२ सामुएल 2:4 - Sunuwar Bible

⁴ मिनु यहूदा ङा मुरपुकी जाक्‍शा, दाऊद कली तेल लुक्‍शा, आन पिप सेल्‍मे बाक्‍त। मिनु मुरपुकीमी दाऊद कली “याबेश-गिलाद ङा मुरपुकीम सावल कली थिम्‍तेक्‍म” दे नेंपदमे बाक्‍त। २सामुएल ५:३; १सामुएल १६:१३; १सामुएल ३१:११-१३

२ सामुएल 2:4 ပူးပေါင်းရင်းမြစ်များ

२ सामुएल 19:11

मिनु पिप दाऊदमी सादोक नु अबीयाथार कली “यहूदा ङा खाल्‍पा आन कली ‘मारदे गे पिप कली आ खिंमी लेश्‍शा चाक्‍चा कली नेल्‍ल क्‍येङा नोले दुम्‍चा दाक्‍नीनी? इस्राएली नेल्‍लेम देंशो लोव़ पिपमी नेंने थुम्‍शो बाक्‍ब।

२ सामुएल 19:42

मिनु यहूदा ङा मुर नेल्‍लेमी इस्राएल ङा मुर आन कली “पिप आंइ नेक्‍था ङा मुर बाक्‍ब। गे मारदे आंइ पर्बम गाइक्‍नीनी? मार, गो पिप आ शोंप जका? मार पिपमी गो आंइ कली मारेइ गेवा?” देंमा बाक्‍त। २सामुएल १९:१२-१३

२ सामुएल 2:11

दाऊदमी हेब्रोन सहरम यहूदा ङा मुर आन कली ७ बर्स ६ महिना सम्‍म सासन पवा बाक्‍त।

२ सामुएल 2:7

मोपतीके बोल्‍यो नु महिंब दुमीन। मारदे हना इन प्रभु सावल बेक्‍शा लत। मिनु यहूदा ङा मुरपुकीम आं कली आन पिप सेल्‍तीमी” दे लोव़ कुरब मुर सोइक्‍ता बाक्‍त।

२ सामुएल 21:11

मिनु दाऊदमी सावल आ नोले चाक्‍शो मीश आइयाह आ तमी रिस्‍‍पाह आ पशो नेंशा,

२ सामुएल 21:12

मेकोमी सावल नु आ तौ योनाथन आस रुश याबेश-गिलाद ङा मुर आन गुइ रे चाक्‍गा बाक्‍त। मेकोपुकीम सावल नु योनाथन आस बेक्‍शो रां बेथ-शान सहर ङा चोक रे लदमे बाक्‍त। पलिस्‍तीपुकीमी मेको आस कली गिल्‍बोआम साइश्‍शा, नोले मेकेर क्‍युक्‍शो बाक्‍मा बाक्‍त। १सामुएल ३१:१२

२ सामुएल 5:17

पलिस्‍तीपुकीम दाऊद इस्राएल ङा पिप दुम्‍त देंशो लोव़ नेन्‍मे बाक्‍त। मिनु पलिस्‍ती नेल्‍ल लडाइ पाइब लाइश्‍शा, दाऊद कली माल्‍थ लमा बाक्‍त। तन्‍न दाऊदम मेको लोव़ नेंशा उइ ङा बोल्‍यो दरवार लशा बाक्‍माक्‍त। १सामुएल २२:१; २सामुएल २३:१४

२ सामुएल 5:3

मिनु इस्राएल ङा खाल्‍पा नेल्‍ल पिप आ बाक्‍तीक हेब्रोनम जाक्‍मा बाक्‍त। मेकेर पिप दाऊदमी मेकोपुकी नु परमप्रभु यावे आ ङोंइती कबल का पवा बाक्‍त। मिनु मेकोपुकीम दाऊद कली तेल लुक्‍शा, इस्राएल ङा पिप सेल्‍मे बाक्‍त। २सामुएल २:४; १सामुएल १६:१३

२ सामुएल 5:5

मेकोम हेब्रोनम बाक्‍शा, यहूदा कली ७ बर्स ६ महिना सासन पवा बाक्‍त। मिनु यरूसलेम सहरमी बाक्‍शा ३३ बर्स इस्राएल नेल्‍ल नु यहूदा कली सासन पवा बाक्‍त।

२ राजा 11:12

मिनु येहो-यादाम पिप आ तौ कली ग्रुंइदा बाक्‍त। मिनु मेको आ पियाम सिरपेच गुक्‍ता बाक्‍त। मिनु येहो-यादामी मेको कली कबल ङा कागज का गेवा बाक्‍त। मिनु मेको कली तेल लुक्‍शा पिप सेला बाक्‍त। मिनु मुरपुकीम गुइ फ्रोक्‍शा “पिप गेना हना यो ब्रोंइशा बाक्‍ल” देंमा बाक्‍त। ब्‍यवस्‍था १७:१८-१९; १राजा १:३९

१ इतिहास 10:11

मिनु याबेश-गिलाद सहर ङा मुरपुकीमी पलिस्‍तीमी सावल कली मार मार पदमे, मेको नेंशा,

१ इतिहास 11:3

मिनु इस्राएल ङा खाल्‍पा नेल्‍ल पिप आ बाक्‍तीक हेब्रोन सहरम जाक्‍मा बाक्‍त। मिनु दाऊदमी हेब्रोन सहरमी परमप्रभु यावे आ ङोंइती मेकोपुकी नु कबल पवा बाक्‍त। दाऊद कली तेल लुक्‍शा इस्राएल ङा पिप सेल्‍मे बाक्‍त। दोपा परमप्रभु यावेम सामुएल कली दोदेंशो देंमे, मोदेंशो पामे बाक्‍त। १सामुएल १६:१,३,११,१२

१ इतिहास 12:23

दाऊद हेब्रोन सहरम बाक्‍मेनु, या कुरशा, वारच पाइब लडाइ पाइब शुश जाक्‍मा बाक्‍त। परमप्रभु यावेम देंशो खोदेंशो पा सावल आ राज्‍य रोइश्‍शा दाऊद कली गेचा, दे मो पामे बाक्‍त।

१ सामुएल 16:13

मिनु सामुएलमी तेल बाक्‍शो ग्रोव़ ग्रुंइ‍शा, आ लोक्‍ब आन ङोंइती तेल लुक्‍ता बाक्‍त। मिनु परमप्रभु यावे आ सोक्‍त दाऊद तार जुक्‍ता बाक्‍त। मिनु मेना रे मेको नुन बाक्‍माक्‍त। मिनु सामुएल रामाह ङा लां खोदा बाक्‍त। २सामुएल २:४; २सामुएल ५:३; भजन संग्रह ८९:२१