२ सामुएल 2:32 - Sunuwar Bible

³² मेकोपुकीम आसाहेल कली कुरशा लाइश्‍शा, आ आफ आ तुरस बेथलेहेम सहरम थिम्‍मे बाक्‍त। मेको नोले योआब नु आ मुरपुकी नाक्‍दो रे गाक्‍शा नां सोव़ सोव़ हेब्रोन सहरमी जाक्‍दीम्‍मा बाक्‍त।

२ सामुएल 2:32 ပူးပေါင်းရင်းမြစ်များ

उत्पत्ती 47:29

मिनु आ बेक्‍ची जाक्‍माक्‍त। मिनु आ तौ योसेफ कली ब्रेश्‍शा “गे आं कली शिशी पाप्‍तीवी हना, इ गुइ आं फिला तार वोइश्‍शा, जोल मपथु, आं कली रिम्‍शो पावो। आं कली इजीप्‍त रागीम मथिम्‍यी, दे पुंइनुङ। उत्‍पत्ती ५०:५

उत्पत्ती 47:30

गो बेक्‍शा, आं कली इजीप्‍त रगी रे कुरशा, आं कली आं किकी पिपी आन तुरसुम थिम्‍यी” दे पुंइदा बाक्‍त। मिनु योसेफमी “इन देंशो पाइनुङ” देंमाक्‍त। उत्‍पत्ती २३:२०

२ सामुएल 2:31

तन्‍न दाऊद आ लडाइ पाइबपुकीमी बेन्‍यामीन आ थर ङा मुर नु आब्‍नेर आ नोले खोइक्‍ब ३ सहे ६० जना आन कली सदमे बाक्‍त।

२ सामुएल 5:1

मिनु नोले इस्राएल आ थर ङा मुर नेल्‍ल दाऊद आ बाक्‍तीक हेब्रोनम जाक्‍शा, मेको कली “गो इन हुश नकी।

२ इतिहास 16:14

मिनु मुरपुकीमी दाऊद आ सहरम आसामी सेल्‍पांइसीशो बेक्‍शो मुर कली वोइक्‍तीक कोठामी वोदमे बाक्‍त। मेकेर जोक्‍ब मुरुमी थम ब्रोव़शो मार मार ब्‍वाइश्‍शा ब्रोव़शो रिना पाइब घांस सेल्‍शा, मेको आ तारी वोदमे बाक्‍त। मिनु मुरपुकीम मेको पिप कली मान पचा, दे थम ठेयब मी मुइक्‍तमे बाक्‍त। २इतिहास २१:१९; येरमीया ३४:५

२ इतिहास 21:1

मिनु येहो-शाफात बेक्‍माक्‍‍त। मिनु मुरपुकीमी मेको आ किकी पिपी आन कली थिम्‍तीके दाऊद आ सहरम थिम्‍मे बाक्‍त। मिनु आ तौ येहोराम पिप दुम्‍माक्‍त।

हितोपदेस 22:29

जोक्‍ब गेय पाइब आन कली तनी? मेकोपुकी पिप आन कली गेय पाइब दुम्‍नीम। मेकोपुकीमी आइक्‍च मुर आन कली गेय मपाइनीम।

न्‍यायाधीस 8:32

मिनु योआश आ तौ गिदोन शुश खूशो दुम्‍शा बेक्‍माक्‍‍त। मेको कली आ आफ अबीएजेर आ तुरस ओफ्रा सहरमी थिम्‍मे बाक्‍त। न्‍यायाधीस ६:११

१ सामुएल 17:58

मिनु सावलम मेको कली “ए ठिटा, गे सुका आ तौ नवे” दे हिल्‍लो पवा बाक्‍त। मिनु दाऊदमी “गो इन गेय पाइब बेथलेहेम ङा येस्‍से आ तौ नङ” देंमाक्‍त।