बोल्‍यो लडाइ पाइब नु आन खिं ङा ठेयब मुर बाक्‍मा बाक्‍त।

भजन संग्रह 108:8

गिलाद आं के बाक्‍ब। मिनु मनस्‍से यो आं केन बाक्‍ब। एफ्राइम आं फलाम के ताकी बाक्‍ब। यहूदा आं राज दन्‍ड बाक्‍ब।

गन्‍ती 1:40

आशेर आ थर ङा आन खिं खिं ङा २० बर्स गाप्‍शो नु मेको क्‍येङा लाक्‍शो लडाइम लने चाप्‍ब वोंइश मुर नेल्‍ल आन नें ब्रेक्‍ताक्‍म।

यहोसु 16:5

मिनु एफ्राइम आ खिं खिं ङा मुर आन रागी तेको तेको बाक्‍तेक्‍म देंशा हना, मेको आन के सांद पूर्ब गे अतारोथ-अदार रे पा आइक्‍था ङा बेथ-होरोन सम्‍म बाक्‍त।

यहोसु 16:8

मेको सांद ताप्‍पुआह रे पा लाइश्‍शा पच्‍छिम गे कानाह खोल्‍सा सम्‍म लशा समुन्‍द्रमी जाक्‍दीश्‍शा नुप्‍शो बाक्‍त। मेको एफ्राइम आ खिं खिं ङा मुर आन रागी बाक्‍ब।

यहोसु 16:9

एको क्‍येङा लाक्‍शा मनस्‍से आ खिं ङा मुर आन दातेमी एफ्राइम आ खिं ङा मुर आन कली यो सहर नु गाउंपुकी गेशो बाक्‍त। यहोसु १७:९

यहोसु 17:1

मिनु योसेफ आ ठेयब तौ मनस्‍से नु मनस्‍से आ ठेयब तौ माकीर कली योक्‍शो रागी गिलाद नु बाशान बाक्‍माक्‍त। गिलाद आ किकी पिपी बाक्‍माक्‍त। मेकोपुकी बोल्‍यो लडाइ पाइब बाक्‍तेक्‍म। यहोसु १३:३१; गन्‍ती २६:२९

यहोसु 18:11

मिनु योव़ङमेनु, बेन्‍यामीन आ खिं खिं ङा मुरपुकीमी आन रागी ताम्‍तेक्‍म। मेको आन रागी यहूदा थर नु योसेफ आस थर निक्‍शी आन दातेमी बाक्‍त। उत्‍पत्ती ४९:२७

यहोसु 18:20

मिनु यर्दन खोला मेको आ पूर्ब ङा सांद बाक्‍ब। बेन्‍यामीन आ खिं खिं ङा मुर आन रागी ङा सांद नेल्‍ल एकोन बाक्‍नीम।

यहोसु 19:18

मेको आन सहर तेको तेको बाक्‍तेक्‍म देंशा हना, येज्रेल, केसुल्‍लोथ नु शुनेम, २राजा ४:८

यहोसु 22:9

मोपा रूबेन आ थर, गाद आ थर नु मनस्‍से आ उइक्‍थ थर ङा वोंइश मुर कनान रागी ङा शिलो रे इस्राएलीपुकी नु ब्राशा, गिलाद रागी लेत्‍तेक्‍म। मेको रागी परमप्रभु यावे आ देंशो नु मोसा आ पतीकेमी ङोंइती रे ग्राशा, आंम के सेल्‍शा बाक्‍ने थुम्‍शो बाक्‍तेक्‍म।

न्‍यायाधीस 1:32

मोपा आशेर आ थर ङा मुरपुकी कनानी नु बाक्‍मा बाक्‍त। मारदे हना सुइ कली मखेरमे बाक्‍त।

१ सामुएल 29:1

पलिस्‍तीपुकीमी लडाइ पाइब आन कली अफेकम पुक्‍गमे बाक्‍त। इस्राएलीपुकीम चहिं येज्रेल ङा ब्‍वाक्‍कु बुक्‍तीकेम आन बाक्‍तीक सेल्‍मे बाक्‍त। १सामुएल ४:१; यहोसु १५:५३