२ सामुएल 2:16 - Sunuwar Bible

¹⁶ मिनु मेको नेल्‍लेमी आंम आंम जोरी सत्रु आन पियाम ग्‍याइश्‍शा कोखाम तरवारम आप्‍मे बाक्‍त। मोपा नेल्‍ल कालेम बेक्‍मा बाक्‍त। मोपतीके गिबोन आ नेक्‍था ङा रू कली हेल्‍काथ-हच्‍चुरीम देंनीम। मेको नें आ अर्थ तरवार आ क्‍योरतीक देंसीब।

२ सामुएल 2:16 ပူးပေါင်းရင်းမြစ်များ

२ सामुएल 2:14

मिनु आब्‍नेरम योआब कली “इ लडाइ पाइब मुर नु आं लडाइ पाइब का का पा ग्रुम्‍शा इस ङोंइती लडाइ पामेक्‍ल” देंमाक्‍त। मिनु योआबमी “दुम्‍ब, मो पामेक्‍ल” देंमाक्‍त।

२ सामुएल 2:15

मोपतीके मेकोपुकी ग्रूशा लशा, बेन्‍यामीन नु सावल आ तौ इश-‍बोशेथ आन मुर १२ जना नु दाऊद आ मुर १२ जना का का पा राम्‍मा बाक्‍त।

२ सामुएल 2:17

मेको नाक्‍त थम ठेयब लडाइ दुम्‍माक्‍त। मिनु आब्‍नेर नु इस्राएल ङा मुर दाऊद आ मुर आन क्‍येङा ब्रुमा बाक्‍त।

२ सामुएल 2:26

मिनु आब्‍नेरमी ठेयब सेंदा पा योआब कली “मार, गेना हना यो क्‍योरमुस ङा मुस, साइक्‍मुस ङा साइक्‍मुस बाक्‍चा? मेको नोले मरिम्‍शो दुम्‍ब, दे गे मतुइक्‍नेवे? आंम लोक्‍ब आन कली खेदा पचा प्रोंइचा, दे इ मुर आन कली ममाइक्‍‍नेवे?” देंमाक्‍त।

१ राजा 20:20

मिनु नेल्‍लेमी आन जोरी सत्रु आन कली सदमे बाक्‍त। मिनु मो दुम्‍मेनु अरामी प्रोक्मा बाक्‍त। मिनु इस्राएलीपुकीम मेको आन कली खेदा पा‍मे बाक्‍त। तन्‍न अराम ङा पिप बेन-हादाद आ शारा ङोइश्‍शा, अरु शारा ङोइक्‍बपुकी नु प्रोक्‍माक्‍त।

प्रेरित 1:19

मेको आ मरिम्‍शो पशो यरूसलेम सहरमी बाक्‍ब नेल्‍लेमी तुइक्‍ताक्‍म। मिनु मेको रू कली आन लोव़ रे पा आखेल्‍दामा, दे नें वोइक्‍तेक्‍म। आखेल्‍दामा देंशो “हुश आ रू” रुम्‍सीब।

यहोसु 19:25

हेल्‍काथ, हाली, बेतेन नु आकशाफ,