२ सामुएल 19:8 - Sunuwar Bible

⁸ मिनु पिप बोक्‍शा, ठेयब लाप्‍चोम बाक्‍माक्‍त। मिनु पिप ठेयब लाप्‍चोम बाक्‍शो बाक्‍ब, दे लडाइ पाइब आन कली नेंपदमे बाक्‍त। मिनु लडाइ पाइब नेल्‍ल पिप आ ङोंइती जाक्‍मा बाक्‍त। मेना सम्‍म इस्राएली नेल्‍ल आन आन खिं प्रोक्‍ने थुम्‍शो बाक्‍मा बाक्‍त।

२ सामुएल 19:8 ပူးပေါင်းရင်းမြစ်များ

२ सामुएल 15:2

अब्‍सालोम सुनी कना बोक्‍शा, सहर ओव़तीक ठेयब लाप्‍चोमी बाक्‍बाक्‍माक्‍त। मिनु मुरपुकी पिप कली निसाफ पुंइथ जाक्‍बाक्‍तेक्‍म। अब्‍सालोममी मेको आन कली का का पा “तेको सहर रे जाक्‍शो नवे” देंबाक्‍माक्‍त। मिनु मेकोमी “इन गेय पाइब इस्राएल ङा एको थर रे जाक्‍शो नङ” देंबाक्‍मा बाक्‍त।

२ सामुएल 18:17

मेकोपुकीम अब्‍सालोम आ बेक्‍शो रां लाइश्‍शा, ब्‍वाकी ङा ठेयब ढोडोङगा काम ताइक्‍तमे बाक्‍त। मिनु मेको तार शुश फुल्‍लु पुक्‍गमे बाक्‍त। मिनु इस्राएली नेल्‍ल आन आन खिं प्रोक्‍मा बाक्‍त। यहोसु ८:२९

२ सामुएल 18:24

मेना दाऊद लाप्‍चो निक्‍शी आस दातेमी बाक्‍शो बाक्‍माक्‍त। खाल पाइबमी गारो आ तार लशा कोव़ङा बाक्‍त। मिनु मुर का दोरशा पिशो तवा बाक्‍त।

२ सामुएल 18:4

मिनु पिपमी “मो हना गो, गे मार देंनी, मेको पाइ‍नुङ” देंमाक्‍त। मिनु मेको ठेयब लाप्‍चोम राप्‍शा बाक्‍माक्‍त। मिनु लडाइ पाइबपुकी हजार का, सहे का ङा हुल पा आ ङोंइती रे लमा बाक्‍त।

२ सामुएल 19:3

मेको नाक्‍ती लडाइ पाइबपुकी लडाइम ब्रुशा आन कुल कोंइने मचाप्‍थु, मुने दोक्‍शा प्रोक्‍शो मुर खोदेंशो पा सिक्‍सी पा सहर ओव़मा बाक्‍त।

१ राजा 22:36

मिनु नां लाक्‍गा नोले लडाइ पाइब आन हुलम “मुर नेल्‍ल इन सहर सहर नु इन बाक्‍तीक लने” देंशो लोव़ नेन्‍मे बाक्‍त।

२ राजा 14:12

मिनु यहूदा ङा पिप इस्राएली आन क्‍येङा ब्रुमाक्‍त। मिनु मुर नेल्‍ल प्रोक्‍मा बाक्‍त।

२ राजा 8:21

मोपतीके यहूदा ङा पिप येहोराम आ बग्‍गी नेल्‍ल लाइश्‍शा, आइक्‍ची हांबु जाइर सहरमी लमाक्‍त। मिनु एदोमीपुकीम येहोराम आ बग्‍गी नेल्‍ल नु आ लडाइ पाइब आन ठेयब मुर नेल्‍ल आन कली पुम्‍दमे बाक्‍त। मिनु मेको आ लडाइ पाइबपुकी चहिं प्रोक्‍शा, आन आन खिं लेम्‍मा बाक्‍त।

१ सामुएल 4:10

मिनु पलिस्‍तीपुकीम लडाइ पामे बाक्‍त। मिनु इस्राएलीपुकी ब्रुशा, आन आन ताम्‍बुम प्रोक्‍मा बाक्‍त। मेको लडाइम शुश मुर साइक्‍चा पुंइसमा बाक्‍त। खोइलीम गाक्‍ब ३० हजार लडाइ पाइबपुकी बेक्‍मा बाक्‍त।