२ सामुएल 2:23 - Sunuwar Bible

²³ तन्‍न आसाहेल एर ओंथ लने मबिस्‍से बाक्‍त। मिनु आब्‍नेरमी आ तूतीक नोले गे आप्‍शा मेको आ कोव़ज ख्रिदा बाक्‍त। मिनु मेकेर गोल्‍शा बेक्‍माक्‍त। मिनु आसाहेल बेक्‍शो बाक्‍तीके जाक्‍शा मुर नेल्‍ल दिक्‍मा बाक्‍त। २सामुएल ३:२७

२ सामुएल 2:23 ပူးပေါင်းရင်းမြစ်များ

२ सामुएल 2:24

मिनु योआब नु अबीशैमी आब्‍नेर कली खेदा पस ङा पस पाम्‍से बाक्‍त। मिनु नां मलाक्‍थु, मेकोपुकी अम्‍माह डांडा जाक्‍मा बाक्‍त। अम्‍माह डांडा गिअह आ ङोंइती, गिबोन रे गोरशो रागी ङा लांम बाक्‍ब।

२ सामुएल 20:10

आमासामी योआब आ गुइमी तरवार बाक्‍शो मतुइक्‍ता बाक्‍त। मिनु योआबमी मेको आ कोव़जम तूदा बाक्‍त। मिनु मेको आ गा क्‍यी खपीम दोक्‍शा बेक्‍माक्‍त। मेकोमी खेयप निक्‍शी तूचा ममाल्‍दा बाक्‍त। मिनु योआब नु आ लोक्‍ब अबीशै बिक्री आ तौ शेबा कली खेदा पना पन लसा बाक्‍त। १राजा २:५

२ सामुएल 3:27

मोपा आब्‍नेर हेब्रोनम लेश्‍शा जाक्‍मेनु, योआबमी लोव़ पचा, दे सुइ मबाक्‍तीकेम लदा बाक्‍त। मिनु आ कोव़जम थोक्‍गा बाक्‍त। मोपा मेको आसाहेल साइश्‍शो आ पर्बम बेक्‍माक्‍त। १राजा २:५; २सामुएल २:२३

२ सामुएल 3:30

मोपा योआब नु आ लोक्‍ब अबीशैमी आब्‍नेर कली सदसे बाक्‍त। मारदे हना आब्‍नेरमी मेको आस लोक्‍ब आसाहेल कली गिबोन ङा लडाइम साइश्‍शो बाक्‍माक्‍त। न्‍यायाधीस ८:१८-२१; २राजा १४:५

२ सामुएल 4:6

मेको निक्‍शी चेरब लाइक्‍चशो खोदेंशो पखु पा, खिं ओव़सा बाक्‍त। मिनु मेको कली कोव़जम तूशा सदसे बाक्‍त। मिनु रेकाब नु आ लोक्‍ब बानाह सुइम मतुइक्‍थु प्रोक्‍सा बाक्‍त।

२ सामुएल 5:6

नोले पिप दाऊद नु आ मुरपुकी, यरूसलेम सहरम बाक्‍ब यबुसी नु लडाइ पचा कली यरूसलेम लमा बाक्‍त। मिनु यबुसीपुकीम दाऊद कली “गे एक जाक्‍ने मचाप्‍नीनी। मिक्‍च मताइब नु खोइल मदुक्‍बम यो इन कली प्रोक्‍पाइक्‍नीम” देंमा बाक्‍त। मोपा दाऊद जाक्‍ने मचाप्‍ब, दे मिम्‍तमे बाक्‍त। यहोसु १५:६३; न्‍यायाधीस १:२१; न्‍यायाधीस १९:१०-१२