२ सामुएल 2:7 - Sunuwar Bible

⁷ मोपतीके बोल्‍यो नु महिंब दुमीन। मारदे हना इन प्रभु सावल बेक्‍शा लत। मिनु यहूदा ङा मुरपुकीम आं कली आन पिप सेल्‍तीमी” दे लोव़ कुरब मुर सोइक्‍ता बाक्‍त।

२ सामुएल 2:7 ပူးပေါင်းရင်းမြစ်များ

उत्पत्ती 15:1

मिनु नोले परमप्रभु यावेमी अब्राम कली ङोमु खोदेंशो पा कोंइतीक कोंइदा बाक्‍त। मिनु मेकोमी अब्राम आ नें थिशा “अब्राम महिनो। गो इ कली कोव़नन। शुश आसीक गेनन” देंमाक्‍त। गन्‍ती २४:४,१६; भजन संग्रह ३:४

२ सामुएल 10:12

सक्ति पाइश्‍शो बोल्‍यो दुमीन। गो आंम मुरपुकी नु आंम परमप्रभु आ सहर आ पर्बम महिंथु, लडाइ पय। मिनु परमप्रभु यावेमी आ दाक्‍‍शो पवल” देंमाक्‍त।

२ सामुएल 2:6

मिनु परमप्रभु यावेमी इन कली गेना हना यो दाक्‍शा मप्रोनल। मिनु गो यो इन पशो गेय आ पर्बम इन कली इनाम गेनुङ।

२ सामुएल 2:8

मेना सावल आ लडाइ पाइब मुर आन ठेयब मुर नेर आ तौ आब्‍नेरमी सावल आ तौ इश-‍बोशेथ कली यर्दन ओंथ हांबु महा-नाइमम चाक्‍गा बाक्‍त। १सामुएल १४:५०; उत्‍पत्ती ३२:२-३

२ सामुएल 5:3

मिनु इस्राएल ङा खाल्‍पा नेल्‍ल पिप आ बाक्‍तीक हेब्रोनम जाक्‍मा बाक्‍त। मेकेर पिप दाऊदमी मेकोपुकी नु परमप्रभु यावे आ ङोंइती कबल का पवा बाक्‍त। मिनु मेकोपुकीम दाऊद कली तेल लुक्‍शा, इस्राएल ङा पिप सेल्‍मे बाक्‍त। २सामुएल २:४; १सामुएल १६:१३

२ राजा 11:12

मिनु येहो-यादाम पिप आ तौ कली ग्रुंइदा बाक्‍त। मिनु मेको आ पियाम सिरपेच गुक्‍ता बाक्‍त। मिनु येहो-यादामी मेको कली कबल ङा कागज का गेवा बाक्‍त। मिनु मेको कली तेल लुक्‍शा पिप सेला बाक्‍त। मिनु मुरपुकीम गुइ फ्रोक्‍शा “पिप गेना हना यो ब्रोंइशा बाक्‍ल” देंमा बाक्‍त। ब्‍यवस्‍था १७:१८-१९; १राजा १:३९

नेहेम्‍याह 2:18

मिनु आं परमप्रभु आ शिशी आं तारी बाक्‍तीके नु पिपमी आं कली देंशो लोव़ यो मेको आन कली शेंताक्‍ङमी। मिनु मेकोपुकीमी “लो, गो एको गेय पय” दे ग्‍येरशा, आन थुं बारपाइक्‍‍तेक्‍म।

१ कोरिन्‍थी 16:13

होस पा बाक्‍कीने। पोक्‍च थेक्‍शा थमा सुइश्‍शा बाक्‍कीन। ठेयब थुं पा बाक्‍कीने। सक्ति पाइश्‍शो गेय पना पन बाक्‍कीन। एफिसी ६:१०

एफिसी 6:10

मिनु आं नोले ङा लोव़, प्रभु कली तुइश्‍शा सक्ति पाइश्‍शो मुर दुमीन। मोपा प्रभु आ सक्तिमी बोल्‍यो दुम्‍शा बाक्‍कीन। एफिसी ३:१६; १कोरिन्‍थी १६:१३; २तिमोथी २:१; १यूहन्‍ना २:१४

१ सामुएल 31:12

मिनु मेको आन बोल्‍यो मुरपुकी नेल्‍ल नाक्‍दो रे गाक्‍शा, सावल नु आ तौ आन बेक्‍शो रां बेथ-शान ङा गारो रे शोल्‍शा, याबेशम चाक्‍ग‍मे बाक्‍त। मिनु मेको आन कली थिम्‍मे बाक्‍त।

१ सामुएल 31:7

बेंसी नु यर्दन आइक्‍ची हांबुम बाक्‍ब इस्राएलीपुकीम लडाइ पाइब इस्राएली प्रोक्‍शो नु सावल नु आ तौ नेल्‍ल बेक्‍शो नेंन्‍मे बाक्‍त। मोपतीके मेकोपुकी आंम आंम सहर प्रोंइशा प्रोक्‍मा बाक्‍त। मिनु पलिस्‍ती जाक्‍शा मेको सहर आन के सेल्‍मे बाक्‍त।

१ सामुएल 4:9

गे पलिस्‍तीपुकी महिनीन। बोल्‍यो दुमीन। मेकोपुकी दोपा इं वाइल दुम्‍मा, मोपा गेपुकी यो हिब्रू आन वाइल मदुम्‍चा ङा पा, इन थुं लुक्‍च मलपाइक्‍थु, लडाइ पने। बोल्‍यो दुम्‍शा, लडाइ पने” देंमा बाक्‍त। न्‍यायाधीस १३:१