२ सामुएल 2:27 - Sunuwar Bible

²⁷ मिनु योआबमी “परमप्रभु ब्रोंइशा बाक्‍शो खोदेंशो पा, गे मो मदेंशो नवे हना, मुरपुकीम दीसा सुनी सम्‍म यो आन लोक्‍ब आन कली खेदा पचा मप्रोनेम वा” देंमाक्‍त।

२ सामुएल 2:27 ပူးပေါင်းရင်းမြစ်များ

२ सामुएल 2:14

मिनु आब्‍नेरम योआब कली “इ लडाइ पाइब मुर नु आं लडाइ पाइब का का पा ग्रुम्‍शा इस ङोंइती लडाइ पामेक्‍ल” देंमाक्‍त। मिनु योआबमी “दुम्‍ब, मो पामेक्‍ल” देंमाक्‍त।

२ सामुएल 2:26

मिनु आब्‍नेरमी ठेयब सेंदा पा योआब कली “मार, गेना हना यो क्‍योरमुस ङा मुस, साइक्‍मुस ङा साइक्‍मुस बाक्‍चा? मेको नोले मरिम्‍शो दुम्‍ब, दे गे मतुइक्‍नेवे? आंम लोक्‍ब आन कली खेदा पचा प्रोंइचा, दे इ मुर आन कली ममाइक्‍‍नेवे?” देंमाक्‍त।

२ सामुएल 2:28

मिनु योआबम तुराही तबा बाक्‍त। मिनु मुर नेल्‍लेमी इस्राएली आन कली खेदा पचा प्रोन्‍‍मे बाक्‍त। मिनु लडाइ नांइ‍से बाक्‍त।

अय्‍युब 27:2

“परमप्रभु यावे ब्रोंइशा बाक्‍शो खोदेंशो पा आं ठीक पशो आ पर्बम मारेइ मदे। नेल्‍ल क्‍येङा ठेयब सक्ति पाइश्‍शोम आं थुं खाइक्‍पाइश्‍शो बाक्‍ब।

हितोपदेस 15:1

ब्रोव़शो पा लोव़ लेश्‍शोनु, गाइक्‍तीके तेक्‍ब। तन्‍न हुइश्‍शा पशो लोव़मी मुर आन कली गाइक्‍पाइक्‍ब। हितोपदेस २५:१५; १राजा १२:१३-१६

हितोपदेस 17:14

दोपा प्रोंइशो ब्‍वाक्‍कु बोल पा शाइक्‍बा, मोपा जिचा पोक्‍तीक बाक्‍ब। मोपतीके जिचा ठेयब दुम्‍चा क्‍येङा ङोंइती मेको कली तेक्‍कीन।

हितोपदेस 20:18

अर्ती नेंब मुर आ मिम्‍शो रिम्‍शो दुम्‍ब। जोक्‍ब तुइक्‍ब आन लोव़ नेंशा ला लडाइ पावो। हितोपदेस २४:६

हितोपदेस 25:8

गे मार मरिम्‍शो ताप्‍तीवी हना यो, रीब पा निसाफ पतीकेमी मलावो। मारदे हना इ नेक्‍था ङा मुरुम इ कली मुने तोक्‍ते हना, मार पाइनेवे। लूका १४:७-११

यसैया 47:7

मिनु गे ‘गो गेना हना यो पिपीम बाक्‍नुङ’ देंते। गे आं मुर आन कली मरिम्‍शो पाप्‍तीवी। नोले मार दुम्‍बा, मेको ममिम्‍ती।

१ सामुएल 25:26

आ प्रभु, परमप्रभु यावे ब्रोंइशा बाक्‍शो खोदेंशो पा नु इन ब्रोंइशा बाक्‍शो खोदेंशो पा, परमप्रभु यावेमी इन कली हुश ख्राक्‍श पोक्‍तीक नु क्‍येक्‍क लेत्‍तीक रे तेक्‍शो बाक्‍ब। इन जोरी सत्रु नु इन कली मरिम्‍शो पाइब नाबाल खोदेंशो दुम्‍मल।