२ सामुएल 2:26 - Sunuwar Bible

²⁶ मिनु आब्‍नेरमी ठेयब सेंदा पा योआब कली “मार, गेना हना यो क्‍योरमुस ङा मुस, साइक्‍मुस ङा साइक्‍मुस बाक्‍चा? मेको नोले मरिम्‍शो दुम्‍ब, दे गे मतुइक्‍नेवे? आंम लोक्‍ब आन कली खेदा पचा प्रोंइचा, दे इ मुर आन कली ममाइक्‍‍नेवे?” देंमाक्‍त।

२ सामुएल 2:26 ပူးပေါင်းရင်းမြစ်များ

२ सामुएल 11:25

मिनु दाऊदम मेको कली “गे योआब कली ‘गे मेको साइश्‍शो मुर आन पर्बम सुर्ता मपावो। मारदे हना तरवारम गेना हना यो मुर साइक्‍ब। गे सहर कली लडाइ तोस ङा तोस बाक्‍शा, ग्रानीनी’ दे आ थुं बारपतीन” देंमाक्‍त।

२ सामुएल 2:14

मिनु आब्‍नेरम योआब कली “इ लडाइ पाइब मुर नु आं लडाइ पाइब का का पा ग्रुम्‍शा इस ङोंइती लडाइ पामेक्‍ल” देंमाक्‍त। मिनु योआबमी “दुम्‍ब, मो पामेक्‍ल” देंमाक्‍त।

२ सामुएल 2:16

मिनु मेको नेल्‍लेमी आंम आंम जोरी सत्रु आन पियाम ग्‍याइश्‍शा कोखाम तरवारम आप्‍मे बाक्‍त। मोपा नेल्‍ल कालेम बेक्‍मा बाक्‍त। मोपतीके गिबोन आ नेक्‍था ङा रू कली हेल्‍काथ-हच्‍चुरीम देंनीम। मेको नें आ अर्थ तरवार आ क्‍योरतीक देंसीब।

२ सामुएल 2:25

बेन्‍यामीन आ थर ङा मुर आब्‍नेर गे बुक्‍मा बाक्‍त। मिनु हुल का दुम्‍शा, अम्‍माह डांडा तार लडाइ पचा कली ठीक दुम्‍मा बाक्‍त।

२ सामुएल 2:27

मिनु योआबमी “परमप्रभु ब्रोंइशा बाक्‍शो खोदेंशो पा, गे मो मदेंशो नवे हना, मुरपुकीम दीसा सुनी सम्‍म यो आन लोक्‍ब आन कली खेदा पचा मप्रोनेम वा” देंमाक्‍त।

अय्‍युब 18:2

“गे एको लोव़ गेना थुम्‍नीनी? ङोंइती मिम्‍तीन। मिनु गो लोव़ पने चाप्‍नय।

अय्‍युब 19:2

“गे आं कली गेना सम्‍म श्‍येत गेनीनी? मिनु इन लोव़मी आं कली मरिम्‍शो सेल्‍नीनी?

भजन संग्रह 4:2

गे मुरपुकी, गेना सम्‍म आं कली मान मपाइनीनी? गेना सम्‍म गेपुकी जाम्‍शा लाइब थोव़क दाक्‍नीनी नु जोल पाइनीनी? ठेयब सेंदा पा।

हितोपदेस 17:14

दोपा प्रोंइशो ब्‍वाक्‍कु बोल पा शाइक्‍बा, मोपा जिचा पोक्‍तीक बाक्‍ब। मोपतीके जिचा ठेयब दुम्‍चा क्‍येङा ङोंइती मेको कली तेक्‍कीन।

यसैया 1:20

तन्‍न आं लोव़ मनेंतीनी नु मटीतीनी हना, तरवारम क्‍योरचा पुंइसीनीनी” दे परमप्रभु यावेमी देंत। लेवी २६:२५

येरमीया 12:12

गोरशो रागी ङा डांडा मेर नेल्‍ल श्‍येत्‍थ पोक्‍बपुकी क्राक्‍थ्री चोक्‍थ्री पा जाक्‍शो बाक्‍नीम। मारदे हना परमप्रभु यावे आ तरवारम रागी आ सुर का रे अर्को सुर सम्‍म क्‍योरब। मिनु सुइ मब्रोंइनीम।

येरमीया 2:30

गो इन आल आन कली मोशा तुप्‍ता‍मी। गो मेको आन कली शेंचा दाक्‍ताक्‍ङ। तन्‍न मबिस्‍सम। इन कली सोइश्‍शो आं लोव़ पाइब इन तरवारमी साइक्‍चा पुंइसाक्‍म। गेपुकी ग्रु दाक्‍ब गुप्‍स खोदेंशो बाक्‍नीनी। यसैया १:५; मत्ती ५:१२; मत्ती २२:६; मत्ती २३:३७; मर्कूस १२:५

येरमीया 4:21

गो गेना सम्‍म लडाइ ङा छेदर तचा माल्‍नुङा? मिनु गेना सम्‍म तुराही ताप्‍शो नेंचा माल्‍नुङा?

येरमीया 46:10

मेको नाक्‍ती परमप्रभु, मुर नेल्‍ल आन परमप्रभु यावे आ नाक्‍त बाक्‍ब। मेको क्‍येक्‍क लेत्‍तीक नाक्‍ती बाक्‍ब। आंम जोरी सत्रु आन कली क्‍येक्‍क लेत्‍तीक नाक्‍ती बाक्‍ब। मुरुम तरवारम साइक्‍नीम। तरवार हुश तूशा, आ तूतू दाक्‍शो रू‍ब। मारदे हना मुर नेल्‍ल आन परमप्रभु यावेमी उत्तर गे ङा रागीमी, युफ्रेटीस खोला आ नेक्‍था क्‍योरशा चढ़ेब। यसैया २:१२; ब्‍यवस्‍था ३२:४१-४२

येरमीया 46:14

मार लोव़ पाप्‍तु देंशा हना “इजीप्‍तमी एको लोव़ नेंपतो। मिग्‍दोलमी एको लोव़ नेंपतो। मेम्‍फीस नु ताहपनेसमी यो एको लोव़ नेंपतो। गे नेल्‍ल ठीक दुम्‍शा आंम आंम राप्‍तीकेम र‍पीन। मारदे हना तरवारम इन एर ओंथ नेल्‍ल साइक्‍तु।

होसे 11:6

मेको आन सहरपुकीमी लडाइ दुम्‍नीम। मिनु मेको आन लाप्‍चो ङा थाम मीम दुप्‍नीम। मेको आन मिम्‍शो नेल्‍ल खतम दुम्‍नीम।

प्रेरित 7:26

मिनु आ दीसा मोसा लेंशा मेक जाक्‍दीम्‍मेनु, इस्राएली निक्‍शी आस कली जिशो तवा बाक्‍त। मिनु मेको आस कली ‘गे निक्‍शी, वोबु दुम्‍शा यो जिनीसी?’ देंमाक्‍त।